宜家既Cyberpunk 2077同你心目中既Cyberpunk 2077仲有幾遠距離，欠缺啲咩？
我拋下磚先
利申玩左廿個鐘左右，大部份時間都係周圍打下支線行下街揸下車，主線慢慢打
無乜遇過大bug，最嚴重個次都係NPC卡死左對話要load番個save
1. NPC AI問題
呢個唔曬口水，有玩既都應該明
2. 裝備問題
玩落覺得太少武器，無論槍定近戰武器，無話要你好似巴打Land咁，但跌黎跌去都係個三五把槍會唔會太少
植入物都係，好多植入物竟然都係得等級既分別，好似眼球，皮下植入咁，單純轉左個等級多啲插槽或者加多啲甲就當係新野，隻眼球咁勁，加下夜視功能都得掛，隻Game連電筒都無
另外改裝個到，已經唔講佢俾我自己砌槍同埋本身少槍，但無諗過竟然剩係得鏡同埋槍嘴可以改，呢個位真係幾失望下
3. 載具問題
估唔到佢完全無得Customize載具，完全無得改車，而且成隻Game一間車房或者車既Showroom都無，買架車都變左係支線，成個感覺好唔似買車
同埋車既作用除左代步之外好似都無用，平時打交又用唔著
偷左架警車又無得閃燈響笛，以前玩過NDS既GTA，偷完警車可以接警察啲Call黎做
一直都覺得呢個設定好正，但一直都好似無Game做過
4. 植入物過場
個陣睇Gameplay覺得裝隻義眼上去好撚正
點知到完左序章真係玩個陣乜鳩都無得睇
5. 接任務
好多支線任都係無啦啦Call你或者Send Message俾你
變相其實少左好多同NPC互動對話既場景
好多時都係無啦啦收到條Msg就去殺人放火
最後變到有唔少支線任好作業感
6. 幫派系統
呢個係睇巴哈台仔講既，深有同感
「幫派毫無意義。連基礎的聲望系統也沒有。也不曾在路上遇到幫派與幫派之間的械鬥。」
聽講有人遇過幫派械鬥，但我自己除左係支線見過警察VS幫派就無啦
同埋宣傳個陣明明花左好多心機去介紹佢地，但最後入到Game全部好似變曬背景咁
玩個陣唔太感覺到佢地既存在，同埋佢地既存在又好似無乜特色咁
7. 唔同派系/企業
本身好鐘意超級企業 > 政府呢啲設定
但點知同幫派一樣，除左做背景資料同故事內容之外完全感受唔到佢地既存在
好似軍武科技咁，無論係玩家用到既植入物或者武器都無出現過佢地既產品 (機械人另計啦
根本無用過咁濟)到最後好似曬曬呢啲設定咁樣
8. 警察
唔知呢隻Game啲警察係發生咩事
無限係我附近Spawn同埋明明係啲幫派打鳩我先，打個陣唔小心hi到個路人一下又無啦啦通緝我然後spawn一大堆出黎
另外個通緝系統又係廢既，行遠兩步等一陣已經好似無左回事咁唔通緝你
9. 無小遊戲
Witcher有昆特牌
2077竟然乜都無
10. 大量QOL改善
目前隻Game俾我好半成品既原因係
好多位都無考慮到玩家既角度
例如賣野 / 製作，全部都係要一下一下㩒
仲要賣野個到賣一件個UI就閃一下
想點其實仲有好多，例如無得改樣改頭髮，太少色情場景之類，不過我本身唔太care呢啲所以就交俾其他人講了
到最後我都係幾鐘意隻Game既
故事個啲都幾好
但睇完2018條Gameplay始終同當初俾我既猜想有唔少既距離
