有冇人覺得台語好得意

好難聽

我理解係溝通到。 係唔係一樣就唔肯定。

閔南話=台語好似係

啲台灣人好得意，同老個啲傾計會台語國語一齊用

恁攏了嘎我會掩崁我的嫩假

依家台語主要係漳泉濫(漳州音溝泉州音) 同廈門嘅閩南話好似

宜蘭地區就會偏漳音而中北部沿岸例如鹿港就會偏泉音

都係閩南語嘅一種 只係隨住年代變化兩地嘅讀音有所不同

台灣受過日本統治 台語會引用一啲日語借詞 福建嘅閩南話受普通話影響多啲

福建唔係只有閩南話 叫閩南話做福建話係南洋華人約定俗成嘅叫法

閩語係脫胎自上古同中古漢語
讀音句法早就自成一格 所以福建嘅語言喺唐宋就已經同中原唔同 唐宋以後嘅讀書人為咗去學中原音韻 就模仿當時官話標準讀音發明出文讀 去區別日常生活講嘢嘅白讀音 所以變咗日常交流同讀詩詞/文章會用兩套截然不同嘅讀音 由於閩南地理位置比其他閩語封閉 所以可以同時保留文白二讀兩套系統

至於粵客基本上係同源 係由中古漢語演變出嚟 所以冇必要發明一套新系統嘅文讀方法 所以訓讀同白讀相差唔大

受教
換言之閩南話比起粵客更存古？

閩語來源自上古漢語係其中一派嘅講法 諸如Jerry Lee Norman 王力等人認為閩語係源自古代吳語(百越語同上古漢語作底層) 再經過時間演變而成

但如果要講邊種漢語存古 就要用比較語言學去睇 例如聲母 韻母 聲調 發音方法 用詞等等 而且語言會演變同融合

例如普通話已經冇咗嘅入聲字 (p,t,k 收尾嘅音) 粵語同客語保存得比較好 部分入聲字喺閩南語白讀音入面變咗做輕聲收音(h 收尾)
例如石(閩: tsioh/粵: sek/客:sag)
活(閩: uah/粵:wut /客: fad)
血(閩: hueh/粵:hyut/客: hiad)

你本身識唔識得講客家話？
自己都想學，唔知有咩門路

台語歌
去博客來搵吓，都幾多台語教材

客家話唔似粵語同閩南咁有統一腔調
每個地方嘅客家話都唔同 影響力同分布最多嘅係惠陽腔同梅縣腔 當然仲有其他口音

惠陽腔: 香港本地客家人/深圳/惠州/馬來西亞(特別喺沙巴)/中南美洲(主要蘇里南/牙買加)
梅縣腔: 台灣(四縣腔)/印尼/泰國/馬來西亞/印度

惠陽客家似粵語 學上嚟比較簡單 詞語同圍頭話/廣州話更加似
梅縣客家對粵語為母語嘅人聽落去似係粵語+普通話嘅感覺 部分詞語同閩南話一樣 但整體都係接近粵語

主要係睇你學習嘅目的 如果同番本地客家人溝通 就係惠陽腔最好 想同台灣客家人溝通就梅縣腔好啲 不過只要識其中一種口音 聽得多嘅話自然明白另一種

我好少見市面上有規範嘅客家話教學(除咗台灣學校) 如果識少少語言學規律 可以用粵語對應番客家話嘅讀音 至於讀音嘅話 係有網上字典可以查 除此之外台灣係有客家話電視台 會有少少資源同教學咁

想系統化咁學嘅話 台灣一啲本土電視台例如台視/民視會有台語教室 網上都有唔少片係教人點發音

如果覺得咁學太悶 可以聽歌或者睇台灣嘅鄉土劇(如果你頂得順

自膠咗
定你問緊台語點學

問客家
台語都學得6、7成
客家完全唔知點入手

C打本身讀linguistic or 中文？