連續3屆分組賽出局 國米堅嘥意甲1個歐聯位
周四(10日)凌晨歐聯「死亡B組」,由於皇馬贏波,國際米蘭只要主場擊敗薩克達,就可以取得出線資格,但呢支意甲勁旅竟然只能悶和0比0,排包尾出局,亦係國米連續3屆歐聯分組賽執包袱,對於1間著名大球會而言,呢個成績絕對唔可以接受。
國米今場壓住對手來攻,開賽7分鐘曾經有破門良機,但拿達路馬天尼斯近門起腳,射中楣彈出。下半場盧卡古亦有1次頭槌攻門,僅被門將飛身撲出底線,最後時刻甚至連國米門將漢丹洛域都上前助攻,但都無補於事,兩隊打和「攬炒」一齊出局。
不過,第3位嘅薩克達仲可以轉戰歐霸盃,國米則緣盡今屆歐洲賽。值得一提,國米已經連續3屆歐聯分組賽喺最後1輪賽事,只要贏就可以出線情況下,最終都係失分出局,好似中咗魔咒一樣,國米亦成為今屆歐聯4支意甲球隊之中,唯一一支分組賽出局嘅隊伍,阿特蘭大都叻過佢哋。
臨尾都要提下真藍黑,方丈份人……