點解我男朋友咁中意貶低我？

因為佢打從心底咁對自己無自信
唔能夠接受另一半有一方面比自己優越
大男人要面，要眨低你、支配你既一切

講到尾佢都係愛自己多過愛你
咁傷人既說話點講得出口

指你男友.....你男友可能self-esteem都低
祝你好運

岩岩google左 即刻佢好自戀？
咁我又覺得佢無咁誇張既
不過佢成日都會覺得自己好聰明 間公司無左佢唔得
但佢都會幫啲街邊既呀婆搬架車上巴士
我諗佢無咁差掛

但我覺得佢個人係好自信 覺得自己好醒
好似我整左啲野食 佢話我覺得我會整得好食過你lor!
所以唔覺得佢會無自信
佢真係會成日講啲好傷人既說話
聽完我真係o左咀

其實佢地知唔知我地會好傷心
我真係好懷疑自己存在價值

佢既表現我真係唔覺佢無自信心
佢成日都會覺得公司無左佢唔得 同埋覺得自己好醒

同佢講過 但佢過幾日打回原形
而家發展到係我一feel到佢想話我
我就會講ok我明白架啦 唔好講
因為我驚我淨低既自信都比佢一野打爆

其實真係理解唔到佢地咩心態
佢試過講 如果你想搵個唔鬧你 淨係讚你既人 咁不如搵機械人拍拖啦
我唔係想人地讚我 只係想佢唔好句句鬧住曬

我見樓主你有啲似之前既我
感覺好似死攬住舊垃圾，係咁同佢講好說話

我ex都係咁，佢出於自卑搞到不斷咁踩低我
例如佢自己無u讀而我有
佢就多次阻止我讀書考試做功課，甚至迫我defer唔想我返學
平時又係出言抵毁大學生，屌大學生都係垃圾
又例如我讀某半專科，人工都還好
佢講明我畢業後唔準做返個行，一做就分手

呢啲其實佢都係用來掩飾緊佢既自卑
佢係咁貶低你，佢就會自覺自己比你叻，食住你
用呢啲能力感來提升佢既自尊心
你自己睇路啦

"公司無左佢唔得 同埋覺得自己好醒"
咁咪姐係自傲囉, 無安全感既人先會咁lum,
姐係low self-esteem囉都係

low self-esteem既人要騎住其他人先舒服

佢係有自信就唔會靠呢啲手段
貶低你，提高自己自信心
所謂因為自卑所以要扮到好自大
你平時有無發現佢係咁控制你既生活？

我當佢真係有自信啦，咁佢都係目中無人啦

我覺得係社交上問題，有D仆街就係唔識分人地既底線。可能佢對住其他人都係咁，有D人覺得OK，你接受唔到就應該同你男朋友講。

我唔知樓主你有無發現你下下都維護緊佢
又覺得自己好差，唔值得被愛咁
佢不斷支配緊你而你不自知

痴線我男朋友都係無讀u
跟住又係咁踩話：乜而家啲大學生連呢啲都唔識 大學入面教咩架？？？

雖然佢真係好mean 但無得否認佢對我真係唔差
唔差既位係啲細心既野 令我覺得感動
所以我有時會諗其實係咪真係我太玻璃心 定有時佢都會話得我岩
佢同我屋企人都熟 打好曬關係 成日都會買禮物上去
搞到我屋企人講唔開心 屋企人會怪番我太任性 人地對你咁好仲想點點點
但我呢排真係頂唔順 所以唔知點
我地仲有無得救

可能我鬥雞 真係睇唔係到幾開
你靠咩睇化時間嗎？

佢對住同事/下屬反而都無咁差
話咩驚傷到人所以唔敢講
或者呢個係佢對熟人既方式？？

佢喺現實只係一個失敗嘅人，咪唯有抬高自己踩低你等自我感覺良好，而事實上佢應該好多位差過你

呢度好多連登仔都差唔多性格，所以好多都係另一半頂唔順而分開

識過個好過啦

點解要俾氣自己受？

頂比你講完又覺得係喎
其實呢個問題煩左我好耐 我先上黎問下大家意見
今次係我初戀 所以我真係唔識處理

咁又唔覺
佢都會比我同男仔frd出街 但都會講一兩句
同埋佢好想我增值自己 搵啲野做下

你講得岩
尊重呢樣野真係好緊要
佢真係會成日講道理 令我覺得其實係我錯左
跟住我會成日諗係咪我真係好有問題
係咪真係得分手呢條路 無得挽回了？