我女朋友話鬼滅好睇過鋼練

神作？問過刀劍神域未？

我女朋友都話鬼滅之刃好睇過鋼鍊,hunter,巨人

lm same

之前仲有個post話鬼滅屌打火影

覺得鬼滅係神作嘅一定係近期先入坑嘅人
正如當時刀劍令唔少人開始睇動漫
佢哋都覺得刀劍係神作
稍微睇得多少少都覺得未去到神嘅level啦
點可能超越到鋼鍊 魯路修 eva 呢啲經典

結構完全屌打
鋼練裏面主角去唔同地方，主要係圍繞賢者之石，同相關嘅設局。鬼滅就係鬼係邊，佢哋就去邊度，其實都係為咗目的而而去唔同地方完成目標。
同埋烏鴉都唔係隨便揀，如果你稍為了解日本文化，就應該知烏鴉係日本代表勝利/吉祥/日神。加上烏鴉本身就聰明，每次烏鴉帶佢哋去滅鬼，就等同一個地方嘅人即將脫離鬼嘅威脅。

人物刻畫
鋼練係人物性格方面的確帶得好自然，人物情感細膩而寫實。鬼滅雖然係流程次次都一樣，偏向格式化，但都有小部份會係佢死前係故事中穿插，或者從嗰啲反派嘅服飾同行為裏面猜想佢嘅故事，到佢死嘅時候，就以人生跑馬燈嘅形式點明番一切，為嗰人(鬼)嘅人生做一個回顧同完滿嘅句號，漸漸每次佢哋滅鬼都會有啲期待新嘅角色，後來總會有可恨之人自有可憐處，如果唔了解佢哋嘅痛苦無奈嘅過往，點可以輕易評論佢哋。至於正派嘅角色，無論從外型到個性，都有好鮮明嘅分別，對佢哋以往嘅經歷都係係一路上有碎片畀你逐點了解，你睇完全可以具體講得出佢哋係點嘅人。

能力值
鬼滅同鋼練都有靠經驗同合作，蜘蛛山嗰次，伊之助因為炭治郎而學識信賴同伴，點樣同人合作。炭治郎都係從每受一道傷，就去思考點樣破解對方嘅攻擊，都係從經驗中學習。你話次次都打唔贏，但佢哋好多時最後都克服到，雖然最後成身傷曬，但就係咁先突顯到佢哋嘅不容易，同克服困境去生存成長。我諗你講係空中學嘅新技能應該係火神舞，呢個要追溯到佢老豆，唔算無啦啦，我就唔劇透太多，有興趣而未睇過嘅人可以自己睇。

總結
對比起鋼練，兩者雖然都涉及個人成長，鬼滅更着重人同人之間嘅關係，以及想觀眾試下明白一體兩面，例如當你見到善逸嘅膽怯逃避，你之後會了解佢曾經有幾努力同怕在意嘅人失望嘅心情，又例如炭治郎嘅堅韌某程度上係來自佢身為長子嘅責任感，但其實佢都會諗過攰到想倒下。仲有伊之助嘅倔強同唔識人情世故，都係因為佢冇父母冇同伴，獨自長大，鬼嗰啲就更加唔洗講。睇到炭治郎，你會明白強者唔係唔會受傷，而係但有幾堅定嘅心去克服困難。
鬼滅同鋼練都有啲地方大同小異，例如都係屋企人死咗/畀自己連累，生存/無事嘅人總有份罪疚感，同對方過番之前嘅平凡日子就係最大嘅心願，唔想輕易放棄對方，之後就為咗救治屋企人而遇到唔同嘅人同埋事，慢慢從險境中成長。
另外鬼滅嘅畫風同音樂，仲有時代背景都係啲可以欣賞嘅看點，如果單從某部份去探討一份作品，固然分得出高下，但如果從整體去探討，就好難睇，因為每個人 重視嘅部份 ，審美觀，睇嘅目的，中意嘅表達形式，中意嘅主題 都會有唔同，只能夠話純屬個人觀點囉，可以比較，但無謂去踩低一套作品去捧高或者說明另一套作品，話曬每套作品都有自己嘅支持者，每份作品都係每個作者嘅一份心血。

歡迎討論，係度留低你嘅個人見解

唔知有冇人覺得，鬼滅最好睇嘅位，係因為佢裏面總有一個角色有住自己嘅影子/係自己想成為嘅人，所以有種少少嘅共嗚感，嗰個可能係正派，都可能係其中一隻鬼

睇黎你係女黎

吓中意鬼滅就係女，係咩邏輯

佢真係有睇過鋼錬?

淨係浪漫鬼滅都收皮
鋼鍊有好多浪漫位
兄弟之間既連繫
格利特同姚
上校同修茲
因為共同敵人而合作既微渺關係
唔擅長感情既賀恩漢骨子裹好愛屋企人
大總統：唔好睇小我揀既女人
最後 我比一半人生你 既告白
個種浪漫感情鬼滅完全冇

口味嘅嘢whatever啦
唔好因為鍾意一部嘢踩其他作品就ok

巨人呢啲高階野，啲女邊會睇得明，記角色都搞到佢唔想睇啦

連登不嬲仇女

最頂唔順鬼滅既係
個個臨死都走馬燈
個個都有苦衷/故事咁
一兩次ok
個個都咁真心不了

有吖

真 好鬼hea

咩叫走馬燈做得靚呢
睇下潮與虎呀鏢死個下
男人老狗都喊到收唔到聲