睇左依個post 「[少年監獄] 感受沙咀」
https://lihkg.com/thread/227749/page/1
真係好感嘆香港既法律制度。人自私，為左提升定罪率，為左做少啲文書工作。就叫人亂簽野，而影響佢地既一生。
但搞笑既係香港法律係世上最完善既地區之一，唯一前提係你必須清楚知道香港法律可以帶比你咩權利。唔係話要你好似律師咁條條法律都背到出黎，重要比埋案例。但起碼要知道萬一遇上法律問題，你可以運用咩野權利會保護自己。
但又係搞笑，係香港無論幼稚園，小學，中學，定大學 (除左LLB有關課程) 都唔會教你有關法律既野。反而係幼稚園教緊你點作議論文，點樣玩debate。
最後係咩？經常做法律工作既人員就會係你唔識法律時，為左提升定罪率，為左做少啲文書工作，而叫你簽啲你自己都唔知係咩既野。幾時會知？等你簽完，好擔心時先搵律師，然後佢地就會同你講簽哂野好難打，已經太遲了...
以前我覺得賣健身會籍，保險，倫敦金，好多時佢地都會做好多唔道德既野。但果然沒有最黑，只有更黑。錢冇左可以搵，但人生就只得一次，時間亦都不可保留，十年，二十年，過左就係咁，人生唔會再好似錢咁搵得番果一百，一千萬。
如果佢地會咁樣諗，甚至將自己，身邊最重要既人代落依個角色，佢地總會唔會咁做呢？
我唔太識法律野，期待有其他巴打補充。
唯一識既就係CCTVB都講既：係我律師未黎之前我唔會講野
記住，係律師未黎之前只係可以講依句說話，除左依句，其他句子都唔識講，發音都聽唔明，而且自己隻耳都住係聽唔到野。因為會有好多聲音係你耳邊叫係簽名，你可能會心動，所以同樣記住，你連雙手都冇，係殘障人士，簽名都簽唔到。
以上就係舊假期報導既極邪惡隱世香港法律，各位講豬都快啲試下啦！
