（長）有無人好怕知道另一半曾經好愛過某某？

我自己就愈大愈睇化，例如後生時分開會比較痛，愈大愈麻木，會唔會代表愈大愈唔會投放咁多愛去愛人？

再link返去主題，如果你俾伴侶知道你曾經好愛過某某，你伴侶會唔會覺得自己都好難達到嗰係高度？我會。所以如果有得揀，我會選擇唔想知伴侶嘅過去...

我依家就知道有個女仔曾經為咗男人，傷心到想死頹廢咗好耐自暴自棄咗一年，但佢無諗自殺嘅只係話好辛苦人生已完絕望咁。

我同佢一直都係普通社交朋友，得閒吹下水近嘅就約食飯，佢話我一直都好gentlemen，無邪念無目的咁同佢做相處，(略過好多佢讚我嘅説話)，佢覺得自己好似鍾意咗我，問我點睇。


我心入面嗰句就係，我知道你曾經好愛過某某，可能我佔有慾強，我覺得好難再咁鍾意第二個，所以無接受。

（我自己就係咁，愈大愈睇化，各方面能力強咗對伴侶好咗唔代表我比以前愛過嘅更愛，只係以前無能力我覺得...）

我話只係咁岩你情傷後比較多接觸到嘅異性係我，錯覺黎嘅啫之後我再帶過話題...

其實到呢到就完，我想問大家係咪真係好愛過，之後嘅都唔會超越到好愛過嗰個？

想知多數人點睇，我可能就有唔同下文...

超越到

超越唔到

就算做到唔太想知
到最後其實個心一定會想知對方既野

除非你對個個人完全無興趣

感建分

投超越到嘅 可唔可以留言講下見解

怕 超越唔到

正皮左
而且呢d感覺，對方一定知
超越唔到，我揀唔開始

其實都好難唔超越，人大左審美勁好多，知道咩叫好需要珍惜，
細個通常揀既都係完全唔適合既

大把男人係咁
性慾難忍點都搵個可以上既上住先
唔好話我鄙視，大L把
雖然女人都有，仲有d對現任做既行為更加過份，唔顧現任感受

超唔超越到都無所謂
我鐘意你，但與你無關
你鐘意邊個，與我無關
鐘意玫瑰唔一定要摘落黎
鐘意人唔一定要占有
過往既事又返唔到去
未來既事又未到
每日好好咁
享受同佢一齊既過程
唔好咩？

我明你所表達嘅道理，所以我先話可能我佔有慾高，好似會一世提住自己最多係佢第二最愛咁如果一齊，所以我先無accept。

我寧願伴侶拍n次拖但鳩流流，好過佢拍得一次但愛到死。

其實我覺得你無錯的
佢令你有呢個感覺都唔係無緣無故
其一，佢俾唔夠充足原因點解鍾意你
其二，經常有d放唔低ex既人搵水泡

好多人投超越到

諗太多，唔好諗得愛情咁堅
鍾意左第二個，ex姓咩都未必記得

超越到
人經歷得越多會越來越懂得去愛
會更識分邊d人值得 邊d人唔值得

我兩樣都接受唔到

老實講，我覺得放唔低既人比較垃圾
即係，不如我俾部時光機佢飛去補償？而家無吖嘛，無就忘記佢重新出發啦
我對呢d人唔會同情更加唔會欣賞
連登好多人憎台灣個種懷念初戀，初戀最好風

腳踏實地面對自己現任，最愛現任既人最有魅力

超越唔到 可能嗰個人仲未出現

我再補充下點解我話對現任好，唔代表我愛現任比前任多個concept。

例如，我以前好忙返工進修無時間陪伴前女友，現在較得閒可以接送現任，只係個人能力促使對女朋友好唔好。

可能其實愛前任多，只係能力弱所以對佢唔好。
對現任好又未必我愛佢比前任多，只係我能力強了。

所以就算條女同我一齊對我比佢前度好，因為我覺得佢最愛係佢前世，所以我唔會覺得佢對我更好代表更愛，只係更值得而已。

會否太亂驚大家唔明...

你用實質行為黎衡量？我睇心

你已經應承左同佢一齊了？以為你仲猶豫緊
係咪覺得而家你地關係有d淺薄，無實在感？
你其實鍾意佢d咩？唔好同我計行為，計內在。

超越唔到，所以選擇單身，少好多煩惱

無一齊，都唔會我覺得，我認定咗係阿二就唔會一齊。上面係舉例而已。

真人真事自己fd
識有個女仔
都係以前鐘意一個男仔
鐘意到為咗佢而自殘
Fb post哂d割手嘅相又盛
過咗一排佢遇到另一個男仔
唔介意，肯去陪佢
無論情感、情緒、欲望、距離感、生理
乜都滿足到佢
即所謂俾到佢安全型依戀
到最後女仔就覺得以前嘅自己好on9
過一排就move on
諗都冇再諗過以前鐘意過既男仔
因為怕失去現有哩個
而男方亦都成為咗佢最心愛既人
女既聲稱無咗而家個男既直頭會自殺
由自殘到自殺，算唔算超越

有唔介意哩個前題
雙方先會開始
先會一齊得咁開心

Btw我覺得男方有冇能力俾到安全型依戀女方
係超唔超越到既關鍵