求問 松鼠狗BB甩毛甩牙生肉瘤[多圖]

打齊3針未？

多謝絲打嘅提點，我相信就算你隻松鼠仔/女有撻疤，依然都係咁靚仔/女，最緊要就係佢健健康康。其實食物敏感嘅話，佢一直以來都淨係食我哋上面講嘅嘢，唯一一樣食過比較特別嘅，就係買咗狗狗專用嘅羊奶俾佢，但都係成個幾月前...我哋只能夠小心啲，希望到佢大個嘅時候做致敏源檢測，可以一次過查晒出嚟

暫時甩毛甩牙肉瘤問題睇過2間診所，兩間大致上都係講緊同一個方向嘅嘢...因為抽咗組織，驗咗個粒肉瘤係良性，而家只可以等佢慢慢退，同埋要經常留意粒瘤有冇變化...如果唔自己退嘅話，三個月後就要做手術整走佢

感覺絲打嘅回覆，你隻松鼠仔好得意啊
其實應該同缺鈣/唔夠營養冇關係，因為我朋友隻狗大肚之後，去咗睇醫生，然後開咗懷孕嘅Supplement俾佢，包埋哺乳期嘅量。不過係同一胎入面，我隻松鼠女的確係細隻嗰個，同埋岀世嘅時候係冇咁健康，佢同佢家姐都係經過搶救先至執返條命... 左係家姐，右係我哋



我隻松鼠女佢兩個月戒奶，但係由佢出世開始我哋一直都有餵羊奶粉比佢同佢家姐補營養，我亦都餵佢羊奶餵到佢三個月（食緊puppy food所以灑上啲糧到)。其實我都相信哩啲病都係同佢體質有關係，雖然醫生話影響唔大，但我相信佢嘅基因可能真係冇咁好，所以一直以來我哋都對佢嘅起居飲食好小心，但結果都係病咗...其實有時候狗仔醒唔醒目，叻唔叻都唔係最重要，最重要係佢健康快樂冇病冇痛咁成長

醫生話甩牙甩得太快太多，的確係有問題，但暫時冇影響佢食飯，所以都唔緊要。佢而家成個冇牙婆咁樣，其實好慘，但個樣好搞笑

9月頭打曬，嗰時啱啱好四個月，仲打埋booster營養針

甩牙應該無得攪？
唔影響食野可以觀察多陣。
甩毛可以睇下醫生會唔會開藥水你茶下？
但有機會只係換毛

松鼠狗長大係有段時間好樣衰，之後生返d毛就靚晒

白毛真係好易敏感
我隻對膠敏感，要用不鏽鋼同陶瓷
另外又蛋白質敏感要控制好個含量，又唔食得雞同羊……
你都唔好餵得太雜試下

我養poodle，bb嗰陣打針都試過腫咗一粒嘢，睇醫生都係話打針位敏感，不過粒野真係慢慢就消咗。

咬手腳同尾，如果睇咗醫生又驗咗唔係有菌，就趁bb要教啦！亦都有機會係清潔劑敏感，你有咩拖地？

Btw其實濕糧同乾糧消化時間唔一樣，最好分開餵

如果係天生基因問題 都真係整定
不過諗深啲 人都有分天生身體強/弱
就算咁唔好彩係天生弱
我相信畀心機養都一定會健健康康

毛毛照正常講 1歲左右就會換得七七八八
到時再睇吓係咪一撻撻吧
如果係的話 去測吓致敏源睇吓日常有冇咩佢唔受得
狗仔唔係人 表達唔舒服嘅能力有限
我地只可以盡量搵唔同方法去了解佢地身體

你話佢玩得食得瞓得 其實代表佢好有精神
唔使太擔心嘅

勁Q

我之前隻狗都係生肉瘤
個零月就去左
醫生話佢係近親繁殖
果時2個月大 3月幾月就走左