ShootersPool 官方網站 : https://www.shooterspool.net/promo/zh_hk/shooterspool-online-billiards-simulation.html
* 官方網站同遊戲會員網站最近提供咗香港繁體中文版，但遊戲軟件內嘅顯示語言暫時仲未有香港繁體中文版，相信遊戲製作人將會喺下一次更新加入。
呢隻電腦桌球模擬遊戲同一般桌球遊戲唔同，佢主張模擬真實打桌球一樣嘅遊戲體驗。
模擬真實打桌球嘅操控方式:
有別於一般桌球遊戲(只利用按鍵操控)，ShootersPool利用鍵盤同滑鼠操控，利用滑鼠前後移動來模擬出Cue嘅動作，通過滑鼠前後移動嘅速度來決定出Cue力度。呢種操控嘅好處係可以令玩家用返佢地真實打桌球時出Cue嘅節奏同習慣，例如back swing嘅長短、加入back pause、front pause、濕Cue動作等等。玩家除咗能夠調校瞄波角度、落Cue法之外，亦可以調校Cue同枱面之間嘅角度，做出棟西、跳波等動作。另外，ShootersPool仲可以畀玩家好自由咁喺球枱附近周圍移動，想睇入波位、或者想知道呢球有冇被對手Set士碌架，都唔會有難度。
官方遊戲指南影片(暫時只有英文說明): https://www.youtube.com/watch?v=RKlqDBkHF_Q&list=PL-sgqpsl69-WrItO5I8ad3pWB-9Pq4Ep9&index=2&ab_channel=ShootersPoolOfficial
模擬真實打桌球嘅視角:
大部份追求真實體驗嘅線上玩家都唔會用任何遊戲輔助，例如瞄波線、不受限制嘅視角。其中最大嘅特色係玩家嘅視角會隨着唔同情況而影響，例如當白波貼近咕𠱸、或者貼近其他波時，玩家嘅視點會自動升高，以模擬真實打桌球時白波貼近咕𠱸或「揹仔」嘅情況。所以，就算你因為各種原因而令你唔能夠喺真實嘅桌球枱上練習，你都可以透過玩ShootersPool呢個桌球模擬遊戲，訓練到入球路線、力度控制、Cue法運用、白波走位等等。
逼真嘅物理模擬:
想做到模擬真實打桌球一樣嘅遊戲體驗，物理模擬相當重要。唔使多講，睇睇下面條片就知道咩係「逼真嘅物理模擬」。
遊戲中使用唔同Cue法的效果(慢鏡): https://www.youtube.com/watch?v=sDW0ENZzClk&ab_channel=ShootersPoolOfficial
完整版(PRO)遊戲玩法包括:
- 美式桌球: 8號球、9號球、10號球、14.1連續擊球、一袋球
- 英式桌球: 英式桌球、英式6個紅球、英式桌球(自定)
- 法式桌球: 3球開侖、1咕𠱸開侖、3咕𠱸開侖
- 中式桌球: 中式八球
- 英式8號球: 黑球
免費版(FREE2PLAY)遊戲玩法包括:
- 美式桌球: 8號球
- 英式桌球: 英式6個紅球
- 法式桌球: 3球開侖
