小學：作文，寫搭飛機，我未搭過但好嚮往，就根據幻想寫好自在好舒服。點知俾教畜屌，話搭飛機咁辛苦有咩可能咁寫，仲俾好低分。隻死教畜有冇諗過呢個小朋友窮到冇搭過飛機？
中學：為咗幫父母慳錢，我唔去補習。暑假會做補習同暑期工。雖然我做過test係資優，亦好勤力，但垃圾考試制度下呢啲係唔夠。exam skill 真係要補習先教到，日校老師唔會講。
大學：終於第一次搭飛機，係因為申請到full subsidy去trip。同行同學全部搭過晒，得我一個大鄉里咁。
我不嬲知屋企窮，但去到大學、識到啲中產同學先意識到好大分別。
大學loan：我用黎養家；同學用黎炒股票，仲話咁低息好抵玩。我果下好shocked，因為從來冇投資概念，一直以為「夠錢生活就唔洗借」。
大學時要做乜：我專注學業，閒時做補習同暑期工；同學就叫阿爸公司開個低人工嘅位俾佢「做」（其實得個名唔洗做）、等佢可以申請公屋。佢話早啲排有著數。我又係好shocked，心諗「明明住佢緊私樓，又唔係要搬出黎住，點解要申請」。果時我完全冇置業概念。
而家我有一份穩定、人工尚可嘅工作，靠自己同另一半，叫做有半層樓。只不過，我相信如果我生於一個有錢啲嘅家庭，應該有更高成就。
跨代貧窮不嬲都係一個社會議題。普及教育係其中一個solution，但未能完全解決。始終有錢仔有多啲資源由細培育，父母帶俾仔女嘅眼界亦闊啲。如果想情況改善，其實要喺普及教育再做好啲，但係教育局個工作重心喺邊？大家都睇得好清楚啦。
真心
我同佢講開學資處排隊排到燥底，然後佢先講呢樣嘢，咁我唔好意思再俾意見啦，雖然心底覺得佢咁都唔差
