今次會睇三種最常見既濾水材料，三種都係係市面買得到而又常見既。
首先要講下濾水器既原理。
濾水器主要有兩個原理，「吸附」「隔除」
吸附即係利用物料本身既特性，將污染身吸住。
隔除即係用物料本身既密度，阻隔水中既固體污染物。
我地從5蚊銀開始睇，拎個放大概念先中。
自己比錢買，畫質低，張就下
5蚊銀:
搭車買野必備，其兄弟有各種紙幣，係人類耗盡一生既目標。
表面乾淨實際係好污糟，所以記住常洗手。
活性碳+交換樹脂：
最常見都係最大路既物料。原理係利用活性碳同交換樹脂所總成既密度去阻隔污染，同時本身都會吸附污染物既作用。一般會加入銀離子壓抑細菌。
相中可見佢係密度最低既物料。但佢既特點係「吸附」，所以即使密度一般係0.5微米，都有一定效能。
矽藻瓷：
英國道頓最常見既物料。密度會比碳濾芯高，一般係0.5至0.1微米，可以隔除更多固體污染物。一般會加入銀離子壓抑細菌。
佢既特點係密，但得個密字係冇用，所以某D會配合活性碳同交換樹脂一齊用。因為佢既密度高，所以佢係需要定期刷下，以保持水壓穩定。
中空絲膜：
日本水龍頭式濾水器既常客。密度最高，一般係0.1微米。可以有效隔除固體污染物同某D細菌。但絕少會配合活性碳+交換樹脂，所以係處理重金屬方面會比較弱。亦因為佢密度高，所以壽命會比較短，要換得比較密。
另外有一粒叫。。能量石之類：
叫唔上濾水器，不過聲稱係用吸附原理吸走氯氣。常見於沖涼濾水器同花灑。
睇完呢三種物料，邊一種最好呢？
從來冇最好，只有最適合。跟住就會講下點樣簡濾水器。
簡單既次序：效能>價錢>處理量>呎吋>牌子外表
效能：
任你吹到幾大幾好，我地只睇一樣野：NSF認證
因為市面有太多紅衫扮東星，所以NSF作為第三方既LAB，就可以提供一個公平既標準。如果一隻濾水器可以拎到NSF42,53認證，就代表佢係有一定效，可買。但注意一點，必須確保佢係「拎到」。因為有公司會用NSF個標準去試自己部機，然後同你講「可達NSF標準」。
價錢：
有錢佬請直接PASS，我地都係普通人。濾水器有平有貴，幾十蚊到幾萬蚊都有，點去簡呢？打開銀包望望，同埋睇上一點。PASS到既先再諗落去，如果上一點都唔PASS既，唔洗落去喇。
處理量：
一般濾水器由1千升到4,5千升都有，但冇一個標準。你一家四口我一家十二口，點同呢？但一般黎講，一家三口一日兩餐，千零升都夠做。當然啦，買大左都冇問題既，哂錢姐。
呎吋：
處理量愈大效能愈好，機身就愈大。如果唔係真係逼到爆既，唔需要太注意。但盡可能避免水龍頭式，因為效能未必會達標。
牌子外形：
裝得濾水器都係想D水乾淨姐，無謂比多錢啦。
睇完喇，有問過我你用緊既濾水器如何既巴打，你明點解我咁答啦？
