[甜故] 內心肉食．實際毒痴女．FF食男神．女性視角．甜故

新讀者留名

女主唔係咪得

小妹最近忙d
應該下星期先再出到文

呢家先星期2

加油呀，最緊要唔好棄文

一定唔會棄文
我會寫到結局架

各位好
本身話下星期先po文嘅，但為左畀大家快D有文睇(其實係驚個post沉啫)，我決定短短地po住少少先
我好快會繼續po落去架


-------------------------------------

Hayden今日時光倒流變返中學生，F.4，剛開始會識鍾意人，想拍拖，想錫錫攬攬嘅年紀。而我化身佢嘅中學同學，坐佢隔籬位。

我既仰慕佢聰明醒目，同時又為到自己有佢幫我溫書、做功課而洋洋得意。我日日叫佢教我做功課，其實係為左喺旁邊欣賞佢埋頭苦幹嘅樣——佢認真嘅神情特別迷人，佢兩眼專注於紙上嘅文字間，完全唔察覺我已經望左佢好耐。

* * * * * * * * *

今日輔助DIY嘅幻想劇係《我與Hayden的中學時光》。
無他，因為岩岩stalk完佢facebook中學D相，自然產生出咁嘅幻想。
佢中學個樣都幾cute，比而家少左D男人味，多左分純情。
佢係乖學生樣，仲要著校服，睇到我想入非非。
我當然唔會話畀佢聽我stalk佢，仲有D咁嘅幻想，講出嚟應該會覺得我變態？

應該只有住hall嘅人先會好似我而家咁，日光日白DIY？因為夜晚roommate多數喺房，就冇機會。
我攤坐喺被竇，手伸入褲入面，繼續頭先嘅幻想。

* * * * * * * * *
Hayden著住白色裇衫，灰色長褲，而我著白色連身校裙，配一條藍色腰帶。我同Hayden喺課室做完功課，我話要玩樣好好玩嘅野，拉左佢上學校天台。
學校天台一半係個微型農莊，種左D瓜、菜、豆。另一半係一片空地，面對住一條好少有人經過嘅街。

Hayden半信半疑咁跟左我上天台。

我叫佢合埋眼，話要畀驚喜佢，
然後我移步去佢身後，從後搭隻手喺佢腰，
跟住將我上半身貼上佢背脊，鼻哄埋佢膊頭。
佢即刻縮一縮，問我做咩。
我輕輕力掩住佢個口，喺佢耳邊講「唔驚喎，天台唔會有人上嚟架。」

佢有D驚咁，稍微出力想推開我，但只係好細力。
我雙手環抱佢腰，手掌邊撫摸佢腰、肚、心口。
然後我再用手指喺佢校服恤衫上劃，揾佢乳頭，我隔住繡有校徽嘅衫袋輕輕力咁搓。

佢漸漸放鬆，唔再反抗，然後擰轉頭kiss我。呀——好舒服呀。
佢攬住我不斷錫，不斷摸，摸我背、腰、pat，
然後仲伸手去我校服嘅腰帶度，再一路向下摸，直至到達三角位，就連帶校裙推入我兩腳中間嘅位置，隔住校裙摷我。我想推開佢手，整濕校裙就弊喇！
但佢唔肯，繼續摷，
然後仲索性褐起我校裙，喺底底外面摷。
「唔得呀！」我話。
畀人睇到點算呀！但佢當聽唔到，一臉猴急咁狂摷。
我見到佢校褲褲襠位置拱起左。聯想到校褲入面嘅東西，我有伸手去摸嘅衝動......
呀呀呀！唔可以架！我只係諗住氹佢上天台攬下錫下架咋，點解會變成咁淫賤架？我地好曳呀，點算好呀？

佢繼續摷，愈摷愈快，又哄埋嚟錫我，一路濕吻一路摷。我又驚又興奮。我終於忍唔住摸佢下面——呀——校褲嘅質感加埋棒棒嘅形狀，係我第一次同學生互摷，我好興奮呀。我唔得喇——我要高潮喇——呀——

* * * * * * * * *

我喺被賨入面渡過美好而短暫嘅高潮。

清醒之後，忽然想取笑自己嘅幻想——根本係又濫又行嘅av情節，似乎褻瀆左男主角。
我下意識攞起電話，打開ig，睇下佢有冇po story。

哇，有冇咁橋？佢story po 左係中學相。
相中係幾個男仔喺班房做鬼臉合照。全部人都整古做怪，唯獨Hayden一個正經樣微笑。
相下寫住「XX中學chem班痴線佬👴🧪說好的一齊燒lab呢？」
我撳落story下方嘅回應方框，打左句「 PO中學相賣萌？😏」，撳個紙飛機公仔send，然後嘴角不自覺微笑，
我撳住mon，再望多兩眼張相，佢中學都幾cute，尤其yr 3嘅我，望返中學嘅佢。

佢好快就覆我：「哪有萌賣😒」
「邊似你 成日收兵」佢又再覆一句。
「我哪有」我覆佢。
「btw 你識唔識做呢d數？🙈求救」我send左分功課畀佢，再message佢話。
佢：「應該識
過嚟lab，我教你」

然後我就過咗去lab(電腦室)搵佢。

g持

等樓主

有文


幫手推下

甜！

大家好我終於有文出喇我好興奮呀!
---------------------------

最近我哋三不五時就會一齊摺lab。有時係搵佢教我功課，有時純粹係各自各做嘢。
我發現佢差唔多一有空堂就會摺喺lab，佢話要收復返mid term嘅失地，所以爆seed讀書。
而我一得閒就會走過去睇吓佢喺唔喺度。一齊摺讀成為左一件自然而然嘅事。

一踏入lab我就見到佢，一方面因為佢通常都坐嗰排座位，一方面因為佢嘅衣著。
「哇。做乜戴帽咁MK？」我一見到佢就劈頭劈勢話。然後坐喺佢隔籬。
佢今日著黑色牛仔褸，戴左頂泥啡色瓜皮帽。相對lab入面其他同學一片頹風嘅穿著，佢頂帽令人遠遠就望到佢。
「M乜K呀？」佢用故作不滿嘅語氣話，擺出抗議嘅表情。
我伸手拎起佢頂帽，想比較下戴帽定唔戴帽好睇啲。
「你呢頂帽真係好MK。」 我皺起眉話。
「乜野呀！」佢再抗議。
「有幾MK呀？你戴嚟睇下喇。」佢邊講邊將頂帽戴上我頭上。
「幾好睇吖。」佢凝望一陣話。
「我唔要呀！」我又將頂帽笠返去佢個頭度。
「唔係哩，你戴得幾好睇。」佢又再次嘗試幫我戴返頂帽，我捉住佢隻手阻止佢。
我地嬉鬧一輪，然後我先意識到呢度係lab。
「靜D啦！人地做緊野架！」我矋佢一眼話。
「明明係你嘈先囉！」佢壓低聲量而不減語氣咁話。


「今日又有咩唔識呀？」佢側身向我，狺住腳咁話。
我攞出我d功課。佢望兩望，話：「呢d野我地之前take嗰科唔係教過喇咩？」
「係咩？哈哈——我唔記得喇。你知我考完final就咩都唔記得架啦。哈哈——」
「搞錯呀...」佢反白眼，一邊吟我。
然後佢略略講解一下，又喺佢隻usb度開返嗰科d notes出嚟，對住notes解釋一次嗰堂嘅野，終於成功喚起我嘅記憶，係喎，我學過架喎。

「ok，我識架喇。返去先做。」我收拾檯面嘅功課、notes，準備收入書包。
佢一野撳住我堆紙，阻止我執野，一邊話：「你咁快執野？」
「我有排做架。我返hall慢慢做。」
「不如你做埋先走啦。有咩唔識可以即刻問嘛。」
「你諗住等我做完？我真係有排做㗎喎。」
「我都未諗住走。」「一陣你呢頭話明，嗰頭又話唔識。你而家即刻做，唔識即刻問，咁咪快囉。唔洗你自己鑽牛角尖，一個位kick住呢，就諗諗諗諗勁耐，所以你做功課咪咁慢囉......」
「係喇係喇.....我而家做喇。」我打斷佢，免得佢繼續吟尋。我投降。攞單行紙出嚟開始做。
「你要走就走啦，唔洗特登等我，我真係做好耐架。」我邊做邊喃喃低語。

Hayden出去廁所。然後突然有人從後拍我膊頭，一邊嗌「喂！」。

我擰轉頭，先發現原來一個同Major嘅同學一直坐喺我身後嗰排電腦後面。

佢叫Kelly，算幾熟嘅。

「喂，佢邊個嚟㗎啫？」Kelly不懷好意咁笑，頭向Hayden剛步出嘅門口一揚。
「friend囉。」我短促咁答。
「正啦你，有 "friend" 教做功課。」Kelly故意強調「friend」呢個音節。
「咩野呀......」
「威啦，有仔溝。」
「痴線。真係friend嚟架咋。」
Kelly嘅笑容顯示佢完全唔相信。我一時間唔知講咩好，只係笑笑。
「佢叫咩名話？佢好似讀math，之前有take過我地堂xxx架嘛......」
「Hayden。」我答佢。
「哦！係呀！佢好似好勁架喎。」
「佢都...算勁嘅——」我R一R頭。聽到人讚佢令我有d心跳加速。
「掂啦你，收到個學霸做兵。」Kelly邊講邊拍拍我，佢表情既似食緊花生，又似為我高興。
「冇囉......普通friend嚟架咋。」
Kelly 繼續不懷好意咁笑。

Hayden冇耐就返嚟，佢準備坐低嘅時候，Kelly向佢咧齒一笑，揮揮手講「hi」。Hayden有D疑惑咁講返句「hello」。

--------------------------

我一邊睇notes，一邊滿帶懷疑咁寫出一行行算式。Hayden一路做佢自己嘅功課。
我其實儘量想靠自己，真係計唔掂先問佢。可惜我成日都計唔掂。我極之懷疑自己當初點解會揀讀stat。
Hayden冇半點唔耐煩，每次問佢，佢都即刻擰過嚟，望望我計左D咩，喺密麻麻嘅算式中檢查有冇邊度做錯，再指畀我睇。

當我deadline fighting，但求交到分功課嘅時候，Hayden就活喺另一個層次，佢每分功課都用LaTeX打到整整齊齊。仲可以有時間教埋我做我D功課。佢口話爆seed讀書，但睇起來毫不費力。

我由4點幾做到接近6點，臨尾半個鐘，我見到Hayden已經做哂佢d功課，喺度上wiki睇野，似乎為左陪我先留喺度。

「終於做完喇屌——！」完成一刻，我發出欣喜嘅呼喊。
「如果冇你喺度，我應該要做3，4個鐘，至少。」
「所以咪叫你喺度做囉。」佢話，眼繼續睇佢睇緊嘅網頁。
「我唔想阻住你呀嘛。」
「唔會阻呀。我都係做自己嘢，得閒答你兩句之嘛。」

佢講係咁講，但其實佢唔係答我兩句咁簡單，而係不停答我。
最近已經幾次咁樣教我做功課。就算佢話唔介意都好，我始終唔想太打擾佢，畢竟佢又唔係我邊個。
但當你求助無門嘅時候，有人伸出援手，你又點忍到唔去接受呢？即使你有D擔心好似佔左對方便宜。
而且同佢一齊確實比自己一個多好多歡樂，或者呢個先係我成日嚟lab揾佢嘅主要原因。


「做咩呀？食飯咯？」佢話。可能因為見我發緊呆。

我地穿過天色漸暗嘅校園，步向Canteen。
我地一路行一路傾計。

「話說我岩岩個test，upper quartile 75分，我81分。」佢向住我，一臉得意洋洋咁話。好似小朋友同爸爸媽媽講自己默書100分咁嘅樣。

「所以呢？你覺得自己好叻？」我故意咁話，嘴角一笑。
「係！」佢繼續沾沾，笑嘻嘻咁。
「其實有一題可以攞多3分架，但係考嗰陣我諗錯左d野。」
「我已經做哂今個星期dead嘅功課，今晚可以返屋企打機！」佢繼續笑嘻嘻咁講。

我以前覺得佢沉實內斂，好少表露情緒，但識落發現佢其實幾率真，開心嗰陣成個細路咁，會雀躍咁將佢開心嘅事一一分享。我望望佢步履輕快嘅身影，然後視線又被佢頂帽吸引。
見我望住佢，佢問：「我頂帽真係好MK咩?」
「可能我見慣其他人都係頹，所以覺得有D.....太突出。」
佢又再次將頂帽戴上我頭。佢定睛望一望我，又再雙手移一移我頭上頂帽，再望一望。
「我覺得咁樣幾好睇喎。送俾你吖。」
「痴線！自己戴過送俾人！」
「我戴過幾次之嘛，你洗下佢咪得囉。」
我想除返低頂帽，但佢捉住我隻手阻止我。我地又打鬧一輪，然後我放棄掙扎，戴就戴啦。
「咁送左俾你架喇。」佢得滿意咁笑，似乎為到成功令我繼續戴住佢頂帽而自滿。
我甚少戴帽，唔知自己戴帽係咩樣。畀佢咁講令我都想照下鏡，睇下自己而家咩樣。
「等等。」佢停低步伐，面向我，微微摀低身，雙眼凝神於我面上，然後手伸向我臉，佢撥一撥我前陰，又撥撥我耳仔附近嘅頭髮，逐執攝去耳仔後面。佢動作輕柔，神情專注咁望住佢整理緊嘅頭髮。我望住眼前嘅面孔，胸腔內突然有某種浪濤翻滾，叫我以行動去回應佢，但我又講唔清要點樣回應好。我只係一路望住佢。

正喺呢刻，一班同系嘅friend 迎面行嚟。

我下意識後退一步，身體向後縮，拉開同Hayden嘅距離。Hayden露出半秒鄂然，然後好快意識到我因爲有friend行過而縮開。

「Hi Cheryl!」
「Hi」
我同班friend寒暄兩句，佢地當中有幾個人眼尾望望Hayden，大概因爲見到我地頭先嘅舉動而諗緊Hayden係邊個。

我同班friend吹兩句就say bye。Hayden擰轉頭望望我班friend漸遠嘅背影。
我地默默前行。氣氛同頭先唔同左，有d莫明嘅奇怪。

奇怪氣氛一直持續到飯後，食完飯我地就分別，我返hall，佢返屋企。

返到房，我坐喺書檯，開電腦閒逛網頁、論壇。
roommate都坐喺書檯，邊碌手機邊撩我傾計，傾左一堆瑣事。不過我其實冇好專心傾，我思緒依然停留喺頭先同Hayden之間嘅奇怪氣氛度，究竟有咩異樣，令我一直在意頭先嘅事呢？

roommate講講下突然講到：「我今日撞到你男朋友！佢應該認得我，但係佢好似好尷尬，唔知say唔say hi好咁嘅？哈哈哈。」
「你帶佢上嚟咁多次，都未正式介紹我地識！除左第一次唔小心撞破你地之後，都未正式見過面！」
「喂，不如揾日我喺度嗰陣叫佢過嚟啦，或者食個飯啦，等我地下次撞到唔洗咁尷尬咁吖嘛。」roommate語調一貫爽直開朗。

roommate時不時都會八掛我「男朋友」嘅事，但我多數都係敷衍下，有時逼不得已拼湊D大話出嚟。因為佢根本唔係我男朋友。

但呢刻我突然有一股衝動想講出真相。我唔想再瞞落去。講大話係一件好攰嘅事。
「其實呢，」我打斷roommate。「佢唔係我男朋友嚟架。」
roommate原本望緊手機嘅視線轉移望向我，佢呆一呆。

「咩呀？......啫係話你平時話帶條仔上嚟，其實唔係帶佢？」
「係帶佢呀。」
「吓.....？咁又話佢唔係你男朋友？啫係點呀？」roommate一臉疑惑。
「其實佢係......」我壓低聲量，「我FWB。」
roommate又呆一呆，疑惑咁皺眉。
「咩吖？咩叫......FWB呀？」
「你冇聽過？啫係friend，但......又會......上 床 囉。」
我一字一字吐出，觀察住roommate嘅反應，今次係我生平第一次向人承認自己有FWB，而且仲係日日對住嘅roommate。佢會點睇我呢？希望我平日嘅人格足以證明，其實識SP，識FWB等等，係同人格完全無關嘅。

roommate側頭望我，露出努力消化緊我說話嘅表情。
「佢係咪呃你蝦條架？」
「唔係呀。」「係我主動架。」
roommate擺出懷疑嘅眼神。
「即係......你唔係鍾意佢，但又想同佢上床？」
「errrr...拿，正常FWB就應該係你講咁樣嘅。」
我頓一頓，先繼續講。
「但係呢，其實我又有D鍾意佢。」

roommate更加疑惑。佢一路追問，似乎好想釐清我同Hayden嘅關係究竟係點。我話我地會親熱，而平日係朋友咁，間中會食下飯，又講到我地最近會一齊摺lab，佢教我做功課。roommate又問我地平時相處係點，message會傾咩，我盡力形容畀佢聽。

「咁所以佢鍾唔鍾意你呢？」roommate最後問。
我頓一頓。
「我唔知喎。」

「我覺得你地嘅行為同情侶冇咩分別喎其實，不過爭在你地冇畀名分對方咁解咋喎。」
我冇回應。
「我聽落就覺得佢似鍾意你喇。」roommate繼續講。
我捌過目光，聽到roommate咁講令我忐忑不安。
「咁如果佢真係鍾意你，你又鍾意佢，咁點解唔索性一齊呢？」
我轉開面，目光落喺書檯上嘅雜物度，思考住roommate嘅問題。
我聳聳肩。「佢都冇話鍾意我。」
「唉。唔想諗呀。我沖涼。」我拋下一句，然後攞衫去沖涼。

撥陰同戴帽位寫得好青春

好有代入感

等睇扑嘢(感情位都寫得好睇呀

星期四。roommate一大早就同我講佢聽日下晝就會返屋企。「你地可以隨便玩。」佢單一單眼笑住咁話。睇嚟佢唔介意Hayden繼續上嚟，無論佢係男友又好，FWB又好。

呢幾日我一直諗住roommate嗰晚講嘅野。又回想Hayden最近對我嘅舉動。
我地一直都幾friend嘅，但最近佢對我似乎的確比friend多出左D。

我半分猶疑應唔應該繼續約Hayden，但係想見佢嘅渴望超越左猶疑。
我喺手機撳開同Hayden message嘅介面，
上幾句對話係我地琴晚傾緊X登論壇某個post講嘅野，
最後兩句係佢話：「好L眼瞓 唔講喇」，
然後我話：「bye」。
上次見面嘅奇怪氣氛一早消散左。

「聽日過唔過嚟呀？」
我喺輸入方框打左呢幾隻字。
平時嘅我打完睇都唔睇就會撳send。但今日我猶疑左一陣，先至用豁出去嘅心情撳個send掣。
「你可以帶埋衫去gym room沖涼喎 if u want😂」我又send多一句。
其實我好想佢留低過夜，但係我講唔出「好想你留低過夜」咁直接嘅說話。
可能愈渴望就愈想裝作滿不在乎。

大概過左半個鐘，耳機播到一首最近不時諗起嘅歌——

拉鋸互撼 兇猛卻窩心
激情 握於手裡感覺更逼真
友情 恐怕面臨極強烈震撼


正喺係呢個時候，我見到Hayden覆左我：
「有冇咁大食呀你🤔
又想呃我陪瞓」

我不期然笑一笑。即刻拎起電話打：

「你唔好講到你單方面陪我咁喎
明明你自己都想😏」

佢幾秒鐘就覆我：
「我冇話我唔想呀」
「」


如果攤開心聲 如果搬開理性
如果沾污了友誼神聖
怕身份無從辨證

音樂繼續播放。

我對住電話陰陰嘴笑。呢個時候roommate突然雙手拍落我膊頭，叫一聲「喂！」嚇到我差d彈起。

「點呀——？同邊個message咁——開心呀？條仔呀？」
我撳熄電話mon，一邊唸唸：「痴線。」
「你認左佢啦，你睇你個春笑樣！」roommate邪邪咁笑。
咩春笑樣啫。我地只係朋友。

星期五。
我提議喺房用電腦睇戲，我最近想睇《革命前夕的摩托車日記》，係講述捷古華拉同朋友阿爾貝托喺南美洲邊旅行邊行醫嘅經歷。
Hayden應該會係個幾適合一齊睇呢類戲嘅人。

我地講好見面之前沖左涼先，佢去學校gym room沖。

我地買外賣喺房邊食邊睇。
食完飯之後，我地拎住部手提電腦，轉移去床度睇。
電影頭半部以熱血為主調，描寫兩個青年揸住架爛鬼電單車喺遼闊嘅大地上馳騁，拍到南美洲好原始好靚。
後半部開始寫佢地見到南美洲人民嘅貪苦生活，其中一節講到一對夫妻因為土地被地產商搶左，而要流離浪蕩揾工。
夫妻同幾十個衣衫襤褸嘅工人踎喺曝曬嘅礦場等開工，點知踎左大半日，最後工頭只係要左幾個人，其他人今日又冇收入。
睇到呢度，我眼淚就無聲咁流下。

我就知道睇呢類戲一定會傷心，所以先揾Hayden陪睇。
我捽一捽眼淚。本身諗緊Hayden會唔會笑我，咁小事都喊。
點知佢見到我喊，伸手搭過我頸後面，摸摸我頭。
我順勢伏落佢膊頭度。然後挨住佢膊頭繼續睇套戲。

電影之後講到主角去左一條痲瘋村義診。
嗰度嘅痲瘋病人被人當成怪物，隔離左去同村莊一河之隔嘅島上面。但係兩個主角打開心扉，唔單只醫佢地，仲誠心同佢地做朋友。
佢地義診最後一夜，當地人搞左個party歡送佢地。
但捷古華拉心入面其實記掛住河對面嘅病人。
Party之後，佢跳落河，喺黑夜中游去河對面，去同班痲瘋病人跳舞道別。
睇到捷古華拉一片丹心，同痲瘋病人載歌戴舞嘅動人畫面，我伏喺Hayden膊頭度喊。
Hayden依然溫柔咁拍拍我頭。

電影最後講到捷古華拉因為旅途上見到種種嘅不義，決心投入革命。
電影嘅沉重直到字幕升起時，依然喺我腦入面揮之不去。


「你想好似捷古華拉咁做革命家？」Hayden問。我已經離開佢膊頭，用電腦揾緊電影嘅原著個wiki嚟睇。

「我識鬼做革命家咩？但我覺得佢地好熱血。我都想試下揸電單車去旅行。」我講完，視線轉返向電腦。
Hayden同我一齊睇我電腦上嘅wiki。

我地一路傾計，傾下套戲，之後又傾到南美洲，又傾到我之前去旅行嘅事，
我喺電腦度揾左D旅行相出嚟，同佢一齊邊睇邊講。
同佢總可以一個接一個話題咁傾，我可以自然咁分享我嘅諗法，唔需要擔心佢會點睇我，同佢傾計好舒服自在。
今日原本應該係約炮嘅，但睇完呢套戲之後，似乎大家都唔喺炮嘅mood，我地雙方都冇摸，搞對方。


傾到差唔多11點，佢先話：「話說你今日叫我上嚟，唔係想乜野架咩？」佢語調平平，聽唔出有失望或者不滿。
「咩乜野呀？」我故作唔明。
「哦。咁啫係冇野做啦。咁我走喇。」佢揭開我地一齊冚緊嘅被，作勢落床。

唔好走呀。
腦入面呢把聲音驅使我捉住手臂，凝視住佢。
突然被我用力捉住嘅佢同我四目對望。
然後我用輕力到僅僅吐出喉嚨嘅聲線話：「陪我瞓。」
我望實佢雙眼。佢眼神帶點緊張，但不失溫柔。

我哋準備換衫刷牙瞓覺，
我叫佢去廁所換衫，我就喺房換。
佢出房之前，我先探頭出房門外，確認走廊冇人，先俾佢行出去。
佢戚眉戚嘴咁望望我，表情好似笑緊我洗唔洗咁驚被人撞破呀？
我認我的確係幾驚。一來屈鴛鴦蛇嘅官方懲罰係要即時quit宿（雖然宿舍其實有好多鴛鴦蛇，舍監隻眼開隻眼閉），
二來，亦係我更擔心嘅，係被宿舍嘅friend問Hayden究竟係邊個。嗰班八掛友，一個人知道嘅事就會全hall都知道。


佢換咗件白底黑間條T恤加中學PE長褲，佢話一向當中學PE褲做睡褲着。
我換上平時宿舍著嘅睡衣，係一件有公仔嘅頹tee加一條運動長褲。

我地逼喺宿舍張僅僅瞓得落兩個人嘅床上面，
我瞓喺枕頭上，佢就挨住我隻大公仔攤坐。
我地熄左房燈，只開住暗暗嘅檯燈。

我地繼續傾偈。感覺有D似中學去camp咁，瞓到上床都唔捨得瞓，好想傾計傾到天光。

「話說你係咪拍過一次拖？」佢問。
「係呀。」
「其實拍拖係點㗎？同好朋友有咩分別？」
「拍拖要成日見囉。朋友係得閒先見，但拍拖就得唔得閒都要見。」我講出第一個冒出我腦海嘅答案。
佢諗一諗，又再問：
「咁都係程度上嘅分別啫。咁拍拖同朋友有咩本質上嘅分別呢？」
「hmmmm......本質上嘅分別呀......」
「例如我哋而家咁，同拍拖有咩分別呢？」

「好大分別呀。」我肯定咁話。「拍拖係一種責任，但朋友就冇責任。例如聽日之後，我鍾意兩日，三日，或者一個禮拜唔搵你都得。但係拍拖嘅話，我一日唔搵佢，佢已經會問我去咗邊囉。」

「吓，你諗住聽日之後一個禮拜唔搵我㗎？」佢笑笑咁話。
「I mean舉個例啫。」我望望佢笑一笑。

我繼續思考Hayden嘅問題。拍拖同做朋友有咩本質上嘅分別呢？

「我覺得，」我又話。「如果要講本質上嘅分別，朋友係以開心為前題去相處，合則來不合則去。好causal，見幾多，見幾密，冇乜所謂。但係拍拖嘅話，就會變左係以維繫為前題去相處咁囉。因為你一開始左，就唔會想輕易分手。」

Hayden發出「hmmmm」嘅聲音。

我一邊講，一邊回憶以前拍拖嘅經歷，回憶最後點樣受唔住而分手。老實講除左頭一兩個月之外，全程都唔係咩愉快嘅經歷。

「點解咁問嘅？」我問。
「嗯......因為我毒撚未拍過拖，所以唔知道囉。」佢輕快咁話。

我繼續思考點樣更準確咁解釋我眼中拍拖係點樣嘅事。

「同埋......拍拖係比好朋友更加close，close到有時會變左壞事。」我話。
「朋友之間唔會太介懷大家嘅不同，例如待人接物呀，人生態度等等，就算大家諗法好唔同，都可以做到好朋友。

但係拍拖呢，反而會因為太密切而好難接受分歧。一啲好小嘅分歧都會變到好大，好細嘅衝突都會變到好大件事。然後你會發現，要同一個人好close係一件好難嘅事。距離有時係好事嚟。」

Hayden沉默一陣。係咪我將拍拖形容得太負面呢？

「所以你唔搵男朋友，而要搵我約炮？」
「男朋友可遇不可求。」
「咁炮友就隨街執一件都得？」佢由先前嘅正經轉為略帶自嘲嘅語調。

我仰後頸，將原本望向天花板嘅視線轉向坐喺度嘅佢。佢揼低頭望住瞓喺度嘅我。
「唔係架。」我望住佢話。
「淨係同你架咋。」我再補充。
佢繼繼定睛望住我，似乎思考緊我係咩意思。
我坐起身，哄前錫佢一下。

我地相距不足一隻手掌嘅眼睛對望住。
其實已經錫過佢好多次，但呢次我內心翻騰嘅衝動似乎同之前每一次都唔同，呢種唔係一種想滿足自己嘅慾望，而係一種好想愛護眼前嘅人嘅感覺。你真誠、溫柔，而且用真心誠意對待我，我唔准你話自己係隨街執一件嘅人。

我再次錫落佢嘴唇，手托起佢下巴側，我將內心無法言喻嘅感覺釋放到嘴唇上。
我用力錫面前嘅佢，佢亦用同樣力度回應我。
我托住佢耳仔下方嘅下巴，佢手搭喺我手外面，輕輕握住我。
我深深咁錫，愈錫，就愈想錫得更深，想將已經緊貼住嘅嘴拉得更近，近到嘴唇、舌頭都交疊，融為一體。

我地呢一吻長到唔知錫左幾耐。我淨係知錫完之後，我地瞓喺床上。我頸瞓左喺佢手臂上，頭枕喺佢膊頭，面向住佢身體。佢手環抱住我頸，手掌搭住我膊頭。我手搭喺佢腰間，隨住佢呼吸起伏。佢身體好暖，好柔軟，好似細個攬住大啤啤熊瞓覺咁有安全感。呢一夜好溫暖，我想好好感受呢刻，唔想咁快瞓著。

不容我否認，Hayden對我嚟講，已經再唔係如兩個月前，純粹係一個洩慾對象。
佢早已不知不覺間佔據左我心入面一片無可取代嘅位置。

呢D係咪人地講嘅沉船？但即使沉船，我都甘願，至少呢一刻，我甘願。

hello

嘩 甜到

嘩 你啲甜故功力深厚

有新文即推

多謝呀見到你最近次次都推