如果林家謙有姜濤個樣，成就會有幾高？

張國榮梅姐都係實力派 好撚好睇㗎 咩嘢膠膠吓唱慢歌 你唔好侮辱實力派好喎
而家我講緊mirror偶像派 但aga陳柏宇呢啲自以為實力派嘅尋晚仲衰撚過mirror
而姜濤冇潛質冇實力可以再更上一層樓

張國榮同梅姐喺佢地年代係定義做偶像派架，依家死晒上神台姐，我意思偶像派咪偶像派囉，有咩問題？

你唔可以因為人哋個樣有星味又拍戲 就當人真係偶像派 唔通何cc同許志安拜個偶像派為師？張國榮唱家班㗎喎

偶像派=唔識唱歌？我由頭到尾咪話偶像派冇問題，係你貶義左依三隻字姐，個樣好啲都俾人定義偶像派架啦，冇人話偶像=垃圾，我由頭到尾都係咁講，所以姜濤咪偶像派囉，佢有冇潛質唔係我同你講幾講就顯示到，佢先20出頭咋，大把前途大把時間啦老土講，郭富城後生都唔識做戲，依家咪一套一套練演技返嚟囉。

偶像派咪twins呢啲 紅係紅 過一排咪又會比人拉返落嚟 出面都有post講緊 反而實力派係隔幾多代都會識欣賞
同埋我講嘅潛質係天份 有啲人冇就係冇 好似關智斌咁 早排學完唱歌 咪又係難聽 唔係話姜濤衰過佢 但姜濤好難再有啲咩突破 有幾多個係由冇料變到有料 郭富城唱歌都唔差 但演技而家都真係一般 冇張學友咁有天份 再講 班姜糖推到佢咁快上高峰 佢之後條路都幾難行 就係因為佢太後生 之後跌一跌就好甘 btw佢最基本真係要改一改吓啲懶音先

郭富城拎左兩次金馬影帝，一次金像影帝wor 你覺得佢冇演戲天份咪冇囉，你都唔係睇客觀因素，twins依家都好紅wor，開紅館十幾場都爆，咁都叫俾人拉返落嚟咁你講晒啦ok？郭富城唱歌仲係用喉嚨發聲架，唔係用丹田，佢唱歌個方法根本唔啱。

一個投票，fans見到有偶像咪投囉，唔通鍾意姜濤都要投第二個咩，條路難唔難行日後咪知，如果連登風向踩下一個人捧下一個人係有用，林鄭就落左台啦，韓國kpop就冇人聽啦。

Ps：其實我好鍾意城城，我見到咩投票男神我都會揀佢，我理得果年係咪古天樂張家輝成績好過佢，鍾意咪投囉，咁fans係咁架啦，但唔代表我唔知道我偶像有咩不足嘅地方，邊個話要完美先可以做偶像？

講真 唔頒比佢仲可以比邊個 香港真係有幾個演技好？大把好嘅都瓜曬 一係退役 而家嗰班最多都係得外國嘅演員嘅一半功力 唔係話崇洋呀 但真係冇咩邊個出色 楊千嬅夠攞獎啦 而家香港一年有幾多套電影 幾多套真係有深度可以發揮？我冇話姜濤唔可以攞最喜愛男歌手 呢啲民意嚟 但我講緊佢未夠火喉 講緊佢功架 林家謙都一樣 aga都係

郭富城拎金像獎果年係踏血尋梅，同年仲有十年、暗色天堂、五個小孩的校長、影帝入圍名單其他人有張學友、梁家輝、劉德華、張家輝，唔好話唔頒俾佢仲可以俾邊個，依度有三個本身都已經係金像影帝，我舉城城做例係想講一個人真係可以磨，只要佢有fans撐住，佢有有心做，佢可以磨。

其實你次次都攞你啲偶像出嚟講 我真係點講都係會踩著你條尾 你當得佢係偶像 喺你眼中一定係好㗎 冇話佢唔得 但每個人標準唔同 你咪當我要求高 同時啲人對近代嘅明星都要求低咗 你睇吓啲人連唱live穩定都要吹奏 同埋唔通楊千嬅攞嗰年就係勁過提名嗰班咩 呢啲都要睇天時地理人和 劇本都好緊要

咁人地姜濤啲粉絲覺得佢夠好咪得，駛咩你或者我認同？同時我都冇要求你去認同城城有幾好，反正佢點都名留青史，你可以唔認同人但唔代表你嘅意見比他人重要。

一個人有咁多fans係佢本事，佢識包裝又好靚仔又好咩原因都好，咁佢有人鍾意咪得，我難聽啲講真係多你一個唔多，少我一個唔少，你依家喺度讚下城城同姜濤佢地又唔會多一蚊收，冇mirror啲後生剩係識韓星咋，多啲人聽廣東歌唔好？人地獎就拎左，俾機會人地磨下好難？定係個個都要一出道係張柏芝袁詠儀咁先值得俾機會？你係專業人士？有冇潛質係我同你講下就係？我根本都唔係姜糖，我根本唔聽廣東歌sorry，但我覺得佢留住一班鍾意聽kpop嘅妹妹仔對樂壇點都係好事姐。

明明你好多句都係想說服我認同郭富城 唔係做咩挖咁多嘢出嚟講 話咗我係講緊有啲人冇天份 後天努力完都唔係好嗰班 然後話姜濤最多係偶像派 有邊句講錯 你就一開始扮中立 後尾就忍唔住話投比自己偶像有咩問題 之後又噠郭富城 冇耐又話係你偶像 即係點呀 家陣係咪要本土就盲撐 我已經冇踩姜濤狗屎垃圾已經好比面 又好中立地講句aga live衰過佢 到底你邊句唔啱聽？要話佢好有天份？懶音都未搣甩 講乜啫 講嘢lur嘅 點上得大台見人呀 攞bts嗰啲偶像派嚟同mirror比 我唔識bts都聽過隊嘢有啲料到啦 人哋衝出韓國喎 唔係比mirror代表香港呀？

我冇想說服你，單純覺得你講野冇客觀事實去support姐，話郭富城冇演戲天份但佢近年好多作品都令專業電影人改觀，入圍好多次先拎到個影帝，不過你個人意見覺得佢冇天份係最緊要，因為你最專業

我都話我唔係姜糖ok？我係army，我根本唔聽咩張國榮梅姐mirror林家謙，我只係睇唔過眼連登仔白癡，見人紅就要踩多腳姐，人地姜濤唔知自己會拎，嚇到呆晒咪lur囉好出奇？廿歲咋大佬。

係啊mirror代表唔到香港，依家代表香港衝出本地嘅係gem 比比鳥同楊千嬅，你係咪想幾年後都係咁？bts都出道好多年先紅，仲成日喺韓國俾媒體針對，全部army都知，個個成功藝人都係靠磨返嚟，以事論事就=係姜濤fans？你都幾好笑。我都冇講過我投左姜濤，我投鄭中基架，不過人地姜濤係紅吹脹咩，人地少你一個唔少囉都話，正如kpop界大把人唔鍾意bts，army鍾意咪夠囉。