做左10年室內設計，你問我答 (2)

還好啦我d客都算好客
不如最好玩都喺做酒店同示範單位

有好客真係要好好珍惜

居屋想451呎兩房間三房
牆身天花剷底 做防潮油 批灰 再油面油
廁所廚房 執位重做
但唔做其他傢私 自己另買
會唔會黑面

梗係唔會啦，講真你全屋傢俬最多咪做八萬蚊
佢做你其他嘢都差唔多20啦
如果係簡單裝修嘅話呢，真係建議搵裝修師傅唔好下下都覺得要搵間設計公司幫你跟進，因為個價錢一定貴

希望d客會介紹下一個客俾我

好既 唔該巴打先
Btw 因為我廚房改L字灶台 連上下櫃
廁所改開門見廁 裝修師傅識點改？

1: 邊度可以搵免費室內設計？

2: 一個普通設計圖搵人設計大約幾錢度？

3: 想自己設計，要點做？有無速成教學？

4: 黎緊2021，興d咩風格設計，有無demo睇下？

5: 你認為最經典或者最好既室內設計係點？適合香港戶型既，有無demo示範下？

6: 你會唔會免費幫人設計下，當儲經驗之類？

7: 室內設計好唔好撈？肺炎好唔好生意？

8: 由開始到有圖，一般要幾耐先有

9: 有無室內設計，裝修完其實分別大唔大？

1，世界上無免費午餐，你要免費既就一喺搵個朋友幫你

2，全屋既話好多時都係講尺數去定個價錢，有d人40蚊尺，有d30蚊尺，個個都唔同

3，唔好成日諗走捷徑，世界上冇一啲野係真係速成
如果想學室內設計嘅話呢 就可以試吓用下一啲3D嘅軟件，普遍呢適合一般人用嘅都可以試吓用sketch up，再唔係其實iPad都有好多3D繪圖嘅Apps，玩吓嗰啲Apps都可以學到唔小野

4，其實設計係一個大潮流永遠都唔會有邊啲嘢時興或者唔興，加上普遍我自己一般都好憎跟隨而家興啲乜嘢去做設計，做室內設計唔係講要追個潮流，是興啲乜嘢，而係要做適合戶主適合客人度身訂造屬於佢嘅風格

5，最經典嘅室內設計我就冇乜特別印象啦，但係講到經典設計呢，其實我會好多時參考一啲建築師，例如：Bauhaus，Gaudí，le corbusier

6，以前後生都會既，依加要搵食就好少啦
但其實一路以嚟都有好多巴打問我意見，同埋問我點做，咁我其實都有時間都會去解答佢哋所有問題嘅

7，室內設計你有客咪好囉，又或者你係大公司其實都同一個正常買嘢唔係話好大出入嘅咋

8，快嘅話其實一個星期左右已經已經可以睇到好多嘢㗎啦

9，咁你得個幾萬蚊話要做室內設計度裝修咁嗰啲就真係做完同冇做冇分別啦，其實大部份做完之後都真係完全唔同晒㗎啦

緊係識啦咁簡單野
你咪喺師父面前問佢識唔識咁做添啊，佢一句轟落黎屌柒你啊，睇小佢

收倒 唔該哂巴打

如果你裝修期間有咩問題隨時TG我啦
我得閒就會答你地㗎啦

其實我係連全屋一齊爆,但唔知有冇公司會攪埋
冇就搵判頭攪

有就一定有，但搵得設計公司就唔會平

個大門同門框點先可以整木皮？

正常去門舖訂就已經喺木皮門嚟㗎啦喎
除非你特別例子，如果唔係嘅話一般去門舖訂都已經係木皮㗎啦
定係你想講其他嘢啊

我係居屋個啲大門（我都唔知佢咩料），想要木皮又唔想成個換

眼鏡房想改門對門有冇問題

另外大門走廊得一道門左右闊應該點整鞋櫃

正常居屋嘅大門都係防火膠板又或者焗油嚟
你想轉木皮嘅話其實基本上都一定要成道門換過㗎啦，再唔係有另一個方法嘅但係個成本真係好貴
就係做一個鋁金屬版嘅木架門套，套落道門度，但係咁樣嘅做法絕對唔建議因為真係好貴
如果出邊買一道大門大概四千零蚊左右

想問屋企大門開咗定開右好（入門口計開左即係門柄係右推）
定係睇情況？
假設門邊2部牆一左邊長啲，右邊短啲應該開邊邊？

我都係居屋，大門就叫裝修師傅用返房門同一隻料，買多塊皮，貼入面皮及換埋門扇已經好ok。

Jeng thanks

點睇主力牆？有房門嘅都唔係主力？？

自己有相熟裝修師傅
想搵freelance室內設計師設計及畫圖
請問大約幾錢？

但係呢個方法呢有機會會因為冷縮熱漲或者嗰啲膠水黐得唔好跌落嚟