首先，噴漆字原理係要𠝹穿塊板（eg.圖入面塊膠片）放塊板係你想噴嘅位再噴，塊板會遮住咁唔駛上色嘅位，啲窿就係你噴嘅字
以英文為例，如果唔係stencil字嘅話，可以想像到𠝹穿完塊板，所有有窿嘅字母，例如 A B D O P Q R 字都會跌晒啲窿位，噴完就變實心
細楷abdegopq 都係
Stencil 字型就係為呢個目的而做嘅，例如O字變成 ()，將隻字自己本身個窿同塊板連返埋駁返埋
再望下中文：
金字嘅人、興字個底、招字嘅刀同口、牌字嘅片同卑全部都偷偷地斷開咗，即係佢塊板上面以上所講嘅全部都加咗駁位
（題外話，呢間金興招牌前幾年都做過訪問，大家有興趣都可以去幫襯吓）
除咗噴油外，有時街上面啲燈箱嘅字都係用同一手法處理
（除咗啲字之外，佢個方形框都斷開咗，唔係會成塊甩出黎
但遠睇唔覺～）Stencil字本身可以由平時啲字型自己加工嘅，但邊個位加、駁位要幾粗呢啲野其實都幾麻煩，要做得自然好考功夫，再講多次呢幅圖嘅香字：
禾嘅撇捺好自然咁拆開咗，除咗望落靚啲，仲減輕咗中間太多筆劃重疊，噴完可能會積太多墨睇落好似化開晒嘅問題；日字淨係拆開第一筆，其他位連埋，順應返平時嘅書法寫法，又唔會太散修修
宜家李漢港楷就係達成$125萬後，本身做招牌嘅師傅會整埋成套7千幾隻中文書法字嘅stencil 版本
(好似講得太長，希望解釋得到，sorry for 1999)
即係話stencil板本身做出來就要用來避免做牌匾時字型因要重新組裝而令隻字走樣，一塊過就唔會有呢個問題。可唔可以咁講？
