西西弗斯及道德深度（Moral Depth) 所引伸的討論

咁由另一個角度睇
生命本身係無意義
我哋唔係因為特定嘅目的所以誕生
只係無數嘅偶然所造成
只是單純的活着
最終嘅目的地就係死亡
呢種偶然嘅誕生真係稱得上有意義咩

調返轉頭如果生命本身真係有意義
咁會係咩
好似刀劍個天命系統咁？
我哋又會唔會真係開心
會唔會過同npc一樣的一生
比生命本身的意義所束縛住

首先要定義"意義"係乜先

生命本身係無意義
我哋唔係因為特定嘅目的所以誕生

你講既"意義"係咪就等於"目的"?

純9UP

意義嘅定義係咩? 係咪指有價值去做嘅行為就叫有意義?價值又係邊個決定?係神?係DNA?

客觀上有意義嘅事之於主觀，係咪一定有意義？
例如:結婚擺酒客觀上係有意義，但總會有賓客主觀覺得多鳩餘，只想快D食完返屋企

主觀上有意義嘅事之於客觀，係咪一定有意義？
例如:一個毒撚鍾意戴CONDOM黎打J，但佢冇可能令佢隻左手懷孕。戴CONDOM黎打J係冇客觀上嘅意義

套入去西西弗斯推石頭，客觀上根本冇意義
但西西弗斯主觀上比咗個意義比呢個行為 -反抗

即係話你人生嘅意義係乎你點睇自己

要更準確地去掌握《薛西弗斯的神話》，我覺得更需要讀埋作者卡繆其他嘅著作，以及佢提倡嘅思想。

要知道卡繆大部分時間討論嘅哲學題目，都係圍繞著「荒謬感」。佢所指嘅荒謬，在我而言有兩個層次，一係喺你營營役役嘅生中，突然發現我地嘅人生係毫無意義地活著，即係我地返工咁辛苦，完全唔知為咩；二係即使你知道人生荒謬，你依然要裝作若無其事地生活。

佢主張生命係毫無意義的存活。生活唔知為咩，你可以點做？

有部分人就會去信教，相信用永生，afterlife 嘅觀念，呢啲行為卡繆借用左其他哲學家嘅字「思想跳躍」，佢跳過左理性解釋，直接盲目相信「死後仲會有生命」嘅諗法。有部分人敵不過個荒謬感，選擇逃避，一係對前路充滿希望。但呢啲希望係唔經驗證，佢隨時唔應驗，有希望就有失望，當人走向絕望個時，就會自殺。

大部分讀卡繆讀到呢到，覺得卡繆諗野好悲觀，但大家忽視佢另一個講法，就係反抗精神。佢之後有寫過不同有關反抗嘅作品，而對於荒謬嘅人生，佢認為反抗嘅最大方法，唔係要你挑戰命運，直視荒謬嘅命運。

接受自己生活本來係無意義，我唔需要「希望」去支撐我過活，唔好諗住做好人就有好回報，努力返工就升職加人工有好生活，唔好fc對女仔好就有女朋友。NO! 唔好靠呢啲，唔好呃自己，但與此同時都要用最大嘅力氣去活，感受生命嘅溫度。

薛西弗斯就係映照緊呢個想法。佢無得改變命運，如同你必然面對生老病死。但要選擇自欺欺人，相信石頭會停係山頂，相信人生係會按照你所想進行嘛？我唔需要，而我明白左呢一樣野，我就戰勝左命運，所以呢一刻就好似薛西弗斯咁，笑對命運。

希望幫到你，我理解有錯都不妨話我知。

冇校對好多錯字：

- 有部分人敵不過個荒謬感，選擇逃避，即係對前路充滿希望

- 佢認為反抗嘅最好方法，唔係要你挑戰命運，而係直視荒謬嘅命運。

- 唔好ff對女仔好就有女朋友

camus

佢唔揀自殺就已經俾左推石既意義

但我地可以選擇做各式各樣嘅on 9 野
但西西只有一個option 就係推石

9 up:
咁如果我提出：客觀上人出生的目的就係為咗解決人帶黎嘅問題，從而達致為咗人類呢個物種嘅傳承或者繁衍。
（因為我認為每一個行業都係為咗解決人嘅需要而出現。）
而每個人就好似西西弗斯一樣營營役役咁樣工作，雖然睇嚟好似冇咩意義，但係透過呢啲無意義嘅行為，其實係達成緊另一個更大嘅目的/意義。（即係人類物種嘅繁衍）

另一方面，西西弗斯自己睇唔睇得出呢個意義，無損客觀意義，但可唔可以理解為西西弗斯透過重重複複嘅工作，釋放咗佢自己嘅靈魂，最後理解到生命嘅意義。

但亦有可能佢唔夠道行，因而可能覺得呢個世界好荒謬,好on9,好無意義？

呢個同尼采講嘅永恆輪迴好似(我知有好多譯名，用住呢個先)
但尼采又話超人會樂意同積極咁接受永恆輪迴，我覺得有啲似

1. 單春迅全球巡迴演唱會，百鳩幾場，歌List 一樣，但每場佢都搵到新鮮感，演繹都會有唔同，佢樂在其中
2. 舞台劇演員做一個奸角，佢無得改劇本令自己變忠，投入嘅觀眾仲會屌柒佢，但佢接受之餘仲會視之為表現自己機會，演得開心

西西弗斯可能都係咁，既然無法改變，就改變心態，係有啲自欺欺人，但就係呢種自欺欺人，先喺虛無主義者眼中搵到積極面對嘅方法

是

完

咁鬼複雜長篇大論

係唔係自欺欺人係相對嘅 除咗佢自己以外嘅人咪覺得佢自欺欺人 佢自己咪覺得快樂

上面 d 回覆累聚冗長講嚟講去都無重點

睇到都覺得煩

卡繆寫《薛西弗斯》時，整個學術界氛圍都係「人生冇客觀嘅意義同標準」，所以有部分哲學家就會提出，人要努力搵屬於自己意義。我覺得卡繆係喺呢個時候問，屌真係有人生意義咩？