（長）有無人好怕知道另一半曾經好愛過某某？

其實人係好現實 如你本身個人質素好過佢前任 比較之下佢自然會愛你多d
想成為人地嘅最愛 首先問下自己係咪一個夠好嘅人
愛情唔係計先到先得 而係睇邊個優秀d
如你真係中意佢 咁你就去馬啦 同佢一齊經歷多啲野 時間會令你變得更好並令你變成佢生命中最重要嘅人

我投正皮
緊係超越到當以前嘅愛變成回憶 只會被時間沖淡 到後期佢肯定連愛個個人嘅感覺係點都唔會記得
同埋點解一定要比較 反正佢鍾意邊個多啲嘅答案只有佢先知 你諗黎都冇用 跟隨自己個心去做咪得
你都鍾意佢嘅咪一齊囉

開錯題目
樓主應該係想講「如何不經意地顯示出自己有女溝」

以前嘅佢未遇到我，好愛其他某某都正常。佢早啲遇到我就唔使行冤枉路。呢啲嘢都好呷醋咩

曾經好愛好愛某某 愛到憎咗佢好耐
直至遇到佢 先放低晒 連憎嘅感覺都冇
係完全對嗰個某某唔會再有任何情緒
所以我相信 即使我今次好愛
都仲會有下個更愛
係你嘅就係你嘅
唔係你嘅 就算比你用時光機返返去以前
改晒你做錯咗嘅事 結果佢都唔會係你嘅