聽說，位於市區的BBQ場，只此荔枝角九華徑。
去之前，諗一諗。
無牌燒烤場，一條馬路之隔，就有荔欣苑、華荔邨，同十幢住宅。每一日，BBQ的煙燻臭味、劈酒噪音，甚至幾十盞大光燈光污染，就建築在荔枝角居民痛苦之上。
燒烤場能夠霸佔整條村，在違反消防條例、無食物業牌照、無牌出售凍肉的情況下，都可以賺到盤滿缽滿，非你我此等普通人可以做到。
BBQ係開心，但何必送錢益鄉黑。
知情人士報料，經營九華徑燒烤場，包括退休警、鄉紳、黑幫，「入去食嘢係畀錢買難受，排隊配給食物似監倉，職員個個凶神惡煞」。
多年來，即使居民極力反對，不斷投訴，但地政署、食環署、環保署依然隻眼開隻眼閉，巡下做下樣，發告票罰錢了事。
警察呢？差佬放工book少兩張枱撐都偷笑啦！
BBQ完的味道，臭到討厭自己的感覺，一秒直奔返家沖涼的衝動，你同我都很清楚。
住附近的人呢？可以點算？
你這頭燒完雞翼，住10樓的那一家三口，隨即聞到你搽蜜糖的味道。燒一隻雞翼是香味，同時幾十枱，過百隻雞翼一齊燒，就是濃煙。
又到秋冬，又到星期六日，又係Halloween。
去之前，諗一諗。如之前去過，不要再錯。
https://www.facebook.com/108970510452155/posts/376454910370379/?d=n
