【病獵試煉】《病港ＩＩ》（１２）

唔得其實 因為刑求係有虐待成份較重

公道講句
刑求係台灣用語黎
個人覺得通用講法可以係「逼問」/「嚴刑逼供」，咁就所有人都一定明

其實作者要好小心用字，而家好敏感
以前「林夕」都冇事，而家講「素質」會俾人屌到仆街

刑訊逼供，又稱嚴刑逼供（台灣俗作刑求）
From Wikipedia

如果作者、target audience係台灣人
用左台灣用語 大家都理解

但少睇台譯字幕 唔明隻字係咩意思 始終睇得唔太順暢 當學多個字

聽都未聽過

但我篇文章嘅情境係，寫佢地有咩技能特長，就好似一份CV咁，如果寫特長係逼問、嚴刑逼供，我個人觀感上係有少少無咁專業嘅感覺

每日一推

終於唔再暗黑推post

遲d一次過公佈 其實係彩蛋野黎

「睇落，意外地簡單？」對山林居住的艾匡來說，跑上山頂不是什麼難事。

與此同時，我嘆出一句疑問：「係富馬史嘅話，應該唔會咁簡單。」

我和艾匡對望一眼，往招募通告最下一句閱讀：「如遇上任何生命安全的危險，本會一概不會負責，並且主考官有權對任何參加者新增或除名。」

「無限時間，只要係前一百個就可以？今年真係易啊。」有個病獵經過，瞅了招募通告一眼。

「等我佢哋講下先。」艾匡轉身，回去那些朋友身邊。

「會長，呢位女仔好有禮貌，好似對每個人都先生前、先生後。」霍洛圖說。

「係，畢竟佢學過皇室嘅禮儀。」我淺笑。

「鳥嘴先生！距離病獵招募日仲有一個幾月，你應該唔會趕我哋走？呢橦病獵協會咁大間。」楊良走了過來，問。

「唔會，你哋咁樣一來一回都好辛苦下，有人帶你哋入嚟？」

「咁啱阿蒙柯亞醫生，佢上咗山採藥，經過我哋個到，我哋咪痴住佢個病獵執照入嚟，同埋我哋都係時候要放棄嗰到......」楊良臉色慢慢變了。

「有咩事？」

「你接受審判前嗰陣，係咪有個夕鯨國官員嚟過我哋到？我哋最近又發現，佢哋嘅人喺附近監視緊我哋，我哋所有人都少少不安。」

「盧旺山......」我點一點頭，說：「都啱，暴露咗位置嘅基地，係要盡快撤離。」

「唔知邊到方便我哋落腳？」楊良抬起頭，仰視這橦大樓。

「一至三樓，隨便你揀。」

「咁好，我哋一樓就可以。」

「你哋，全部人都會參加病獵招募？」

「我哋某部份人係，至少我同艾匡都會。」

「嗰個富林比比？」

「佢話要繼續留喺嗰到，鑽研下新食譜......」楊良表情有些無奈。

「咁你哋喺到就自便，有事搵霍洛圖。」說畢，我回到自己的會長室。

在這個小天地裡，我自行研究起富馬史給出的試題。

如果正常人要先在協會外登記，並跑上病獵營的話，正常應該要先往東面跑，在從鯨寨那裡出關。

如果想抄捷徑，從中間的倖存區直接上山跑，就會有些困難。因為部份大路口，都有圍牆阻隔，關口被鐵門封死，這些檢查點都有夕鯨國的治安人員看守，要不是有管理人批文或執照特權的話，基本上無法直接外出。

雖然夕鯨國的地方這麼大，沒什麼可能做到滴水不漏，偶然還是會有病者不知在哪裡溜進區內，但病者通常很快就給附近巡邏的治安人員擊殺。這意味住，參加者如果想要外出的話，除了要跨越圍牆的關口外，也要避過治安人員的巡邏。

「我就知道富馬史出題無咁簡單......」

不過，這個題目設計得很好，作為高樓大廈密集的市區，病獵行動經常會受到地形的限制，無法快速到達某個地方、被一些障礙物阻路，更要避過耳目去到某一端，於是乎這些來去自如的技巧，就顯得特別重要。

這道題目的陷阱在於，考驗參加者會不會用正常方法出去。

理論上三個淪陷區域，到明年的一月一日就會重新開放，相信各大關口仍如是，富馬史挑選在一月二日展開比賽，可能是想讓考生誤墜乖乖排隊，從一個個關口離開的陷阱。

希望艾匡能看清楚這一點。

隨著日子的過去，意圖應徵的病獵亦明顯上升，每天的不同時段都會有人特意進來，查看一下考核的方法。

至於，都想要參加考核的楊良和艾匡，則時常外出觀察夕鯨國的圍牆邊緣。

在十二月頭的某一日，我見有點時間，便偷偷跟著他們二人外出。

「會長你要出去！？」有個病獵見我意圖外出，馬上過來問候我：「你個傷好啦咩？」

「噓。」我示意他安靜。

「呢幾星期都完全搵唔到路，係可以喺夕鯨國下面穿出去......」艾匡雙手托著後腦。

「如果到時我哋真係經過東面嗰四個關口出去，一定會輸，淨係佢哋啲行政程序都用半日時間。」楊良說。

兩人從空蕩蕩的東院道前進， 一邊觀望周圍的環境。

「就算係咁大型嘅倖存區，係某啲街道都好少見到人。」艾匡一邊說，一邊回想起：「我家鄉嗰條貿業路呢，無論朝早定夜晚都好多人！夜晚更加好，夜市地攤都有，勁熱鬧。」

「哈，艾匡你成日講到寶琳咁，搞到我真係想去見識下。」楊良左右望望，都說出自己看法：「我諗呢到大而無當，啲居民都聚集喺人多嘅鬧市到，再唔係就匿喺室內工廠做嘢，其他地方孤獨感咁重，就算無病者，都邊敢行入嚟。」

他們旁邊那間荒廢的佛教黃鳳翎中學，石階上滿是通泉草，牆壁是腐蝕的植被，常青藤像懸吊的繩子掛在東華醫院的門口，每層都為昏暗的停車場，有股說不出的荒涼感。

即使事過境遷，大部份座落在街邊的店舖，還依然有著破木磚瓦，沒任何人打理，就任由沙塵堆積。

「嗰到好似係香港大球場。」楊良跑前幾步，見到那標誌性的建築。

「兩位！做咩過嚟宜到。」兩名夕鯨國的治安人員，倏地從一旁走出：「呢到無咩浪漫景色，俾你哋喺到拍拖談情，返轉頭吧。」

「我仲想入去大球場參觀下......」楊良退後，準備返回。

「大球場？嗰到係夕鯨國其中一個軍營嚟，無咩好參觀。」治安人員說。

「啊。」艾匡搖搖頭，跟著返回：「每次一行出少少，呢啲治安人員就行出嚟。」

「正常都應該封死哂所有出入口嘅。」楊良說。

「咁仲咩方法？」艾匡抱起手。

「地方咁大，實有漏洞嘅。」

「等陣，呢啲會唔會出到去......」艾匡忽然蹲下來，用手指敲敲渠蓋。

「下水道？會唔會有少少危險......」

「哈哈哈，你做得病獵居然仲會講危險？」第一次見艾匡嘲笑別人。

「喂，全條街咁多坑渠，點搵得哂邊個通去邊到？」

「夕鯨國肯定有啲渠務處之類嘅部門。」

如艾匡所言，在連日的明查暗訪下，艾匡和楊良總算尋出最近自己的渠務處部門。

當他們兩人到達那裡時，迎來他們的已是寂靜的空室。

入面有些工具被取走、有些則留下，但重點是全城市的渠道圖，仍貼在那間被掠奪過的辦公室中。

「搵到！」艾匡馬上把渠道圖撕下，指尖再沿著區內渠口的位置，跟隨下水道移動到外面的渠口：「係呢到，原來跑馬地馬場中間有個泵房，係可以直接去下面，再由渠道行出去。」

「咁睇嚟！我哋要喺一百個人之前上山，唔係問題。」楊良都感到雀躍。

「喀！咚──」突然，渠務處大門發出聲音。

「有人入嚟。」艾匡望向楊良。

「匿埋。」楊良馬上和艾匡，一同躲到個大櫃子中。

「大應該係呢到？」對方的聲音，聽上去都是年輕人。

「正常嘅話應該係，搵下有冇圖則之類嘅嘢。」另一個人，聲音同樣年輕。

「唔會有人偷排水渠嘅地圖咁白癡呱。」

「嘿嘿，邊有人好似我咁醒會諗到。」第三人說。

楊良跟艾匡面面相覷。小小儲物櫃之中，楊良他微卷的濕髮，差點就滴到艾匡的臉龐，但楊良還是微微仰著頭，盡可能別弄髒艾匡。

外面一番搜索聲，對方各種拉開櫃子的行為，讓二人感到無比緊張。

「無嘅？」他們找了一會，都尋不著任何圖則。

「等陣......」有個人注意到地上有圖則的紙碎：「我諗有人嚟過，仲撕咗張渠道圖。」

「咩人會咁做啊？」

那人捏掉紙碎，面色有些深沉：「同我哋一樣，想投考病獵嘅人。」

「居然......我仲以為......我哋係第一個諗到宜個方法......」

「張地圖交唔交俾佢哋？」楊良低聲問。

「我哋都搵得好辛苦。」艾匡低聲回答。

「咁唔好交，反正宜到係倖存區範圍，佢哋都做唔到啲咩。」楊良說。

終於，有個人要過來打開儲物櫃了。

在他打開之前，楊良他們先下手為強，將櫃門用力推開。

「啪」鐵製櫃門打到那人身上，令他狼藉退後了幾步。

「咩事......」他的兩名伙伴愕然地，看著這一切發生。

至於艾匡和楊良則像飛天俠盜般，衝入到辦公室中。

「副地圖喺佢地手啊！」被門撞的那人，喊。

另外兩個同伴，立即想要攔截他們，可惜楊良他們早已踏入房間，並鎖上了門。

「喀喀」

「頂，差個一步！」他們用力拍門。

艾匡則用手肘撞破玻璃窗口，和楊良一起跳離渠務處。由於這裡只是小分部，樓高只有兩層，因此就算跳出去都沒有生命危險，只要做好卸力的姿勢。

「耶！拎到！」高興的艾匡舉高渠道圖。

「快啲跑返去協會！」楊良說。

你咁講，即刻諗起hunter有完全相同既設定
フェイタン＝ポートオ既特長，係「拷問」

解唔解決到？

但機構組織用字 唔會用直接用拷問咁負面

Hunter呢啲個人戰鬥漫畫係冇問題，但關乎到體制嘅話用字點都要得體啲

墨巴 想問下追女仔實體書幾時會出呀

睇吓有幾多人想睇，因為個熱潮都過咗一段時間

睇唔明

我好想買 好鐘意依個故事

自己識字少就喺度大呼小叫

格局問題

我想虔誠者出書多啲

巴打快啲走

明明唔係得一個半個人提出意見, 起碼見到有5,6個正評左提出有唔妥既留言
但係就一句"識字少"得埋嚟
真係想討論下都冇討論空間

push

識字少係佢嘅睇法 點樣局限左你嘅討論空間
同時唔妥唔妥嗰句就會畀人話起鋼同埋串柒柒 惡過共產黨

呢到淨係可以評論作者 但係唔可以評論評論作者嗰個 討論範圍只限於作者