女 脫髮問題想剃光頭

我睇陸振岳

睇相真係好嚴重
剷光可能真係好d
可以試下用清水洗頭
詳情google宇津木龍一

戴帽咋，如果唔係都出唔到街

咁如果唔可以戴帽既場合呢？
有冇人問你點解剃光頭？

個時仲讀緊u，加上一年左右就變返短頭髮，所以都無乜影響
其實無人開口問，可能驚問錯野

點解你咁有勇氣

因為真係想多少少頭髮，中間好大片白色。。

咁而家多返?

脫髮真係慘, 女仔就更慘, 多返髮就好了

荷爾蒙問題？

好過之前，雖然都係有一大片白色，但範圍細左，因為頭髮粗左

約左今日去睇

醫生話頭皮無野，要驗血先知係咪缺鐵/內分泌失調
好sad

佢幫你驗？
原來缺鐵都會影響

我覺得驗下都好既
起碼依家知唔係頭皮問題先
叫做擔心少一樣嘢囉

過度清潔

你啱，佢都有，但我應該出去驗

砍掉重練

睇吓有冇其他平啲既驗下

一係食藥
一係就噴minoxxxx唔知乜 5%
洗頭水就隔日用 甚至一星期先用一兩次
禁少少 係咁雙手撚到起晒泡先上頭 平日清水洗耐d
同埋買D殺菌水 細細支白橙色既 叫Selxxx唔知乜super
跟佢說明用 耐唔時殺下菌
mino果支 幾百蚊一個月 個幾月有料到
藥就keep住食先有料到 個人就唔鍾意搞亂荷爾蒙
至於甚麼鬼唔夠鐵 未聽過
真係唔夠鐵就食鐵片 藥房萬寧一樽60片60蚊
一日一粒食到柯屎變黑便秘停

見到樓主個頭自己都好有同感:( .. 好困擾... 我都有女性雄禿, 雖然冇樓主咁嚴重, 但基本上額頭髮際線越移越後, 分界線、頭頂已經見到頭皮, 好稀疏, 覺得好自卑... 我都係中學開始有啲甩, 原本髮質軟&幼, 但都算厚, 不過偶爾會生頭瘡。到大學、依家出嚟做野兩年, 越甩越嚴重...
市面防脫洗頭水我都用過, 中藥嘅防脫洗頭水、Aveda、甚至去Phyto都有用過, 買埋佢set $3000生髮精華都係無效. 我仲食過Swisse嘅supplements.

原本怕要洗好多錢, 一直唔敢求醫, 最後4月去咗睇皮膚科醫生, 佢只係用雪條棍揭起我啲頭髮睇咗陣, 由於我屋企人都冇脫髮問題, 所以唔關遺傳事, 但就唔知關唔關荷爾蒙事. 醫生無開藥畀我食, 只係開咗枝minoxidil畀我叫我keep住長用. 但睇醫生前我都做過好多research, 發現大部分人都話一停用minoxidil就會反彈甩得更多, 就算生髮都係生毛毛, 唔會去返以前嘅髮量, 一用就要用一世. 我唔想咁, 結果冇用枝生髮水, 轉去睇間專睇暗瘡同脫髮嘅中醫. 醫師會開7日藥, 每日2劑, 話要戒口同早瞓. 無奈我一直有失眠問題, 工作方面都好大壓力, 平日嘅我基本上3-4am先瞓到, 於是我個排都逼自己1點瞓(當然醫師話係要11點瞓). 由於工作關係, 基本上其實我每日都淨係飲到1劑藥, 加上疫情關係, 我有兩個月停左睇醫生, 如是者到依家我都仲未有好轉...

同樓主絲打一樣, 其實頭髮呢樣野真係好打擊個人自信心, 係街上望到其他女仔頭髮好靚好厚, 自己會好羨慕, 偶爾會因為咁偷偷流眼淚. 又有試過特登唔洗兩日頭睇下會唔會甩少啲, 當然結果甩更多...
市面好多生髮活髮公司、樓上唔少人巴絲都會建議用假髮/植髮, 但係錢真係一個好大嘅考慮呢... 等到我儲夠錢時, 頭髮可能已經甩到七七八八, 我都唔想自己中年都未到已經變成咁...

各位仲有冇邊啲西醫/中醫好推介? 真係好苦惱...
亦歡迎各位絲打搵我傾計一齊交流下:(

用黑米黑芝麻黑豆整粥每日食或者可以攪爛加熱牛奶
要食足一月 補腎補肝 食維生烏絲素
早訓 食野定時
食維生素B雜同洗頭用防脫洗頭水
維生素B一定要食足成年

得閒補鐵食葉酸

我以前d頭瘡都生得好勁，之後用茶籽粉來洗頭，唔使三日就好返晒。而家嫌麻煩，改用金蘋果嗰隻洗頭水，都好用，到而家都未再生過