牙璇新訪問
事件對錯爭論唔再loop啦,其實由pre-round 去到20強同決賽個表演真係覺得佢唔同左,起碼冇左阿芝當初講既侵略性,仲多左份感染力,好彩璇入左A組比二汶同Jojo琢磨,如果係kp組應該會係咁用佢既殺氣係咁做女團跳唱殺殺殺
/以一身牛仔褸襯同色短裙造型現身,卻未感受到在比賽期間所帶來的壓迫感,她笑說:「二汶話個稜角冇咁犀利,一開始《造星III》嘅時候,可能因為要比賽,成個戰鬥格,睇落好似好兇狠。不過經過阿祖同二汶嘅workshop後,稜角磨蝕咗,有返啲親切感。」陳葦璇還說:「我鍾意而家嘅自己,不過我今年25歲,話大唔大,話細唔細,但係唔知點解畀人感覺好似身經百戰,好老練!/
/之前覺得自己好難同人哋接近,喺圈中好難識到好親密嘅朋友,但係今次俾我識到呢班好朋友,我仲學識坦然咗,冇咁着緊所有嘢,好開心有呢一個經歷。/
/重提事件,她說:「其實係好耐之前錄,不過到咗20強先播出,嗰陣係好手足無措,我都有問二汶同花姐,花姐睇完話明我講乜嘢,所以先畀片段出街;二汶寫咗好大段文字畀我,嗰段時間嘅心情同壓力好大,影響咗我嘅情緒處理得唔好,佢理解我嘅諗法同感受,但係佢希望我經過今次事件,做人可以沉實啲,唔好咁衝。經過今次事件,我知道任何一件事都有佢嘅不足之處,希望自己可以冷靜啲,唔好畀自己嘅情緒達到咁高漲嘅位置。」陳葦璇坦言:「可能我以前係運動員,一直都係獨行獨斷,經過呢件事,再加上『戰狼11』嘅體會,學識多啲了解別人嘅感受。我從來都冇睇唔起嘅意思,不過對我嚟講,係好嘅經驗。」/
https://hk.appledaily.com/entertainment/20210119/24JNLDQIOBDENGT6BFTVR6XATM/?fbclid=IwAR2Z_1J7vVHA5MbFzT7EoWp0B8KQj9zBw-DwGD0x3pJDNwDAMP5rWAVxHik