大家有冇咩渠道可以學睇電影？

近年睇返多港產片
除左覺得題材好入肉
其實都想學下有關電影嘅鏡頭、構圖或者背後嘅idea
大家有冇咩書或者節目之類係可以推薦下
諗返都幾後悔讀u嗰排冇去sit多啲電影相關嘅堂

睇完過百套電影先再講

可以睇下LOUIS GIANNETTI嘅認識電影簡單了解下先 巴贊本電影是甚麼都好好睇

every frame a painting
可惜唔再出片

自己訂個題材/主題/導演
搵段時間淨係睇呢類
好快你唔識分析都識比較下有咩分別

推

睇電影要經驗同睇下美學、攝影的書
就咁講好空泛

我作為觀眾
學係OK
但大多數評分好高既電影
都係導演行到自已既風格 然後拎去比人做教材

有冇其他類似channel

睇多啲谷阿莫

我覺得許鞍華唔會差過王家衛好多，天水圍的夜與霧，日與夜其實好鬼勁。

許鞍華電影係好 不過都係局限係深化探討到本地城市電影同面貌
每個國家都會有許鞍華呢類既導演, 杜sir影響力會比佢高
王家衛直頭係開創左某方面既藝術風格

其實睇電影又冇話學唔學，睇得多就會明佢本身個藝術成份。樓上講既巴贊的確係正統既電影藝術，不過對一般人嚟講可能太難明。其實主要既概念都係mise en scène 同montage，即係場面調度同蒙太奇。場面調度即係喺每一場入面所有演員既走位，鏡頭既運動，光影既變化之類發生喺鏡頭前面經安排既事情都係場面調度。而蒙太奇簡單嚟講即係剪接所表現到既敘事效果，呢個google 有好多既介紹我就唔多講。呢兩樣嘢肯定左導演同剪接既工作，亦都係電影作為八大藝術之一既特點。所以當你睇一套戲，不妨留意一下呢兩樣嘢，好多經典攞奬戲都喺呢兩方面做得好好

我會覺得係風格既問題，侯孝賢都極大部分係台灣味本土電影，不過我覺得佢比王家衛稍勝半分。所以風格上我並唔覺得本土化除左國際上冇乜獎攞之外有乜問題。而王家衛無錯係香港一流既導演，但係佢同許鞍華行既係兩條唔同寫實既路。一個係極度本土加上強勁既敘事手法去堆砌一個平淡同富內涵既故仔；而一個係喺個城市入面抽取一分獨特既元素之後藝術化佢，而敘事上直接放棄而去加強情感既渲染去創造一個似幻而真又極誘人既電影世界。我認為兩個大導演可以話係不分上下，只不過因為本土色彩濃厚而有獎項既落差。至於杜sir就好睇得出係好出色既商業片導演，始終甩唔到戲劇性既特點令到佢比兩位稍遜一籌。

Well said

睇書其實學到好多
例如david bordwell嗰啲

師兄點睇吳宇森

睇你想學到幾深
個人覺得可以從drama嘅劇本入手
因為電影係drama嘅演進或延伸
好多經典電影都有drama嘅經典元素
近代經典嘅drama劇本可以睇death of a salesman
基本上有齊近代電影嘅經典元素同美學
沙士比亞四大名作都經典
但年代太遠 無乜代入感

好難比較嘅

仲有許鞍華 杜琪峰

後生嗰陣嘅徐克拍出黎嗰啲都好有風格

呢類導演我自己冇研究，不過睇得好係嗰個年代既港產片風格，英雄主義、大場面、紙醉金迷。不過我覺得呢啲戲今時今日睇幾悶下。一嚟冇藝術價值，冇可以細心回味既位；二嚟呢個format我地成日見到，冇左佢應有既奇觀效果（即係一啲平日見唔到，但係喺銀幕上會出現既大場面，簡單啲講既係會嘩嘩聲既shot，係電影其中一個吸引力）不過無否認既佢的確喺製造英雄人物上面係有佢既特點，不個我就覺得好悶

其實我都好少睇佢啲戲 個genre我都麻麻
只係樓上好多人都話王家衞係香港第一導演開宗立派 就突然諗起吳宇森
因為我有時見到好多歐美人吹奏佢啲戲 而且佢十年前已經攞左威尼斯
所以諗緊佢嘅動作美學可唔可以算係開宗立派