其實香港好多人唔明白貧窮係幾可怕，你永遠彌補唔返！

大家身邊公司總有啲中產二代
佢地呢類人未見識過世間殘苦
佢地覺得自己識樂器，識西班牙文好叻，人上人

但佢地冇諗過佢地既大半所得都係源於有一個負責任既老豆老母。
貧窮,未真正體會過既人係絕對唔會了解！

因為貧窮，童年乜都冇玩過，冇去過，見識十分少，因為窮，無錢同同年既同學仔去旅行去玩去食野

因為窮，人地就算學習能力差,都可以補習操多啲題目，隨時考試仲叻過你（你上堂教科書既題目唔夠廣泛）。


加上窮人父母通常是低學歷，思想有問題既人
佢地唔會覺得讀書係關資源事
佢地以每年極少數窮苦考生考入醫科既例子，去證明窮人讀書冇蝕底。
不幸地佢地完全忽略左百分之九十九既窮學生係連大學都入唔到，甚至中學都未讀完就退學 。


中產，小康家庭既父母有時會指導小朋友功課，啟發佢地

但窮人只可靠自己

有限資源下，有限既人支援下，窮人要戰勝中產父母悉心為仔女安排。。。


呢個情況等同 你唔著盔甲 赤手空拳同一個著晒輕甲，手持短劍既人一決生死一樣 。。。。
99%前者必敗無疑。


就算你用盡方法賺錢

你都冇可能追返失去既光陰

你既大半生已經係灰白色！

當其他同學仔放假成班去玩，你就睇電視係屋企hea


結論：窮人唔應該生仔

窮人生仔正仆街

駁唔刀

真呀
個差距係大到想象唔到
中產父母一個月收入
可能已係窮人家庭兩三年收入
仲未計資產多可以投資增值

仲有由細到大品格 見識
根本係永世無可能追到

駁你唔到真係。 香港無錢真係唔好生小朋友，害左佢

人地玩到唔想玩
你都唔知有無機會玩

窮已經係問題
有啲父母仲要窮得黎, 長期以為自己好好笑好風報咁搞屎棍, 係度拖仔女後腳

風趣*

細個窮 冇乜見識 啲錢要慳住洗
冇得同朋友去玩 剩係可以留係屋企
形成左個人既性格
大個左就算屋企環境好啲 可以比到好生活補償
但個性格都好難改變 依然好內向好自卑

樓主有佢既道理，有啲差距真係點追都追唔到
就算之後做左所謂中產有啲價值觀真係同自小中產長大既會有分別
不過中產出身既要寄望唔好家道中落，自己唔好敗家，因為比啲捱出黎有成績既人黎講，後者真係會堅毅過你

利申：過來人，信不信由你

吓 我窮但我父母好錫我喎 有幾可怕呀？

你問我我可以問邊個？個post我抄番嚟架咋

家庭月入幾多錢先生得？

岩

窮人唔生仔邊個整蛋治我食？
窮人都有自己嘅快樂 無謂同有錢人比

窮人仲要不斷灌輸啲錯嘅思想比你例如讀書冇乜用架 周街都大學生叫佢地學投資 低位叫佢地買收息股都話驚輸錢 收息收到返本嘅例子多不勝數 自己未見過啲野唔去學下就乜都話係呃人
所以有個負責任既老豆老母真係好令人羨慕

愛同關懷啊嘛

但係人地係 愛同關懷+有錢有資源
心靈同物質都唔缺

8萬

只可以話你算係比較好運嘅一群 大把窮嘅人生仔以為比左飯佢食就當養仔 完全冇理過身教同教育呢啲問題 到個仔女年紀咁上下就叫佢出黎做野比家用
其實呢啲人岩養狗多啲不過啲狗唔識比家用

8萬都唔夠讀國際學校同海外升學啦
一樣輸在起跑線

貧窮真係會限制人既思維
自己做唔到富二代，就努力等自己個仔做富二代啦。