奇怪既耳鳴

同我一樣 你係keep住震定係某個時間？
如間唔中震 你留意下吐胃氣/打喊路時會唔會震
因我有時都會

淨係卜卜卜嗰幾下一齊震，平時冇

耳鳴成因到現今都可能一概而論
相比斷尾 我建議你嘗試習慣
平時唔好諗咁多
因為耳鳴困擾 睡眠質素 同情緒係鐵三角
做好後尾兩樣 耳鳴困擾都隨之減少

加油!

相反見過唔少不斷因耳鳴而試藥或treatment既
往往都變得在意自己耳鳴 而已多數方法都係無效
無大眾效果

即只係訓教時先有？維持幾耐？

明白 只係有時狀態差既時候（全日都震）會感到煩躁，因佢有埋震既感覺 會搞到好難唔在意
睡眠半夜都經常醒 唔知關唔關耳仔事
多謝你先👍

有無好嘅耳鼻喉科醫生介紹？

震真係難搞㗎
個接近一成耳鳴患者中都唔常見

訓覺一開始都應該關事
要等你大腦適應咗先好
通常呢種情況 適應期係幾個月至兩三年

我明白呢啲可能廢嗡
如果真係頂唔順
俾起用藥 我見針灸case比較多有少數效果
但都唔係大眾效果黎 而且係要長期
亦唔係專for震呢種情況
noise cancellation未必對你有效

希望你快啲好返

多謝關心先～巴打係讀醫？

冇錯 我搵左好多耳鳴患者 的確唔多我呢類情況
我呢種又唔係有噪音，所以好似更難去確認係咩問題
針灸個度 我都考慮緊睇中醫針灸
算係俾多個機會自己

呢一個月震足大半日得2日，之後訓覺時間多數都冇野
所以訓著唔太大問題(暫時)，係煩在日日都訓訓下醒
好似尋晚咁都醒左3次了，如果要幾年先適應都幾難捱

耳鳴嗎？如果耳鳴其實多數西醫都分別唔太大
都係照完耳鏡鼻鏡 冇事就冇野搞
最多叫你照下mri求安心 或者俾d放鬆藥你

我睇左2個，其中一個張國光醫生都ok既，算細心 你可上網睇下

樓主我同你一樣呀
剩係左耳有心跳式耳嗚
有時卜卜 有時卜卜卜 每隔十零秒聽一次
就唔止瞓醒會 臨瞓前都會
坐喺公司都有響過但次數少d

利申：有糖尿 高血壓 休息時間時多時少咁

耳仔「V V」聲 + 訓覺時左耳「卜卜」聲咁震
已經十幾年啦。
讀書個陣睇左兩個醫生，都照唔到啲咩。聽低音比較差。其中一個醫生話我耳仔入面曾經受傷搞到咁，已經係永久性既傷害，醫唔到，如果嚴重左就要一個月內睇醫生先有用。將來老左會有機會失聰或者有聽力問題。

唯有好好保護對耳仔，少啲用耳機聽歌..唔好開太大聲咁...

初初好唔習慣，訓覺好靜個陣會崩潰，直到而家都係訓得麻麻地。我發覺心情愈差啲卜卜聲/v聲愈大聲，所以盡量都放鬆個人，保持心情愉快，情況係冇咩改善架啦，不過起碼叫訓得著

你有冇睇醫生？
發作時 我同你差不多 又係15-30秒一次 每次幾下震
我就臨訓前反而冇野 係訓醒先有野
你打隔吐胃氣/打喊路時有冇？

糖尿高血壓個d我反而冇check
但呢2種好似都會有影響耳鳴，會唔會正視左呢2個問題後會有改善

咁你都辛苦wo 有時唔係話唔理佢就得
呢d聲音/震動感真係會搞到崩潰...你仲要2樣一齊
個人盡量放鬆，保持心情愉快，係我地唯一而家可以做既野...


真係要好好保護耳仔，否則老左就仲辛苦..我有時會諗...如果5-60歲時先有我都認命認老，但而家仲有咁多年要受呢種精神壓力 就覺得好無力。
我由開始都而家都只係個零月，睇左3個醫生照埋mri，已經有事都即刻睇...咪又係醫唔好

我唔係卜卜聲,係長期高頻滋滋聲,有冇師兄係咁

我嗝氣同打喊路又冇觸發到喎
糖尿就有keep住食藥控制
疫情期間都少咗暴食又食清淡咗
所以飲食好似唔關事
感覺上係血壓影響嘅耳嗚

睇過街症咋
個醫生好hea咁照咗下話有耳屎
開支耳油俾我就打發我走

血壓都唔奇 我而家都食緊神經科開既降血壓藥
食左後幾日唔錯 冇咩聲 但之後又出現返 都幾反覆

你唔試下睇耳鼻喉？至少俾佢地照下應該專業d

聽過有人同樓主有同樣問題
後來原因係有勁大粒耳屎喺耳仔度
佢一郁/滾動就產生震動令你聽到有聲

去睇耳鼻喉時已幫我吸哂

好
唔該你

睇2個醫生係咪專科？ 睇專科好d
急症我諗都係排你十個八個鐘之後睇下耳仔 想照mri個d有排都未排到

經濟許可如果驚都要照一照 或者試左鼻鏡排除鼻咽癌先

唔知係咪同你一樣 我嗰隻耳鳴係打側瞓先有 有啲似心跳聲但不規律嘅 同胃氣無關 後尾睇醫生佢話我壓力大 耳入面啲肌肉抽筋 過咗一排冇事 發覺自己壓力大嘅時候又會有