老豆初步確診肺癌4期

你地盡最大努力試完
如果都係唔得就要學識放手
唔好令老豆太辛苦咁走

樓主加油
其實拎住私家referral再去威爾斯排都會快少少
不過唔會快好多
如果真係想快啲睇到醫生我建議
直接去睇A&E入院見左醫生先
PWH同QE都算係好的選擇
陪多啲屋企人最重要

唔該哂巴打
有時依啲屋企人病嘅嘢都唔知好唔好同身邊朋友講

仁安係唔係睇莫樹錦？

要使過百萬都係長多三四年命，而且啲錢仲要係借返黎/全家大部分家財。如果我係個病人都唔想屋企人使冤枉錢，搵個無人地方哩埋死咗去算

Ching ,唔使咁黑心既，我老豆仲喺度
我老豆今年76，已經冇食煙30幾年，我本身成家都唔食煙，我平時會叫人戒煙
我老豆政府醫院同私家醫生都有睇，聽啲唔同既意見，
私家醫院比我嘅感覺唔太好，因為我老豆癌細胞已經入骨，私家建議打補骨針，差少少打左！我同屋企人話諗諗先，佢即刻語氣唔同晒
之後先知原來打骨針都有副作用，要見左牙醫再打
所以覺得私家唔一定好，反而伊利沙伯個醫生幾有耐性同幾好人

同老豆關係點？

但每人對親情、金錢嘅輕重不同，好似我媽用咗唔少錢，但我哋都樂意付出，十年前可以買到一個單位，無佢哋我什麼都沒有，回贈部份財產都值得，也是我的精神食糧

係阿，我同屋企人都係咁諗
因為始終我老豆都76所以唔想佢辛苦

好好陪住佢
珍惜彼此擁有的日子

加油樓主，多上網查資料亦可以直接打電話去癌症基金會，將報告提供睇吓有沒有建議💪

好有料我屋企人睇緊

你睇普通人去排專科就係
確診左係咩cancer 好快有得醫

係呀！覺得身體有異樣最好搵私家醫生及檢查，不幸確疹就麻煩私家醫生寫介紹信比政府，不到3個半月就做手術，費用連住院不超過1000大元，咁私家醫生就幾日但手術以10萬起，自己衡量去選擇

上年都係老豆有 半邊割哂
電療化療好辛苦 個人都要睇開啲
依家食好啲 遲啲食野會辛苦

我媽上年七月都係咁，又係威爾斯，從來無食煙
果排咳好西利，突然就話肺癌四期，完全無預警

之後化療+食藥精神好好多
但上星期覆診睇返報告開始有擴散到頸...應該隻藥已經有抗藥性
我都唔知可以點同仲有幾耐

唔使咁悲觀, 如果隻藥對身體其他病灶控制得好好, 只係頸有一個 spot 控制唔到, 有機會可以做電療,有無問過醫生? Good Luck!

我屋企人6年前知道又係肺癌4期 果時全家都晴天霹靂， 跟住醫院話有隻新標靶藥可能啱用 試左基因真係啱一食就兩年 跟住隻藥接藥咁試 到而家都6 年 全程都公立醫院唔洗藥費 一直都行得走得食得訓得 正常人咁生活 係個人易累啲 所以唔洗絕望 第4期未到最後 加油巴打