自從封關之後啲旅遊區同賭場都極少人
我自己本身喺大三巴嗰邊返工
呢排先覺得澳門原來可以咁舒服
以前大三巴你想影張背景無人ge相基本上係無可能
星期六、日手信街直頭迫到行唔撚到
另外可以分幾方面講吓:
1. 交通:最明顯就係啲的士佬而家好有禮貌, 唔會拒載劏客, 直頭改過自身咁。巴士以前去親關閘啲車都迫到痴線, 而家舒舒服服。同埋揸車明顯感覺無咁塞車, 因為少咗好多旅遊巴同的士周圍行。
2. 經濟: 咁肯定就好大影, 係好多舖頭執, 尤其旅遊區, 本身租貴加埋無客, 但失業暫時還好, 主要係班導遊同的士佬叫曬求命, 反而好多人放無薪假或者八折出糧。賭場就大把水啦, 無客至少都可以頂多兩年, 政府都係, 之前好景都叫儲埋有成千億慢慢搣。
3. 巿民情緒: 今次政府叫做得OK(唔洗吹棒, 只係做咗本份, 係香港做得特別差
), 所以無爆發, 成百幾日無新增, 除咗戴罩, 啲人基本上都如常生活。不過澳門真係撚多弱智, 班廢佬就唔講, 基本上九成都係大中華愛國膠, 但連班後生都好撚鍾意大陸嘢, 唔講用微信呢啲, 可能工作需要, 係連抖陰、小紅書(聽到個名打冷震
)都好多人用, 又鍾意返大陸吃喝玩樂, 之前開返關俾人出去, 啲人個個仆出去食酸菜魚打邊爐......
其實真係好諷刺, 呢排ge 澳門先叫可以好好生活, 唔洗周圍迫, 截到的士, 食嘢又平返, 但好老實講, 澳門太細, 又無深水港, 除咗發展賭, 乜鳩都無, 所以無遊客又係死...