點解我男朋友咁中意貶低我？

其實大家個self-esteem都係唔太健康
樓主你個情況更令人擔憂
你已經開始自我形象低落，覺得自己好差，人地咩都好咁
你自尊心繼續長期受創既話，好易崩潰
相反你另一半仲有得得閒貶低下你，比自己爽下

要改善都不外乎係大家溝通，比大家個地位平等返
但你地最深層既問題係你地各自個自我價值有啲差
大家都要相信自己係有值得人愛，有能力
而且對方都一樣有佢既優點，要尊重對方
呢啲價值觀係需要長時間去改變，比心機呢

原來係咁
咁我有無方法可以幫到佢提高自信
話曬都拍左大半年拖 唔忍心見佢無安全感仲要咁樣dum低佢 我同佢分手佢會唔會仲嚴重左

唔知仲以為我開post..全中

多謝你打左咁多同埋鼓勵我
我有試過貶低番佢 但我個心都無爽到 點解既haha
後黎諗番起其實一直貶黎貶去既關係好唔健康
跟住又睇左啲書/片 諗下可以點搞
我set左個目標係要日日搵一樣野黎讚佢
希望佢會明白比人讚係幾開心 從而令佢開咗學識讚人
但呢個計劃實行左幾日到而家都係無feedback

黎個擁抱吧
睇黎呢個世界上都有好多呢種男仔

係咪大多相差6年嘅都係咁佢都係廿尾我廿頭
未試過拍拖咁唔自信
成日驚講錯嘢做錯事俾佢鬧even唔係好大件事

絕對係！！！
我有時食飯跌左個菜落張台 我都會即刻望佢先
勁驚會比佢鬧
痴線講出黎都覺尷尬

未一齊之前都唔覺好大問題
一齊之後話題愈嚟愈少 驚講多錯多
由頭到尾都俾佢話我on9咁
搞到而家連wsap都冇嘢傾 段關係是咪見頂了
但又feel到係錫我 同樓主一樣ಥ_ಥ

尾3句
樓主同佢講完佢都唔改
真係無得救

睇佢幫人出發點係咩先?

有遇過有條友咁應我，話我玻璃心
分左手了
其他男朋友相處起上黎正常好多

有遇過有條友咁應我，話我玻璃心
分左手了
其他男朋友相處起上黎正常好多，點解要忍佢

當你弱過佢
享受做照顧者嘅父權角色

※唔係話照顧人唔岩，但個男嘅同時成日貶低人，兩樣加埋，得出嘅結論就係咁

唔識顧人感受仲話人哋玻璃心
一個鍾意串 一個受唔起 係唔夾
大家都搵過個啦

我之前男朋友都係咁
仲話出面個個男人都係咁 得佢一個先忍到我
結果搵過個先發現其他人正常好多

呢種人貶低你嘅自尊心
無論出發點係乜 佢都對你有好大負面影響
例如我 俾當時男朋友搞到有情緒病
早啲走啦

Google search : PUA (Pick-up artist)

純粹睇你唔順眼
ff吓佢會唔會對住個女神級咁樣呀

內心世界 未必單憑行為同說話睇得出
同埋女朋友/朋友/屋企人整嘢食俾自己
唔該都冇句 讚都唔讚下
叫佢收皮啦
同佢一齊只會害咗你
自信心同自尊好重要 唔可以亂咁俾人踐踏

你睇下佢令你幾唔開心
一段良好嘅關係係彼此尊重 大家都基本上要開心
咁先健康
對住佢 日日都比佢話 成日唔開心 拍嚟做咩
垃圾房直行轉左

第日結婚生仔就輪到你個仔受佢 d 冷言冷語
話佢無出色、做咩都做唔到、話佢廢
尤其是小朋友仲細要從失敗裡面慢慢學習既時期
學用廁所、半夜賴尿、學楂筷子、學跳繩、學綁鞋帶
未做到/做好就比佢貶到一文不值

你男朋友而家完全係走向一條成為嘴炮垃圾廢老既路徑

你要搵一個打從心底咁欣賞你嘅人阿
當然你自己要了解一下佢話你嘅嘢你岩定錯
同埋你都要建立一啲嘢令自己值得俾將來嗰個佢欣賞啦
每次拍拖都係學習嘅過程 睇住自己慢慢不斷進化
要信自己會變更好 會遇到更好

你男朋友又有幾醒呀

同埋真係有料嘅人好少會咁講嘢
我識嘅叻人都好謙虛
識得欣賞人哋優點再去學習先係醒目，唔係喺度串串貢成個on9仔咁