覺唔覺slam dunk雖然經典，但係浪費左好多角色？

其實寫曬成個全國大賽一定唔會好似依家咁經典
用櫻木做例子，佢打左一年籃球，依家呢個水平已經係極限啦
再進步落去咪變超人漫畫

牧就係佐敦

講太多就chum

依個係大家都唔想承認嘅事實，主角光環閃爍背後係一大班人墊底。

櫻木mark條友真係好似pippen

龍珠第一部係正，悟空打完魔童贏天下一同結婚可以收尾。
後面Z撒亞人、挪美星、人造人編個個都打到可以一招滅一個城/星球、死者無限復活開始悶，布歐編搞笑原素同打鬥嘅比例夠平衡，笑位有肥布歐、撒旦、撒亞超人、悟天格斯，打有超西2、3、比古洛又俾比達做愛妻嚴父威番次係幾好嘅收尾。

之後啲GT、超CAP水嘢就無謂講啦。

冇錯 其實好到位 人既青春一定有遺憾
就好似佢地拎唔到全國咁樣
就係因為依種唔完美 令sd成為神作

好彩井上當年同個編輯鬧交完左佢。
根本山王係打大佬咁滯，
僅僅贏左下場因為五勞七傷輸比愛和亦都好合理。
作為fans都唔想睇佢地點樣慘敗，
所以無畫出黎都好make sense。

至於最終回收得太快，
之後大神去學校畫既"10日後"都叫做補完返啦。

有遺憾美反而件事好青春，
唔駛下下都要贏晒全宇宙既

要做對照組，可以睇Eyeshield 21，
根本係平行時空既Slam Dunk。
本來IC21個走向都好好地，
但打完神龍寺之後，越黎越走下波。
去到帝黑，世界賽直頭柒到唔敢睇。

所以如果當年SD夾硬作落去，
只會得到同一下場，淪為"幾好"既作品，
而唔係今時今日好多人心目中既神作。

21超級系黎
21應該對應黑子，唔係SD

因為流川d傳波大多數都係有目的or逼不得已先傳

淨係睇你形容，宫城個形像已經好飽滿啦
根本就係出得幾頁紙既角色，你都對佢地有個好深刻既印象
唔係下下用一兩期去寫一個人物先叫好

大學籃球仲會考慮發展潛力
比起赤木俾河田屈，更大原因係佢中間打到連自己本來既實力都發揮唔到，姐係心態抗壓差
比起當刻技術輸，我覺得心態唔夠強勁先係主因
反觀流川屢敗屢戰，仲要比賽中進步，心態勁好多
當然都係純粹我自己想像

其實都係同一樣野啫
赤木既實力除左球技同身材
仲有由小學已經立志稱霸全國既鬥志同作為球隊支柱既心理質素
尤其slamdunk個年代，成個籃球界都流行緊圍繞中鋒做重心既球隊戰術，頂唔頂得住鎖匙圈已經爭好遠，嗰陣仲未興三分大戰，
防守時內線壓力細左，其他球員就可以企更出去防守中距離
進攻嗰陣又可以逼到防守球員企入啲，又變左中距離有更多出手機會
赤木對山王嗰場，輸心態又好實力又好，赤木係連中鋒既本份都未做得好，內線壓力要靠櫻木黎分擔/頂住
所以深體大唔要佢係正常

有講安西獨白講三井已經超越咗過去,
又set佢做球隊主力
仲要咩關心

我覺得宮誠係堅廢....
冇外線, 個人得分能力又唔高,
打山王比人包到死
湘北每個正選都試過成為turning point做逆轉關鍵,
得宮城冇...

我估係傳key pass同主動make play嘅分別
以前係淨係key pass先傳

其實SD都好超級系......

心態還心態，球技實力還球技實力
就算見到赤木俾河田屈，都唔會影響赤木係一個高中界頂尖中鋒呢個事實
理論上球探一早知山王有河田呢個人，比賽中亦指出過當刻既赤木係唔夠河田打
但果陣仲係話要赤木，但之後赤木心態爆炸越打越差
但大家知赤木本身既實力唔係真係咁差，唔會因為一場比賽就否定赤木本來既實力
所以我先話比起球技實力，心態先係主要令深體大唔要赤木既主因

哩個安排好熱血又好真實
講真世界咁多勁人, 比你遇到唔代表有機會比你挑戰佢

買球員再睇潛力都好
起碼都要有現役第六、第七人既水平啦
計埋未來既森重寬，我當大學學界會有5個河田級既中鋒
已經足夠令到球探因為赤木輸到甩褲而卻步

重睇啦