屋企裝修完後管理公司唔退回按金比裝修公司可以點處理？

想知佢有幾仆街？
擺明係物管班冚家剷玩野

你唔簽樓上樓下有事都係入你數嫁啦，有咩分別

呢啲情況係灰色地帶有得拗下。

但你生口位嘅阻擋情況係點？

有無相睇好難討論

條款一
樓上樓下整水喉
遲一日維修有咩損失歸樓主
正常喎
真人有人咁仆街自私唔開門比人整
樓主唔仆街唔自私怕咩簽
鬼叫個生口位係你度

條款二
萬一維修生口位時
破壞到周邊物件不作賠償
亦都正常
其實你知道件公家野係度
你裝修都識避，方便日後維修
以管理公司都戴埋頭盔
提防老千

一係你放張生口相上黎
比我地睇下




就黎過年啦
簽左比返啲錢裝修公司啦

唔好理個主任，直接打上去總公司搵個經理

有啲仆街做晒裝修就唔肯俾大廈入去維修公眾喉，只要爆屎漏水唔關佢事就唔理其他樓上樓下，你做晒傢俬封晒啲公眾喉維修位，管理處如果日後真係有需要拆開維修唔通要要賠十萬八萬俾你，因為維修大廈喉

條款一
如果樓主冚家去咗外遊點算

如果自己間屋有公家野
真係成家走左未門口貼張紙
同管理處講聲囉

同埋返工果啲冇計
入去樓主屋企做野
點都要通知

都係果句
工程野
要夾出黎

或者簡單咁講，你改動完公家唔肯簽紙負責，咁應該邊個負責，如果你無郁過而咁樣叫你簽就唔合理，你明知有再郁完唔肯簽咁你話叫邊間負責，再唔係還原返個位，講明先，無改要你簽就唔合理，你改完唔簽就係你麻煩，你就算唔簽，如果係你屋企漏咪一樣你負責

我咁睇
唔簽，爆喉塞咗，管理處係有權按DMC(假設有）入去維修，但要有合理時間通知，業主可以唔係香港或者有其他合理理由開唔到門。業主玩野管理處其實無符。


相反簽左份undertaking, 管理處就真係可以拎份文件去追佢損失。

比我一定唔簽再small claim佢。

咁照你咁講公家野其實可以隨便改，你小額佢，佢一陣迫返你還原點攪(樓豬講左已影相)

條喉係公家好清晰，
但個修口好肯定唔係，管理處無權管，
只係真係要維修整爛左，管理處有免責條款咁解

你間裝修公司fd 先幫你俾按金姐，正路lee d 錢自己俾架啦，你咪俾返你個fd 先，自己同管理公司慢慢玩。

其實可能大家有啲誤會，其實我一開始已經簽過，管理處個主任都來睇過，佢影哂相話無問題會準備退回啲按金比裝修公司，但果條友兩日後又寄左個信，話任何延誤導致既工程延誤都會入我地數。

但我想講既係，我屋企人同我地既律師朋友都話依句野好有問題，所以我打左比個管理公司既主任叫佢修改返啲字眼再寄多次比我地簽。但係，過左成個月都無聲無氣，個裝修公司就打來同我地講個主任話因為我地無簽所以唔會比返啲錢佢，另外，佢連本身裝修公司既工人證50蚊按金都唔退比佢。裝修公司叫個主任再搵我地傾，但從來都無回音。

見到樓上有啲人話我玩野，我只係保障返自己，同埋我無更改到大廈啲喉，個管理公司條友只係話個生口，但個生口只係介左玻璃膠同開幾口螺絲就得，我自己開都係兩分鐘既事。（另外唔知點解我手機up唔到啲相）

利申：昨日再打比管理處個主任，佢早上話轉頭再打比我地傾，之後打左成日都好似失蹤左，依家好似換左個人跟進

我角度啦，你就算簽完，假設真係唔係你問題，人地其實幾難搵公證屈到你，調返轉假設係你問題，你無簽佢一樣到時可以小額你，講到尾樓豬唔信管理處+樓上樓下，管理處理論上知道你改公家野肯定要簽，我單純唔同意郁完公家野又想0責任，呢間管理處唔算閪了，再閪d應該係唔比你改阿公野，因為條喉係阿公既，講到尾係樓豬手多要郁，我唔sure小額會唔會贏，但管理處拎住張相+公契要你還原應該唔會輸(假設管理處咁做)

岩阿巴打，其實我完全無郁過啲公家野

唔係，簽左Undertaking 就擴大左個責任，你承諾左即時開到門比人入去做野wor, 如果只係跟DMC佢係有權，但你無責任咁盡責去配合佢，亦有無法配合既情況。

重點唔係公家喉改動，而係迫業主配合呢樣野

睇吓呢個case
簡單講，管理處有權去整公家野，業主都已經「全力配合」，你吹呀

簽左份undertaking就另一回事

https://hk.on.cc/hk/bkn/cnt/news/20140731/mobile/bkn-20140731010008201-0731_00822_001.html

其實仲有一個問題係，因為我屋企人成日都會去旅行（除左依家武漢肺炎），而我又要出門工作同有時要出trip，所以屋企有時會無人，就係擔心如果屋企無人但管理處又要入我屋企做野咁到時入哂我啲數賣層樓都唔掂，所以先想管理處個主任就算要我地簽野都修改下啲字眼，佢口頭應承左但就乜柒都無改過，仲要反過來同裝修公司講因為我地唔簽，仲要連人地工作證按金都hold住，我都唔知邊個玩野。

樓主不如試下小額錢債

比個deadline佢，唔退再去Small Claim佢
份裝修申請一般無條款授權佢咁做

樓主全家去旅行點算

一定唔簽
簽完佢有unrestricted access
出事又多一個證據

如果樓主係act in good faith
可以提議加條件
例如要最少24小時書面通知先可以入屋