女 脫髮問題想剃光頭

有冇問過醫生意見你清潔嘅方法有冇問題落泡洗十分鐘可能變過度清潔反而傷喎
過度清潔>太乾>分泌油脂>生頭瘡
試下改變下你洗頭習慣，覺得洗唔乾淨就試下轉洗頭水，可能對你嘅情況有幫助

好似唔係咁計
每日洗冇問題
因為頭油同面油一樣會塞毛孔
一定要乾淨 頭髮先生得靚
如果唔係同其他皮膚一樣 會閉塞生瘡脫髮
隔日洗頭係謬誤黎
除非你天生頭皮乾唔岀油

50惠支精華堅有用，我都試過

明白樓主，可能洗10分鐘頭太耐啦。我都嚴重脫髮，每日脫大約120條頭髮到，全因我用熱水洗頭，我爸成日叫我唔好用咁熱嘅水我唔聽。因爲我頭油諗住用熱水更去油，點知愈洗愈油。呀爸話啲人劏雞脫雞毛會會淋熱水，啲雞毛就脫曬。。。

所以我搵到我脫髮嘅原因，希望你快啲搵到原因，唔好咁快剃光頭住，我相信總有方法改善。

落泡都洗足10分鐘
明顯係過度清潔

我有d女舊同事之前都係咁，佢哋去咗做d咩 treatment之後就多番曬頭髮，好似正常人咁

靚女光頭都靚

絲打，試下用天然野洗頭
即係唔係嗰啲咩標榜天然材料嘅洗頭水

我由中學開始成日都覺得自己禿頭
不過冇你咁勁，只係覺得有少少M字額&額頭好高，成日都剪齊陰去遮住自己個額頭

之後我睇到有本書介紹用鹽洗頭可以生髮，我再上網搵咗好多資料，原來有好多人都係唔用洗頭水洗頭
佢哋會用梳打粉、醋、茶籽粉、唔知咩皂、番梘之類之類
如果你有興趣可以係Facebook 搵吓no poo呢個term，台灣有group，又有英文group

我試咗幾個月，啲頭髮甩少咗，對我黎講超級有效，同埋啲頭髮生得快咗
我以前日日用洗頭水洗頭，有時出街前又洗一次
但而家唔洗日日洗頭/沖涼順便用清水洗，係feel到頭有啲油/出過街先用鹽/醋（鹽係for洗乾淨，醋係護髮加有香味，我用蘋果醋）
一開始可能會有啲唔慣，洗頭無泡同埋摸極個頭好似好油，但吹乾咗其實唔覺油，最緊要吹乾頭同勤梳頭

本身諗住鼓勵下
大陸有個女rapper呢期幾紅叫望江晴 剷青幾型 戴假髮幾靚
點知睇到呢兩張圖 講咩都無用啦
無謂呃自己 面對現實好過

我之前上網睇有個女人三十幾歲，又係因為脫髮太嚴重所以選擇剃光頭。佢剃咗15次先開始重新留長髮，仲要晚晚浸中藥。而家見佢話頭髮髮質好咗好多，冇以前咁油咁軟。不過雖然生多咗頭髮，但毛囊死咗嘅位就點都生唔番。平時可以食多啲黑豆黑米黑芝麻核桃，內調補氣血；頭髮就要用側柏葉、桑葉、苦丁茶、艾葉、生薑浸，浸咗當洗咗。

幫手推 樓主加油

推

係咪呢隻? 如果唔上網訂 香港有冇得買?

有冇諗過係因為洗得太多頭髮...or洗太耐

利申返先：24歲男...習慣1日洗2次頭...以前會日日落護髮素...但係都冇太多甩頭髮既煩惱

其實同洗面洗身一樣 同d化學野洗咁9耐皮膚肯定出問題

睇皮膚科

剃光再戴假髮得唔得？

日日落護髮素果期試過生好多頭瘡...可能係因為毛孔阻窒...
之後就少左用護髮素...e家都少左頭瘡既問題

啲人話hairmax都可能有幫助

我諗你洗頭嗰十分鐘係不斷捽？
即使係洗頭都好 我諗捽頭髮捽咁耐始終唔係幾好
可能你覺得咁樣會乾淨啲
但係我覺得咁樣係過晒火

頭髮9成係天生或者遺傳因素

我中3 gel頭到依家3x歲都無依d問題

無咩認真打理過或者買咩洗頭水