根本好多人補習就係為咗聽笑話

補習界近期最大的花生就係Cliff Yeung直線批評YY Lam一眾嘅邪教式課程。

我覺得依件事就好似一個好男人睇住一車車女仔向渣男投懷送抱一樣。
你以為女仔唔知道邊啲男仔係渣男咩？其實佢地比其他人更清楚，只不過佢地同渣男一齊嗰陣覺得開心。
依個世界女仔有好多，有啲就係鍾意渣男，有啲就知道要揀好男人。大家目標客戶唔同，好男人同鍾意渣男嘅女仔分析「渣男的N個特質」「渣男的心理戰術」都唔會改變到佢地。

其實我唔認為所有學生都分唔到補習老師教嘅嘢有冇用。只係好多人明知無咩用，但係上堂嘅氣氛開心，都仍然繼續補落去。坦白講，好多人補習都只求開心，聽吓一堆鼓勵性說話。

對於補習界的花生，坦白講我已經興趣不大。不過我都分享吓自己從事私人補習多年觀察到嘅嘢。

學生粗略可以分為三類：1. 家長迫佢補習 2. 屋企俾錢佢搵補習 3. 要自己賺錢補習。

依三類當中學習態度最差就係第1種。佢地抱住應付父母的心態，最重要係能夠俾父母睇到佢地「做咗嘢」。對住依種學生我經常會有一種「拉牛上樹」的感覺，佢地幾乎唔會溫書、唔會做題目，覺得補完習就已經夠，佢地的口頭禪就係「阿Sir靠哂你啦！」，彷彿佢地唔需要對自己成績負責咁。

既然依班學生根本都唔想上堂，如果你能夠將課堂變成一場棟篤笑，咁就更加好。就算你上堂只係陪佢hea吓時間，啲學生都無所謂 。(太多私補老師關埋房門陪學生吹水，或者求其俾份練習學生做，老師自己就玩手機。奉勸各位家長，杜絕HEA教私補，請小心選擇補習老師)

所以我完全明白點解市面上咁多補習老師行搞笑路線，又派咁大疊notes。一來笑話無人唔鍾意聽，二來啲notes除咗俾學生睇之外，仲要俾家長睇嘅。家長見到一大疊notes好專業咁，學生又話老師教得好好，自然願意俾錢。

我唔知佢係咪笑話，但係我知我有好香嘅花生食

有人問我：「如果遇到無心向學嘅學生應該點樣教？」

我覺得無計架，依個係個學生人生嘅問題，而唔只係我哋教嗰科嘅學術問題。補習老師每星期只係見個學生幾個鐘，好難改變到佢成個人生。

就算我哋見到學生人生行錯路好想幫，但佢未體會到就係未體會到。就算俾你時光倒流返去同細個嘅自己講嘢，你都唔會勸得掂自己。

雖然好多人睇唔起YY Lam嗰種教學方式，但都唔排除有啲人要咁樣先肯聽。

例如好似Andrew啲notes咁，你估學生睇唔出啲notes低質咩？
佢地一定睇得出，只係佢地唔care。

震驚！！遵x補習名師筆記跟教科書極度相似！！太巧合了！！
https://lihkg.com/thread/654742/page/1

改做賤男囉

事實就係咁
Yylam滿足到班學生需要咪自然咁多人補
唔知有乜好屌