做左10年室內設計，你問我答 (2)

你講既建議都唔錯
比著我都會咁去改
洗衣機可以放洗手盤側，用頂揭式洗衣機

牆身釘左板先，做直哂牆身
再用木板貼好木皮飾面/防火膠板 ，再釘上牆
天花位打膠做收口就可以

入左行都唔係齋design 咖
有時間sales你都要做埋
不過我都建議你讀下室內設計，對你做裝修都好有幫助
你會了解到個D結構性

sorry咁多位巴打，我覆得好慢
前排因為情緒病困擾問題，有一陣時間都冇回覆過你地既問題
依加開始會慢慢正常回覆大家

想問你有無做過廁所tadelakt plaster？同埋知唔知香港多唔多人識做？

take care巴打

tadelakt plaster 你既意思係水泥牆身?
水泥牆身廁所客黎冇做過，以前自己公司個廁所就係咁做
識做就都多師傅識做既，但肯唔肯做就另一回事

呢行其實係咪好忙
個老細不停接job咪不斷叫個designer跟

想問下廚房枱做無縫石除左corian之外 仲有咩揀
brilliant 呢隻牌子ok嗎

想問點先為止一個好嘅設計？
錢同美觀同實用又會點平衡？

師傅你好
想問吓啦如果屋企做一個地台(下面可以攞放野)
想問吓大概幾多錢
想整七尺長六尺闊
同埋買嘅時候有啲咩要注意

香港地方細係事實，又要空間大，會規限設計條件，嗰啲升高地台放什物，燈槽都係不實際，唔肯花太多嘅錢又不一定，主要係設計及裝修食水深又口碑不太好，手工藝的質量無保証，由於零和遊戲嘅玩法，不會提供靚嘢，好似toto 嘅防油磚和尿兜磚、溫泉磚及高消費廁所和廚房配件，不少用家至愛

忙就一定咖喇，不過重點唔係忙，係煩!!!
個老細不停接job我就fatfat喇，有佣抽咖嘛

一般都用corian，仲有隻靚D貴D既就technistone

因為我公司有自己用開既廠，所以一般我都自己做
邊間好我就唔敢講，但邊間唔好我就敢
千奇唔撚好去CENTRO!!!!!!
d野差到不得了

以人為本，要站係用家既角度去諗
每一個人都有唔同既習慣，你要去好好了解個客既特性同生活習慣先去幫佢設計
另外就係好既設計唔一定入到所有人既眼，因為基本上每一個設計都係度身訂造
錢同美觀同實用對我黎講....
我唔撚理錢既唔會蝕入肉既話我都會靚行先
實用就好似岩岩咁講，了解個客既特性同生活習慣就可以做到方便佢既設計

冇錯地方細規限設計條件呢點係好真
好多客都升高地台儲物儲物儲物儲物儲物儲物
做到成屋櫃點會美觀，可能有人得，係我廢做唔到
就好似一幅畫咁，你畫滿哂會覺得好花，一定要有適當既留白先可以突出畫既美
我覺得燈槽好睇個環境而去定案做唔做，冇野係不設實際既
係做得合唔合理，而唔係為做而做
食水深就見人見智喇，好多時你既價錢同出黎既效果都成正比
有好多野都係手工野黎，你比得蔗渣價錢但要燒鵝味道鵝味道
咁點叫到師父去做呢?
但呢行都真係既，有好多設計師有少少名就開到貴一貴，但做既野根本就好平，每行總有呢D人
我成日都同問野既巴打講你搵得設計公司就一定貴過你搵師父
因為設計師要幫你去解決問題，減少你既煩惱，塙你去做好哂所有既準備
你只係揀A定B就可以，可以話係用錢買時間
你自己去搵師父做冇錯會平好多，但你又可唔可以去解決到師父既問題呢?仲要自己去買野俾師父
所以每行都有仆街，但同時都有佢既意義

香港業主大部份啲品味及要求不高，可能是樓價支出已經令佢哋無條件去要求，就算好有錢人都不捨得花巨額裝修設計費，呢啲係華人基因，買樓會增值，裝修費屬於浪費，而我睇法係享受，尤其佢哋不懂採光或補光嘅效果，通風對流等缺乏設計與人的融合、約略統計，香港住宅的每呎的設計和裝修的成本，是世界前列，唔知你同意否

一般黎講傢俬尾數係送到上門就比定裝完先比？

老實講好睇咩人既
如果個個都係你所講既華人基因咁我就唔會有客喇
好多人都一心儲錢買樓，忽略左裝修呢part，其實只可以講佢地自己準備不足
另外你所講既每呎的設計和裝修的成本係世界前列
呢個我就唔太同意喇，設計裝修有平有貴你去到咩地方都一樣
你倒不如話香港咩都貴就真

裝完先比
仲要係裝完2個星期後先好比
因為你實有野要執手尾

香港單位每年入伙嘅公、居屋都係中低層嘅人，佢哋市場好大，我舊同事嗰仔做咗10幾年傢俬裝修，只有2-3間舖做生意，有物業幾個及孩子都到外國讀書，也准備移民，呢啲世界仔，利潤幾好你知我知，到外國人好多自己裝修，監管制度比較完善

樓主係做大樓跟arch？