【末日生活】《病港ＩＩ》（６）

1001 回覆

879 Like 7 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

墨說 2020-07-11 00:28:46

「都係一、兩個零月前嗰個女仔好睇啲。」附近的貴婦談論到。

「前個星期，有個男仔都幾好打啊。」

「感謝各位來賓收看，下場賽事將會喺一個小時候後舉行！」女司儀宣佈後，觀眾席的貴賓一個個離座。

我見可能知道牧師下落的蒙其薩德，都返回到出場的大門後，便下意識地想追過去，卻被競技場上盜賊發現。

「喂！企喺到。」

「......」我站在原地。

「想去邊啊，出口唔喺嗰到。」盜賊們很嚴謹。

「想搵佢簽名......」我回答。

「競技場無簽名宜種事，你以為有錢就可以亂走亂行啊城市豬！？」盜賊極其憤怒，眼神像要把我宰了一樣：「你、你哋不過係隻......」

「喂～雷威，又唔好對我哋嘅支持者咁無禮貌～」蒙其薩德可能聽到吵鬧聲，於是從門內折返了：「宜位客人想搵我簽名？當然可以，我係競技場之王，點可以少少要求，都滿足唔到一位小粉絲......」

蒙其薩德龐大的身軀，慢慢來到我面前，並向橋上的同伴張手：「拎枝「筆」俾我。」他刻意在筆字上，加重了讀音。

「噹」上面的盜賊掉了把小刀下來。

「客人......」蒙其薩德握起小刀，指住我全身上下每一個位置：「你想要我簽喺咩位置？」

「如果係喺皮肉上，就唔需要。」抱手的我，答。

「咁真係可惜嘍～銘落你身體上，先夠刻骨銘心。」蒙其薩德掉下小刀，轉身離去。

可能事情不會太順利。

轉另一個方法問好了。

在蒙其薩德背影沒入門後，我都拂袖而去。

「嘿，佢喺面具下面肯定嚇到唔識反應......」橋上的盜賊輕笑。

「呢啲城市豬，唔值得提～就算薩德佢唔係我哋自己人，我都好尊重佢，至少佢係真真實實咁殺人，搶奪佢需要嘅一切，如果唔係大河孝落咗規定，我真係好想殺死呢班城市豬......」其他盜賊回應。

「點解大河孝同馬谷川佬大，要將我哋寬恕營整做一個咁嘅地方，去服侍夕鯨國班天環人？我真係諗唔明，佢哋以前劫獄都直至衝入倖存區，幾勇！」

墨說 2020-07-11 00:29:03

「唔知呢，由唔知幾時開始，佢兩個好似唔再在意酒同女人。」

看完一場單方面的虐殺賽後，我還得在堡壘裡逛逛，一方面希望再遇到那位蒙其薩德，另一方面則是暗暗記熟地型，方便隨時逃脫。

除了剛才的競技場外，這裡還有很多不堪一提的事。

我在堡壘一間酷似岩洞的酒吧，點了杯酒，去跟酒保混熟，順便了解下這裡的情況，得知到寬恕營的事情。

基本上，地下世界不能見光的事，都能在這個堡壘找到。

你想體驗殺人的滋味，有。

你想體驗人肉的味道，有。

你想拍賣人類的自由，有。

聽說被拐帶入寬恕營的，多半是夕鯨國的少年少女，一些被黑工騙過來、一些在外面被強行拐帶、一些被父母賣上來，總言之，每個月就會有十多名少男少女，被帶到這座高山上。

他們平均壽命，就只有三個月。

「你識得蒙其......」我全名未說完，酒保已經自動答上。

「薩德？當然識，佢係寬恕營嘅「競技場之王」，算係我哋嘅常客之一，不過客人你係城市嚟？唔建議你同佢行得近。」酒保帶笑提醒。

這位酒保先生是盜賊的一伙，但相對他的同伴，就好脾氣得多。

「佢似生人勿近咁。」我說。

「佢個人頭值咁多籽，警覺性當然高，要同佢做朋友？除非你都係大惡人，呵。」他擦擦杯子。

墨說 2020-07-11 00:29:20

唔係咁易的