老豆初步確診肺癌4期

去睇私家一次，叫佢寫referral返公院
最好搵返個醫生係同樣駐守你想去嘅嗰間公院
咁樣排會快d

我係朋友幫我搵咗一個
好資深嘅肝膽胰科醫生refer我去QM外科
同時我都搵咗一個
駐私家&QM嘅腫瘤科醫生refer QM內科腫瘤

QM有trial可以試標靶/免疫，唔洗錢
但要做3星期檢查
如果你哋負擔到，我都係覺得直接俾錢唔好等
但如果負擔唔到就唯有等
我屋企負擔到但嗰陣醫生淨係俾咗trial option
結果未等到就惡化得好快
最後俾咗錢標靶+雙免疫，
結果都係未趕得切打就惡化&併發症
由再惡化至走嗰日先得10日

上面講到食煙係肺癌唯一成因咁

食煙好大機會係一個催化作用。如果本身唔煙唔酒，生活健康既但無啦啦有cancer 嗰啲就冇辦法，嗰啲就真係慘同值得可憐。但依加樓主個case唔同，佢老豆自己攞嚟。所以為己為人，應該一早戒煙！

身邊年紀輕生癌嘅全部都飲食健康
唔煙唔酒 仲要性格開朗

我老母六十 四期癌症
又係唔煙唔酒

煙撚平均都八十幾先死
根本係個人去到咁上下年紀
夠鐘熄燈
身體自然會生啲野出黎
了結左生命

Circle of life

You sure?
你每日一兩支可能好啲，但有唔少人每日越食越多，日子耐咗就每日幾包
後生有cancer 大多數係先天

想問下有冇中醫介紹? 我地都想聽多D 唔同意見

好似話煙剷食開煙 突然戒左/少食左就會出事

肺癌最大成因係遺傳

想問下係仁安做呢d checking 用左幾多錢？

慳翻d錢係私家開始打一兩期化療好過
政府緊急極都要等一兩個月

想問下你老豆個陣係住邊間醫院? 醫生好唔好?

唔係想咒佢 但係趁而家仲有活動能力嘅時候
有咩想同佢講嘅快啲同佢講
佢想食嘅快啲同佢食
去啲佢想去嘅地方
唔好有遺憾

生老病死

點會可能有，佢地依家人梗係自私底，先可以食到3X年煙
至於食到其他人生cancer，你地死你地賤啦，
總之我依家老豆就死喇，好傷心呀，叫救命呀，巧慘慘豬唷

我母親都係腎轉移肺 差唔多1年 情況都仲ok 係食標把藥食到手爛腳爛 有無人有經驗用啲咩係有用ga 醫生係叫用凡士林 不過都無咩用

西醫嘅話 等化驗報告之後個治療方案會清晰啲 都係睇有咩target (EGFR, ALK, MET, etc.)，有冇上到腦等等，再用返相應藥物

選擇上可能反而Financial reason 有影響啲 例如 tyrosin kinase inhibitors (for EGFR mutation) 第一代同第三代已經差好多 如果無保險嘅話 建議巴/絲睇定啲Patient access programs, 關愛基金/撒馬利亞等等，睇吓符唔符合申請條件

一定係食煙
肺癌患者比例最高係煙民

嘩，乜你把口咁毒架，咒緊樓主wo~

睇到字都覺得慘! 食煙之嘛，又唔係殺人! 嗚嗚嗚

真係要睇個老人家會唔會想得開，現在只是用錢延長時間 ， 而且做療程亦令老人家承受痛苦。

唔知樓主老豆平時係邊食煙
如果係屋企入面食
樓主成家最好都係check check好d

其實做曬所有 checking 你預10萬啦...

咪係，都死撚梗啦，一日廿包就差唔多

要小心免疫治療會燒錢燒得快好多，另外其實標靶治療未必需要係基因有突變既時候，而係睇邊一種器官癌，以我所知，原發性大腸癌有標靶治療但唔太過需要係基因有突變。利申，我老豆十幾年前四期原發性大腸癌食過當時嘅標靶藥（好似近年已經變咗做一二線藥）

另外好似之前D C Hing C打講，四期其實可以做嘅好少，不如把握時間同佢行埋最後一段路。另外要留意樓主你媽媽，佢嘅壓力唔比你輕。
如果真係想搵多個醫生睇,可以考慮搵中大莫樹錦，不過收費不菲。