有冇巴絲長期受偏頭痛困擾？

同埋要接受 偏頭痛本身係一種病 唔需要有病因
同高血壓同一道理

腦神經外科
巴打你嘅觀點係正確
只不過當你頭痛多年後
你就會知藥物只能治標
唔會解決到根本問題
我知道左有手術可以根治後
已經即刻決定要做啦

其實我都仲係覺得你本身係三叉神經 因為文獻真係冇咩提及過偏頭痛係咁導致
不過都係自己選擇 有時治標既效果比治本好
都係試左風險低既野先還好

真係建議樓主去睇專科同照左先，再決定點做啦，真心講句，健康無價架

要睇睇腦內科
腦內科本身先係頭痛專家

我照過MRI，亦經兩位專科醫証實左係咩病
治標好過治本我真係無法同意
只能講手術係有風險，我算幸運而家已經好番

建議睇中醫
我都係月經前後，月經黎，偏頭痛到爆炸，加上會手腳痲痹
西醫睇極都係叫我食止痛藥，照埋腦，發現腦入面有條血管收縮
中醫角度係血太慢，做血儲血運血都唔健康，婦科問題
睇過一個推拿醫師，佢一按就話唔可以再食凍野，加上婦科經絡塞左
你可能輕輕去按腳，如果對方按你腰啊子宮個d穴位你都會痛到叫
我戒左凍飲凍野兩年，加上要食補腎補血既野，運動加速血液循環
宜家普遍都仲會睇中醫調理身體，宜家已經好少頭痛，可能一星期一次都無，止痛藥一食就無事

如果頸都痛埋，你婦科經絡已經塞到爆炸
婦科經絡係背脊，所以塞到上去肩頸痛係好正常
如果肩頸好緊要按返鬆，如果唔係真係太緊會病會好辛苦

結論係，首先戒左凍野先，之後去睇中醫，推拿唔係唔得，但真係痛得好緊要，我頂唔順個treatment...

我成功左無再痛得咁密，以前平均兩日一粒止痛藥，食到人窮到無好轉。
雖然唔敢話好返，但係分享自己經歷，希望你地都可以

凍野一飲落去，你d血會行得再慢左
我之前一飲凍野，會即刻手痲，你可以話係我心理作用，但係真係同黎m食凍野一樣，一食就會頭痛加手痲
西醫可以check係咪有腫瘤啊個d，但係血管收窄，同埋黎m就病況加劇，佢地係處理唔到
中醫可以補你既器官同血氣，補好呢d，身體識得自己運行返就好好多架啦～
我都係誤打誤撞好返，不過戒凍飲呢個真係要自律，女仔去餐廳要求唔凍，d人其實好習慣～唔洗怕尷尬

男人少啲食Ibuprofen 會不育

請問邊位中醫
我都想睇下

早瞓 但唔好瞓太多

我 太焗 唔夠瞓, 都成日偏頭痛 痛到嘔
但自從瞓覺時間自律咗 好返好多

瞓覺時間有規律咗
同埋樓上講唔飲凍嘢可能都有關 因為我都介咗飲凍嘢

真，完全明你
會極度恐光，同埋焗少少就好易頭痛
btw 有無去睇下專科？

利申: 係公家有覆開診，其實都係開啲止痛藥你
不過係唔洗下下出去買咁貴

好似同你食過同一隻
但係個陣係因為有啲失眠問題
所以開俾我用嚟瞓覺（食完有睡意）
你介唔介意影嚟睇下咩樣？

以前無飲開咖啡個陣已經有偏頭痛
而家飲慣咗咖啡之後反而唔飲就會頭痛

其實另一個例子
冠心病 心口痛完睇私家
私家同你做一堆掃描 同你講右冠心血管塞左九成
私家醫生會同你講快d通波仔 要治標

但研究講 冇心臓病發走去做通波仔 對健康冇咩大幫助 只會減少心口痛
病人一樣會覺得通完波仔心口唔痛好正
但係明明藥身本身都可以控制心口痛
最後做左個5%大風險既手術 而明明藥物有相同效果

所以治本為左咩真係要清楚 如果治本本身對健康冇咩幫助 純粹係醫病徵 但係要做有風險既程序 真係要捻清楚

可能你既情況 手術可能係最好方法 但係偏頭痛三叉痛 如果真係血管壓住導致 藥物控制到真係用唔上做手術
本身個血管對身體冇影響 純粹導致頭痛
依個情況治標同治本效果一樣 但治標風險大好多 咪治標著數d

私家始終賺錢 一定做多好過做少
睇神經外科 實搵機會同你做手術 雖然醫學上 手術永遠係次選

通波仔要治本*

巴打你之前照咩？
我小學已經開始偏頭痛
嗰陣照咗磁力共振 touchwood咩都check唔到

我記得咖啡因係都會上癮

我個病係壓到神經同已經影響到周圍肌肉
而且一般係會慢慢惡化落去
自己亦明顯感覺到一年比一年差
我個情況藥物可以止痛同減輕病徵，但唔會阻止到個病惡化落去
只可以揀做手術或者等佢慢慢惡化
實在每人case唔同，聽下唔同人意見先決定點做啦
我唔嚮度建議其他人去點醫，始終有啲野只有當事人自己能衡量好壞，只係講我自己嘅經驗

之前睇嗰個醫生都算出名
曾經好串講左句～MRI就算照到有問題
都未必代表個個醫生可以從MRI睇到個問題出嚟
雖然串，但聽過佢分析病情，感覺佢真係有啲料到
可以嘅話揀多個醫生睇再做比較