冇BNO既大家 ， 智利都可能係一個出路

自我介紹下，我係智利生活左10年既香港人，本身呢度係好少好少香港人，我都想呢邊會有多一d香港人


雖然而家智利因為疫情太嚴重而封左國，亦進行緊全國隔離，經濟亦都受到重創，包括我既生意，但呢兩日開始確診數字有所下降，希望係不久將來國家會解封


我地擁有既特區護照，可以免簽證入境90日，然後可以網上續期多90日， 係呢一段時間內你地可以決定日後既去留，以下係比較可行申請居留既方法，擁有5年既長期居留就可以申請入藉


1.勞工合約居留
當你係呢段時間係當地搵到工，而同僱員傾好佢會同你簽一個兩年既勞工合約，你就可以申請2年既勞工合約居留，當然你要為佢工作兩年，兩年後就可以申請長期居留，長居到手後就無限制你係當地既活動，一般權利相等於智利係

智利唔係李連杰個老婆咩??

2.投資或創業移民

我當初就係用呢一種方法申請居留，你要提供一個創業計劃，資金既來源證明，亦無限制最少創業資金，當初我申報3萬美金，亦可以直接買入當地公司股權，呢種簽證會有一年既臨時居留，一年後就可以直接申請長居

師兄教路點樣學Espanyol 最快

3.退休或者有被動收入（例如收租或公司分紅，股息等等）
呢一種我係兩年前睇就只要你有大約60萬hkd,或被動收入10000hkd,就可以申請，一樣係一年既臨時居留，之後再申請長居

智利響南美黎講應該係算比較發達

係當地生活，全西文環境

巴打當初係個邊創業?
我上年都有睇過
不過唔肯定個流程應該要點做

智利JJ巴打

咁唔係所有人都可以喺全外語環境就自自然然講到嘢嘅
想睇下平時喺嗰度點練口音同語法咁解

呢個係香港有被動收入都得？呢個scheme對智利有咩so

例子：例如你要開一間鋪，當你賣雞蛋仔，我地搵會計師行或者律師事務所，我有相熟，可以用中文，幫手成立一間公司，再去稅局開一個稅號，另外需要你既資金證明，你可以將錢用西聯轉到當地，提款既收據亦可以當做資金證明，同埋一份創業計劃書，例如講將會係市中心開一間雞蛋仔店賣香港小食，會用30資金 ，到時會請4-5個員工等等，律師行會將會翻譯做西文，連同居留既表格寄入去移民局

嗰個你有陰毛嘅係利智

有幾多人肯去呢D 地方
多餘
咪死死氣留係香港

因為佢問點樣最快呀嘛

智利用英文溝通ok？

你係當地生活就會有消費，有消費政府就自然有稅收，而唔係個政府倒貼你

智利有冇話雙重國籍既問題

純粹係覺得身為香港人點都要做番一d野，比大家多一d參考，選擇

可以雙重國籍

60萬就得? 咁我去退休算. 留係智利好過去旅行.

智利西班牙話口音超重
不過消費真係低，去住一排再考慮都未遲

會唔會歧視華人歧視得好嚴重?

其實我覺得絕大部份人都有善，你點對人人點對你咁