[26]分享--沙駕強制試當日流程

請問ching自己練咗幾多個鐘 我上完abc堂覺得自己廢到仆街 停車永遠落埋右腳 轉彎又轉唔撚掂 懷疑自己智障唔應該考

正常就上曬abc中間仲有一個禮拜鬆啲既話
就搵日租兩粒鐘練考場 沙駕一定要練考場 因為佢起步至轉第一個彎前都係暗斜 其實係難

考之前就再租一粒鐘 正常都可以兜到三轉考場 順便比自己感受下個氣氛 等自己進入狀態冇咁緊張

考試前唔建議租太耐來練 因為新手一定緊張 對手啲肌肉會一路繃緊 操太耐考試會手軟

同埋沙駕強制有樣好緊要既係 你一定要決定好轉波時機
有啲人中意第一隻彎前 即係起完步就上二 我自己就轉完先上二

但有兩個問題 如果你起步上二 因為佢暗斜 入彎有機會比唔夠油死火
而如果你轉完彎先上二 尤其轉右彎果陣 對你右手油門控制要求相對高左 因為你一波過彎如果你冇定油 郁到油門 架車會好敏感而有機會失控 但相對地一波定油上斜入彎冇咁易死火

轉彎就個人重心向彎心側呢啲大路野就唔多講啦
最緊要定油 放鬆 起步可以嘗試扭多些少油門 左手唔好放咁急

只能夠提咁多

漏咗 每次收停架車時溫柔啲 動作早啲做 右腳輕輕印停架車再輕輕乸前brake同時伸定左腳出來 一停就踏地 個人再向左靠少少

記熟啲動作 消化下 記住每個位就做啲咩
自問唔係咩天才既話就唔好諗住依賴自己臨場搞得掂

你都錯唔晒，真係有唔同。

不過練多啲又真係幫到件事。因為架架車都有少少唔同。若果撚過好多部車，就總會拎到個感覺離合器同油門要點配合。

又或者咁，下次醒啲，試車果陣覺得唔掂，即刻要求換車。

祝你下次順利合格。

我晌練車排隊果陣，問過啲同學們，有啲三四堂、有啲六七堂。

考果陣有個考自動波羊嘅同學，話啱啱上星期上完強制，今個星期就考，練咗兩堂。結果轉第一個彎就炒雪糕筒。肥咗。

所以如果自已資質差，就買佢果個咩 6+1 補鐘，其實應該啱用。同埋真係要早啲開始練，唔好預得太抆水，壓力太大亦會影響你嘅吸收能力。

上ABC 前有咩可以做定/注意?

好有用。
我都係起步之後轉完第一個彎，落緊暗斜先轉二波。雖然會被剔「未能選用適當波段」，但起碼唔會死火/跌車，跟手肥埋。

你係女仔？

唔自爆，一陣答咗你唔係，我驚太多女仰慕，我應付唔黎。。。

咁依家多唔多女仔學26

十個入面大約有三個。不過有啲同男朋友一齊學。跌車男朋友會幫佢執。

三個入面可能有一個考羊。

我好柒，無咩準備。淨係預備咗私家頭盔同手套。

心態好重要
知道自己資質去選擇學咩嘢
b堂有啲同學已經可以片平地8字
有啲揸車都要有人係後面扶

依家唔得唔好自卑唔好放棄

講啲勵志嘢先
有人考左4年都未拎到個牌。仲keep住去考

好勵志咩

唔勵志咩
你要幾大既勇氣先可以面對啲導師
認得出你係唔知第十幾次fail

好勵志啊！如果係我可能隔多幾年先考。沖淡吓。。。

試都未考，我點都會努力咗先嘅。

半途而棄唔係我作風。

多謝ching鼓勵。

唔少女仔學都有男友係場邊睇住

我諗都係一個拍拖活動黎嘅。。。

多謝ching咁詳細解答！ 呢幾日練完已經有好大進步！
由半桶水都稱唔上 到宜家有望pass