現年29歲的立法會前議員游蕙禎，憑甜美外形人氣高企，2016年因「宣誓風波」被DQ，身陷囹圄，被追過百萬薪津，而同政黨的梁頌恆則選擇上訴但遭駁回，鋃鐺入獄。有才有貌的游蕙禎今年初轉戰KOL界，於網上平台sell產品，原來賣古董相機才是她的正職。從政雖曾令她心力交瘁，但她無悔無怨，直言在獄中反思人生，初衷莫忘，現在要先照顧好父母，還債之後再打天下。
/cloudfront-ap-northeast-1.images.arcpublishing.com/appledaily/7IUBPI4IOJA6TKWBAGEDMBJOIA.jpg)
游蕙禎出獄後不忘抗爭初衷，但眼下要先還債兼照顧好雙親，才有力再戰江湖。
從政客變身KOL，游蕙禎說是因緣際會，都是產品商主動找她合作，她有賣湯包、糉子、護膚品、酒也有，亦有替黃店食肆宣傳，她自詡揀擇，在平台分享，純粹提升大家生活品味，賺錢次要︰「初時覺得幾好玩，就分享一啲我認為好嘅產品，實際賺唔賺到錢？𠵱家仲係零，但當然若品牌offer畀我，我樂意接受。」雖然轉型KOL，但她坦言政治也是考慮因素︰「梗係有，唔係我點會幫你哋報紙拍片叫人課金啫！我都係免費拍。」
被政府追討過百萬薪津，游蕙禎坦言壓力不小︰「好彩我之前有儲蓄，仲應付到，還好啦。其實我正職反而係古董相機同收藏品買賣，呢個至係我收入來源，我亦覺得好有趣。」從政路難行，問她從頭再揀可會有另一種選擇，她斬釘截鐵︰「唔會，到今日為止都沒後悔做過的決定，我自己揀，我接受了，亦承擔了，𠵱家叫做可以企得返起身。遇到幾多挫折，一定有機會企返起身，因為人生由意識決定。」
/cloudfront-ap-northeast-1.images.arcpublishing.com/appledaily/DWXUCBG77BABFCEV4YV23EOQZU.jpg)
貼三點式照母親大鬧
談到早前她一張網上泳照，引來網友極大迴響，但照片將成絕唱︰「張相係上年9至10月同成班姊妹去泰國旅行影，非常開心，我28歲至第一次同朋友出外旅行。平時好少着三點式，真係游水至會，但嗰張係最後一張，我俾阿媽鬧死，因為呢張相上報，令佢非常憤怒，鬧足我成個月，母親角度着咁少布好蝕底。」很多女KOL以身材作招徠，她卻很抗拒，甚至不會接泳衣廣告，但她的社交平台亦不乏靚相，甚至有古裝扮相，大大中和了平台昔日濃濃的政治味道。
國安法下，不少KOL都選擇反諷及隱晦議事，游蕙禎近日的議事post也變得迂迴︰「我發現有時兜個圈講比直接講效果大十倍，就好似打英式桌球，好多時你係借另外嘅球撞你想打嘅球入網，呢個係英式教育精神，所以我轉咗另一個模式議事，意見領袖係要引導大家去思考。」
曾演出過電視劇《選戰風雲》的她，去年更與羅莽等合演舞台劇《夜谷賓館營業中》，她說是難得經驗︰「嗰次係Tommy（阮民安）搵我，加上好鍾意個劇本，人一世物一世，乜都要試吓。我性格內向，以前冇諗過可以喺呢個範疇識到咁多朋友，我透過呢個機會識到唔同人好開心，羅莽係老前輩，人生經歷豐富，聽佢話以前拍戲試過生吞蜥蜴、曱甴，佢係我好好嘅人生導師。」
/cloudfront-ap-northeast-1.images.arcpublishing.com/appledaily/NGPM5JNABRDYPANNOT2VLXBWYM.jpg)
/cloudfront-ap-northeast-1.images.arcpublishing.com/appledaily/AXR5H2P54NH2BJEKFOMLBNMTUU.jpg)
入獄反思家庭重要性
即將踏入30歲，游蕙禎形容經歷了黃金十年︰「呢十年好感恩，雖然好多波瀾，但若果呢十年唔係有呢啲經歷，我下場應該更慘。」2016年11月，當年仍是立法會議員的她試圖闖入立法會大樓會議室開會，被裁定非法集結罪名成立，被判入獄４周。談到入獄，游蕙禎指是一個學習過程︰「只要你覺得嗰樣唔係傷害就唔係，嗰28日對我嚟講係非常寶貴的一堂課。我喺獄中反思咗好多，嗰28日對我人生相當重要，我覺得若果我連父母都未照顧好，點去承擔更大的責任，呢個啟示令我回到原點，知道唔好令父母擔心，照顧好佢哋至去諗其他嘢。至於初衷，一直都喺心入面，唔怕被遺忘。」
游蕙禎坦言入獄期間，令患癌的父親身體百上加斤，內心很愧疚。自小性格倔強的她我行我素，但經此一役明白家人的重要︰「佢哋嗰陣非常擔心，令我內心好難過，覺得冇照顧佢哋，𠵱家同爸爸溝通反而好咗。」問到會否再從政，她不置可否︰「等我照顧好屋企人再諗。」記者之後亦追問她對梁頌恆上訴被駁回一事，她說︰「人有三衰六旺，不過事情過咗去就會冇事。」
