大家有冇咩渠道可以學睇電影？

CCGL9001 Hong Kong Cinema through a Global Lens
HKU course, 攞黎入門開始思考下幾好
你睇睇有冇辦法搵到佢啲course material/上堂錄影黎睇

就好似希治閣咁，psycho 你宜家覺得都係啲大路嘢，但係你諗翻1960年有啲咁既嘢簡直勁到痴撚線。吳宇森都同理。不過希治閣仲有好多好多開創性既技術同想法，吳宇森就得一門咁。

https://www.edx.org/course/hong-kong-cinema-through-a-global-lens
好似有online course 版, 唔sure 係咪一樣

其實要講電影真係十日都講唔晒。勁既導演數之不盡。我列啲我個人好鐘意既。楚浮（《四百擊》係我最愛既電影，沒有之一，亦都係我最鍾意既導演）、狄西嘉（《單車竊賊》，意大利新寫實主義既代表作）、希治閣（開創性既風格，荷李活之父）、Wim Wender（公路電影代表人物，《愛麗絲漫遊城市》）、安東尼奧尼（又一意大利新寫實主義既代表人物，《blow up》）、高達（電影之神，法國新浪潮既代表人物，《斷了戲》）、亞倫雷奈（左岸派，《去年在馬倫巴》，不過難明到⋯⋯）、寇比力克（美國其中一個最有才華既導演，《2001太空漫遊》係我刞鐘意既荷李活片）、添布頓（我最鐘意既荷李活導演，《愛德華剪刀手》）、諾蘭（唔洗介紹下話）、塔可夫斯基（俄羅斯代表，宗教電影，《索拉力星》），奇斯洛夫斯基（波蘭代表，紅白藍三部曲、《十誡》）王家衛（我諗鐘意電影既人好難唔鐘意佢，唔洗多講，睇哂就得架啦）、許鞍華（又係一個出色既寫實導演，早年都有《瘋劫》之類既出格作品）、杜琪峰（香港商業片代表，不過商業片之餘都有突出既個人風格，加上杜sir積極為為下一代既香港新導演舖路，係令人尊敬既導演，《黑社會系列》、《槍火》）章國明（舊一代既香港導演，《點指兵兵》）、侯孝賢（台灣殿堂級導演，超級長鐘頭加寫實派，《戀戀風塵》）、小津安二郎（日本國寶導演，《東京物語》），黑澤明（日本導演之中最多外國人鐘意，every frame a painting有一集介紹佢，《七武士》）、今敏（英年早逝既動畫導演，全部都係一流既動畫作品，值得全部都睇）、是枝裕和（日本新貴，《比海還深》）、李滄東（韓國殿堂級導演，個人認為佢比是枝裕和更值得攞康城，又係全部都好好睇既導演）。搵幾個啱口味既，夠你研究一世。

吓睇戲都要學

martin scorecese都無？

理性主義

唔記得左佢添，《taxi driver》、《Hugo》、《華爾街狼人》都係好好既作品

其實唔難

不過大部分都冇乜養分 有人帶住睇好好多

利申:唔識野9up

Thanks 絲打，我了解下先

睇多d影評既文同片
睇經典電影

好似唔錯喎！多謝你呀

侯考賢、楊德昌、易智言等本地化導演探討自身城誠既大城市小故事就係我所講每個國家都會有許鞍華呢種既導演，欣賞完會對所住既城市引起感觸或者有種「本地人」先明既感受，功勞上係以故事劇本取勝，去發掘城市人被忽略既人同事，不過呢類電影隨時間、時代變遷，國際視野上既經典味道略為不足。就好似一念無明新晉導演，肯去攞社會話題問題去講，觀眾一般都會讚好睇得好唏噓。

但王導真係從攝影、構圖、對話、音歌、燈光作出突破，故事甚至比許鞍華電影更簡單，但卻成可以成就一套一套既經典，王導執筆下既人物大多都成為經典角色，經得起年月變遷，甚至引到國際導演模仿，如果樓望要學電影既構圖等電影手法，睇王導會更激發到自己既想法，至於善唔善於發掘城市身邊既故事、某程度上每個人都唔同，要自己去體會。

所以覺得王導勁係勁在呢度，阿飛正傳最後梁朝偉最後坐係狹窄既房間播首復古純音歌，做些簡單既動佢，無對話無劇情但令人津津樂道，令觀眾融入角色既情感同氣氛，真係勁

的確許鞍華之類既電影係真係要本地人先有完整既體驗，呢個亦都係呢類本土寫實戲既缺點。不過我覺得電影（除左極度架空既電影例如人神魔戰）一定有一定程度既本土化，復仇者聯盟都有大美國主義。而個差別在於導演點包裝就係功架所在。《阿飛正傳》一句回歸都冇提過，但係旭仔同生母養母既關係咪就係香港俾人收翻嗰種進退失據。不過王大導喺藝術化上既功力的確無出其右，嗰啲強烈既燈光、鮮明既服裝、過份既獨白令到佢電影產生左好難去複製既個人色彩（學佢既咪好似moonlight 咁⋯⋯），同埋有好多識欣賞電影既人既喜愛。而許鞍華既本土寫實化係我宜家好喜愛既風格，點樣喺細節上面去雕琢每一個城市既特色我覺得係呢類導演既精彩之處。可能係我個人既偏愛，我覺得兩位大導演係不分上下。我更加覺得佢兩位就好似小津安二郎同黑澤明，一位就致力表現城市既味道，一位就致力去尋求城市特色新既表現方式。可以話香港電影，許鞍華表現既係香港，王家衛表現既係電影。

nerdwriter1

廢話就係睇多啲電影
香港睇，日本睇，韓國睇，美國英國西班牙瑞士乜都睇
但前提係要認識montage同editing
架構一個世界，symbolic既野係必須，所以睇既時候都可以多啲觀察場景，唔係套套戲都好直白同你講罐頭，講瀑布

呢個真，睇得多就自然識

好，我會研究下，thank you