其實佢食得，玩得，瞓得，柯得，都好似好健康，但最近佢身體出現咗好多小問題。佢本身都有玩下自己條尾，咬自己手手嘅習慣，之前睇過幾次醫生，醫生話佢可能係貪玩，呢啲都係puppy behavior，冇咩問題。但最近我發現佢咬到自己隻手紅曬，又咬到條尾啲毛甩晒
手
尾上上個星期佢背脊突然間生咗粒肉瘤嘅物體(直徑2cm)
，嚇到我第二日即刻帶咗佢去睇醫生。
醫生話嗰個位同佢打第三針嘅位置好近，應該係打完針之後嘅過敏反應(雖然打針已經係三個禮拜之前嘅事)。醫生話按道理一個星期後應該會開始退，而家已經過咗一個星期，嗰粒瘤嘅大細仲係一樣，而且粒瘤上面嘅位置冇曬毛
然後琴日我同佢滴藥水洗耳仔，突然間發現佢耳仔去到頭頂嗰個位，啲毛甩到冇晒，直頭好似禿頭咁，但平日冇發現係因為前面嘅毛遮住咗嗰個位置。
佢而家就好似啲地中海阿叔用前面執頭髮遮住後面禿左嘅頭殼頂咁。
但其實佢而家係換毛同換牙嘅時期，所以我唔知係咪正常...但佢真係甩到淨係得返啲粉紅色嘅皮膚，乜嘢都冇。然後佢開始換牙，又有另外一個問題，佢啲牙仔係一次過甩晒，唔係好似人哋咁逐隻逐隻甩。
而家剩返底下兩隻門牙，嗰兩隻門牙都係好鬆，隨時都會甩咁。雖然冇影響佢食飯，但我真係好擔心，種種咁多嘅因素加埋一齊真係好難唔令我聯想佢係有咩大病。我準備聽日再帶佢去睇醫生，醫生講過話如果嗰粒瘤唔退嘅話，就要抽組織出嚟驗下係乜嘢。我真係好擔心，想睇下連登有冇人有養過松鼠狗嘅，都有類似嘅病/病徵發生過係佢哋嘅狗狗身上，究竟呢啲係咪正常
其實我自問照顧得佢唔差，佢食Acana Puppy Food配Ziwi air-dried chicken再加一羹仔罐頭Instinct Puppy food。每日我哋都帶佢落街散步兩次，每一日都餵足三餐，亦有帶佢去上puppy class見下其他狗狗玩下。我真係好擔心，如果大家有頭緒嘅話，可唔可以話俾我聽究竟係發生咩事
希望狗狗無事
繼續
