奇怪既耳鳴

係呀，聽力正常既耳鳴真係無解，我自己用apps 或比聽力師測聽力，聽力都係正常。我覺得自己係大腦聽覺-情緒系統出現未知問題，而唔聽神經受損而耳鳴，因為我一年半後有一天起身時發覺耳鳴響度突然變得超細聲，之後既日子耳鳴響度都係出現日細日中度既情況，而且變了調。我仍然研究緊當中既原因

巴打你幾歲？有冇試過其他醫生？
我而加都係時大時細 今日又好像大聲翻 好似前一晚訓得唔好就會嚴重左 有時諗下成世人流流長要都幾沮喪

巴打你幾歲？有冇試過其他醫生？
我而加都係時大時細 今日又好像大聲翻 好似前一晚訓得唔好就會嚴重左 有時諗下成世人流流長要都幾沮喪

這個耳鳴群組叫香港耳鳴俱樂部，很多耳鳴資料都可以係呢度睇到。中港台西醫對耳鳴都係無能為力，只能期望耳鳴有天自動消失

https://www.facebook.com/groups/1675104209373852/?ref=share

原來咁多人有咁既問題
我已經開始分唔到係情緒導致耳鳴定係耳鳴導致情緒有問題

你耳鳴係突然出現巨響還是無意間發現？可以想想耳鳴之前發生過咩事？果時有冇存在情緒問題？

上面都有講過下
呢個月身體都keep住有唔同既唔舒服 但做檢查又冇事 個期已經成日擔心係咪有d咩事但佢check 唔到 之後8月頭有一日自己手多用手指篤耳仔 篤完就唔知點解黎料 最初以為篤損左耳仔 點知又係乜事都冇 就開始驚
頭兩個禮拜好似有小小焦慮症咁 食唔安坐唔落 驚到我鼻咽鏡都搵兩個醫生照左兩次
照Mri 發現有個2mm水泡係個腦到 但問醫生 醫生話唔關事 好小事 好多人都有 同你耳鳴冇關係
上星期去左旅行 期間唔知係咪注意力轉移到 又好似翻d 翻到黎香港又變成時好時壞 我糾結既點完全係唔知係機能有問題定係情緒有問題

有唔同既唔舒服又搵唔倒原因好可能係自律神經失調。篤耳仔唔會引起耳鳴，手指咁粗好難篤穿耳膜，而且耳膜穿孔醫生會睇到。所以，水泡同焦慮問題是但一個係主要引起耳鳴的原因。

我自己search 過下呢個病 失眠 心悸 出汗 個d冇咁既症狀
如果真係自律神經失調 有冇話睇咩醫生幫到我 係咪要睇心理學家

樓主最後有無好番
上兩星期開始同你有一樣既症狀 又係右耳不規律卜卜聲 仲好多胃氣 仲要對耳感覺永遠唔識通咁 情況好似有時搭完lift可以打個喊露通番耳仔咁 依加24小時塞住通唔番

而家冇事了
都係唔知點解又好番
個排做咗d頭部運動+拉下筋就ok

你睇咗耳鼻喉未？會唔會耳屎塞咗

睇咗 又係話乜事都無無發炎無耳屎

恭喜

如果係卜卜震 ，網上搵d頭部運動做下
或者等時間過 可能會突然冇野，人個身體真係好奇妙

有無你做果set 野既教學睇下