好苦惱 落唔到決定買樓

你講得無錯，起初半年真係淆底，逼住你比心機儲亦努力左番part time，而家儲番舊錢生活又正常番，壓力真係無想像中咁大

跌到比人call loan

供30年唔係壞處喎，可以拖長
舊樓比你供得20年仲慘，除開一期要供多啲
而且係可以供30年，唔係一定要供30年
30年內話唔埋你有筆意外之財，可以提早贖樓
或者可以過罰息期後賣走佢去外國full paid 買樓
事實唔係綁住你30年架，選擇權喺你手
層樓本身簽咗正約就係你架喇，只係幾時先唔洗再付出支出比第三方(銀行)
唔洗睇到銀行咁重要，大部份時間唔會搞你
你都有銀行存款嘅，你咪當依家放錢比銀行佢比利息你，供樓銀行放錢落你度你比利息佢，打個和，大家平起平坐
銀行比你筆錢仲大，你仲驚過你啦
買到，你想住嘅就係你屋企，安身之所就係家
買咗樓，自己住嘅，樓價嗰啲唔理幾年就過咗去啦

六合彩唔買可能中

要住又有能力咪買，好過租啦。
9成按就算啦。

你自己講中六合彩同樓價會升嘅機會係咪相同？

層樓未供完你都可以照常住同買賣，唔會供完先有自己屋企
更何況你人工會加，唔係按30年就真係要供足30年

樓主屋企財政狀況穩健？
例如忽然無左份工會唔會有屋企人幫手頂住先？

如果唔諗住移民就可以唔洗理呢到啲樓淡
長遠都會係睇升
除非欠咗好多期供款唔還
銀行都唔會特別想收返你層樓去拍賣，一黎跌緊時收返銀行都無著數，二黎手續又唔係容易，你估佢唔驚你做傻事變凶宅咩？

總而言之，一定有人鐘意買，一定有人鐘意租，重要嘅係諗吓自己點維持一個健康嘅cash flow，升跌都係暫時。

每日有人移民走，都有150新移民落嚟搶資源搶公屋，未計啲中資公司請強國人黎working visa，土地/房屋供應又係地產商同政府話事，諗吓點樣係呢啲制度入面生存好過

個租客同我租三年已經幾乎係買入價既一成有意tg
JOHNNY218; 市中心電梯洋樓 電器入伙時新買。

過來人，幾年前同你一樣唔敢買，租左一年試下先。
結果係畀左十幾萬租，d 樓升左，當初買到既樓買唔返，變左要買遠少少。

自住ok啦

今年可能係，租一年，樓價跌左，當初買到既樓得兩房，變左可以買三房。

都可以咁諗嘅，所以唔一定要即刻買，其實最主要睇吓樓主係咩原因搬離屋企

如果唔係plan結婚果啲，單身一個，梗係痴屋企食屋企啦

但樓主就結婚，試過同居未？未試過咪短租試下先，試過有朋友結完婚買樓一齊住咗一排先發覺夾唔嚟，又搞離婚又要蝕賣層樓

又黎call loan 都市傳說

其實有依個經歷嘅人都有試過覺得“今年可能係”

供30年點會係壞事，有得供100年我都揀100年d錢搾係自己手慢慢摵好過
假設你仲有50年命，買左樓供30年就供完，臨尾20年就唔洗煩住屋問題；但租樓的話，呢50年都要個個月交租

租真係好麻煩
好彩就每次續約俾人加租
唔好彩就唔續你約，又要煩搵屋搬屋，仲驚越租越貴，越租越細
一改地址就所有野都要改，你車牌唔改地址嚴格黎講係犯法
如果只係得兩個大人都還好
你一有細路就超麻煩
返學放學校車接送，課外活動補習興趣班
誇張啲所有衣食住行細路一改就全家一齊改，全家既意思係要四大長老一齊跟住改，煩到一個點

不過博佢樓價跌可以慳一百幾十萬

你諗你囉

跌左你可以低價入市，首期俾100同70萬既分別點會唔重要

租兩年，當你15000一個月，都成36萬

同意，弱智先9成按

如果你買樓係for一個人響香港長住，但而家又未夠能力買到個理想單位
即係你已經諗住幾年內需要換樓，而家只係上住車先
咁我勸你唔好買，寧願租幾年樓先
原因係黎緊呢幾年樓巿就算唔大跌都唔會大升
不如儲大d舊錢幾年後買個合適單位for一家人長住
免得你而家夾硬上咗車，但住一排又發覺層樓麻麻地想換樓，但到時樓價跌緊你又放唔到層樓出去，會好苦惱

唔買都要租

你唔係揀買唔買樓
係要揀租樓定買樓