面對離世

以前試過 唯有全程投入另一樣野
屋企人親戚都以為我冷血
但我其實匿埋喊咗好耐 返學又喊 搭地鐵又喊
呢個狀態持續咗2星期 慢慢接受現實

醒左再訓返

繼續生活囉可以點姐 遲啲再多啲親人死咁你點
你喊咁撚多佢都唔會翻生

加油頂住呀

四日前我最好嘅好朋友都離開咗我
同佢識咗十幾年 冇諗過佢會咁快離開我 明明知我淨係對佢交心 由以前唔識同人講唔開心 到會同佢傾下 佢慢慢打開咗我個心房 佢依家走咗我唔開心都唔係幾識點同人講 身邊朋友都知我會唔開心 同我講可以訴苦 但我就係唔敢再發放負能量 唯有以分享好多生前同佢做過嘅on9嘢嚟表達唔開心 唔知點解只有對住佢先識露出最真實嘅自己 對其他人成日都會笑住咁講一啲唔開心嘅嘢好驚自己頂唔順
呢幾日見到好多人都因為佢離開而識得珍惜眼前人 諗唔明點解個一個提醒人要珍惜眼前人嘅人偏偏要係自己最親嘅好朋友 我都好想珍惜佢 好想攬實佢 好想好好安慰佢 知道佢生前好多煩惱 好想再做好啲

依家每一日都係靠同佢以往嘅回憶嚟撐住自己

記得之前畢業有人講過 下次見大家可能係某位同學嘅婚禮 但冇諗過竟然係佢嘅喪禮先
人生第一次咁想撞鬼好想見佢 睇下佢依家點

希望樓主可以照顧好自己，我自己都經歷過類似既野，都明白到你既感受。相信佢地都會好好係另一個地方度生活。

我阿媽幾年前走左，當初前一日係醫院陪佢過最後一日，第二日佢走左之後就去翻學。果次去醫院我著既衫，到宜家都放左係櫃桶底，唔敢再著。

最難過既係，返到屋企之後，食飯既時候拎多對佢既筷子，放學返到去諗住講：媽咪，我返嚟啦既時候，先記得冇人。

我唔敢講我每日都好掛住佢，但當做野做到覺得辛苦，俾其他人話自己但冇人幫到口既時候，覺得寂寞既時候，見到人地阿媽陪仔女玩既時候，個心果種痛既感覺，回憶湧上腦既時候，真係好難受。

每次都會忍唔住喊，跟住就拎佢既相睇下。我好掛住佢，希望佢都係咁樣。都希望將來有一日，我可以望到佢既相既時候，唔會再喊。

只有時間會慢慢沖淡 有人離別咗就一定有人情緒有情感表現 正常 唔通仲可以開懷大笑 等陣走果位以為你儍咗 但係日子耐咗會慢慢揾番自己想要嘅正常生活 生老病死和無常日日如常 生完又死 死完又生 只係走時每個都想舒服啲無痛苦 記住你想念嘅袓先或至親一定係你身邊 佢哋都會幾個一齊唔會悶 因為有血緣唔只嗰一位 最緊要你每日都食得飽 食好啲自己 佢哋就開心喇 就為佢哋都要食 真係你食乜佢哋都食乜 本身會上香同花嘅就繼續

露營必須酒