自從武漢肺炎爆發之後出街少左悶悶地開始玩Tinder,初頭同好多人一樣都係Match 到Sales同倫敦金之類嘅奇怪人。但係玩咗兩個月左右開始漸漸了解到交友軟件係乜嘢玩法,去到後期都約到唔少人有過幾段美好回憶。我留意到比較多人出Post分享自己嘅感受, 比較少由從技術層面討論Tinder 。
我係Apps已識到女朋友而家已經冇玩,但今日同朋友傾開Tinder發覺好多人同我初頭遇到嘅問題一模一樣。我唔係靚仔亦冇六舊,希望可以分享我自己嘅經驗等大家行少啲冤枉路。附上之舊AC截圖。
隨着文化改變,其實交友Apps已經非常普及,喺美國甚至已經成為最主要認識伴侶嘅途徑,下面呢張圖說明左識伴侶方法嘅趨勢,交友軟件嘅使用將會喺非常重要嘅技能,如果大家想有策略性地掌握呢項技能,非常歡迎喺度交流。
喺掌握任何技能之前,我哋都必須要知道究竟自己做緊乜嘢。所以係討論Tinder技能之前我哋都必須要知道Tinder究竟係乜嘢,例如佢吸引用戶嘅策略同程式玩法。
Tinder的策略:
Tinder嘅策略係以吸引女性用戶群為主,只要女仔用得爽肯留低自然就會吸到男仔, 同Club嘅經營模式非常相似。如果係女仔用Apps係非常之容易達到99+ like, 超級容易match, 感受到全世界都好似好鍾意你咁。只要你接受到呢一個定位,幫佢去服務佢嘅目標客戶群,作為回報Tinder就會俾返啲好嘢你作為回報,希望你都留低可以繼續服務佢嘅客戶群。而果樣好嘢叫ELO Score。
Tinder嘅玩法:
Tinder嘅玩法大概同打Ranking 係差唔多。相同Ranking嘅用戶先會互相見到大家,例如打Ranking青銅係唔match到鑽石(其實我冇打機我估係咁)。所以Ranking 唔夠點都唔會match到好女仔。
啱啱玩嘅時候大家都會處於中等 ELO Score。呢個時候會好容易Match到人,但可能係因為對方唔係好合眼緣又或者唔識點樣表達所以新用戶唔太主動同人講嘢,係呢個時候因為match咗唔講嘢,女性用戶感到不爽,所以Tinder 會扣ELO Score。
當ELO Score 低左, Ranking 自然降低。之後match到嘅都係奇怪嘅人,倫敦金,大陸人,美容sales 應有盡有。嚟個時候玩到好灰唔想講嘢,結果ranking進一步降低,去到一個位幾日都冇一個match。但其實唔係你條件嘅問題,問題在於你ranking 太低,高ranking 的用家係永遠唔會見到你。
相信睇到呢度ELO Score 嘅重要性大家都明白,所以如果要match到好女仔。提升ELO Score 打Ranking係最重要。當然show外在條件絕對係一個最直接嘅方法,但如果好似我咁只係一個普通人,獻醜不如藏拙。
之前提及提升ELO Score嘅另一個方法, 就係要令到目標用戶群用得開心,用得爽。點樣做到?就係為自己嘅match負責!Match咗就唔該講嘢,起碼都傾番幾句當俾大家個機會,至於點樣令到人哋會回覆就交比大家討論。因此亂槍打鳥並非上策,因為大家都唔想花時間係唔鍾意嘅人上邊。係鍾意嘅先好like,少做少錯唔做唔錯,為自己嘅match負責。久而久之你嘅Ranking慢慢上升, 你睇到嘅Tinder自此不一樣。
未試過喺呢度打咁多嘢希幫到大家,鍾意嘅俾個like。歡迎討論。