真係好自卑
咁多年著鬆領少少既衫/ 剪頭髮髮型師攝條巾入頸 都怕人地見到咁多瘡會嫌我核突
背脊生瘡呢個問題困擾咗我6/7年，好似大學開始係咁。當時一來無錢，二來一心諗住背脊無人見到，最多唔著背心 所以無去理，而家後悔到不得了
我背脊而家係咁，自己反手對鏡好難影得清，盡量文字交代清楚。相信巴絲都見到 我成個背脊係花晒，上半部分特別是係重災區，下半部分主要係舊印同啲疤
近年生得比較多都集中係上半部分/ 上三分之一。平時呢 背脊會keep住生下啲普通暗瘡仔，我沖完涼會用茶樹油搽下佢，果啲問題不大，大致好似面啲暗瘡咁，三幾日會謝 唔整佢都唔太痛，就係會留印同疤
之但係，一個月佢可能會生一次大毒瘡
呢啲先至令我想死啲大毒瘡通常一發發兩三粒，又紅又痛，仲會扯到周圍啲皮膚 成忽都紅晒 扯到好緊，郁一郁都痛，唔郁都痛！夜晚係會訓唔到教 點就位點趴 都係失眠到天光個人又會勁閔 好憎自己點解背脊會咁（當然都知有好多人仲慘過我，我可能算好好彩，塊面無咩野 係有啲印，但基本上而家只有幾粒暗瘡，有時仲會一粒都無）好，近鏡睇下啲大毒瘡先
放大都唔清 但我已盡力
Day1-2 佢都係咁，得個痛字 紅卜卜一大粒但未有膿
Day2 晚痛到忍唔到 用針頭吉佢，只係放到血，痛到喊出眼淚，失眠到天光
Day3 晚有膿，再用針頭吉佢 ，放到膿，仍然係痛到喊咗，失眠到天光
（唔好懷疑 我係真喊真係痛到訓唔到，無講大話。如果你好彩 背脊白滑 係唔會明爛背有幾痛苦）
Day4 謝緊，但又新起咗兩粒大毒瘡
所以又失眠到天光 所以先打緊呢篇求救文又交代下 當我大個咗 知道問題嚴重之後 呢一年來我點搞佢
-一日沖一次涼，所以應該唔係洗太多 洗甩層保護油脂
水溫都正常38-40度，近期維持38度。沖涼一直都會突登洗背脊唔好話我唔洗背脊-果酸同陶瓷肌：交替做咗兩年左右，印係淡咗，暗粒都少咗，但仍然會起大毒瘡。
-兩個月前睇咗一次皮膚科專科尖沙咀何xx: 早排睇第二個帖 巴絲推介佢 ，突登去睇，結果去到坐低兩分鐘都無就開藥比錢
佢問我咩事，我話背脊生暗瘡，佢叫我轉身 從後面衫領撩一撩開 望一眼，就開咗支外用a酸differin & cetaphil oily skin cleanser 叫我用，而家用晒但完全唔見有效承惠千幾蚊 有啲肉赤（咁當然可能係我背脊太嚴重 救唔到）-醫生只係叫我介食乳鴿
我無食，跟著有介糖，都無咩飲奶，平日飲水同茶。 但我認我無咩介其他 我照有食牛肉，係咪都要介埋？- 沖涼最近都唔比水柱直接打到背脊。洗頭時彎向前 唔比洗頭水護髮素流到背，只有洗背脊時先濕到水
-現階段繼續用緊differin, 同時訂咗幾支野準備用嚟洗背脊：La Rocheposay Effaclar Purifying Foaming Gel Cleanser for oily skin & cetaphil daily facial cleanser for normal to oily skin & cetaphil oily skin cleanser
（自己有時摸下背脊 又唔覺佢好油又盛 但又會平白無故話起就起大粒瘡 癡線㗎
所以我normal skin& oily skin 都試下買）Questions:
巴絲有咩經驗 點搞好？我個人認為係我身體有炎症？發炎？背瘡只係一個位發出嚟咁解？（但塊面又無事）係咪應該轉食A酸？睇咗好多巴絲帖 見大家食酸都係改善塊面，無咩人提及背脊。我又尷尬在塊面無咩野，但個背勁嚴重食唔食得呢一時諗唔到仲有咩問，真心多謝咁多位睇到呢度
