斬件東京鳩遊2019

因為呢排無乜野做，又無得去旅行，係屋企執執下相，就決定出呢個遊記啦。
話說上年都去左三次東京，但係行既地方都比較普通都無乜特別，所以當時無出遊記。 咁就襯住呢次機會，將三次去東京既精華一次寫出黎。

同時都好歡迎各巴絲打都share下自己上年去東京玩過又覺得正既野。

最後，希望武肺快啲過。大家可以再出去行下透下氣。

三次個行程大約係咁。好多日都係鳩行。

三月：
D1 淺草雷門>上野>秋葉源
D2 箱根 > 大沖谷
D3 河口湖
D4 河口湖 > 新宿
D5 豊洲市場 > 台場 > Pkm cafe
D6 明治神宮
D7 柴又
D8 返香港

十月：
D1 沖繩
D2 東京成田> 日本橋PKM center
D3 新宿 > 池袋 > 東京鐵塔
D4 原宿 > 明治神宮 > 秋葉源
D5 築地場外 > 鴨川
D6 鴨川 > 東京 > 上野 > 渋谷
D7 下田 > 新宿
D8 上野 > 返香港

一月：
D1 東京地鐵博物館 > 渋谷新PKM center > 池袋PKM center > 巣鴨>浅草上野
D2 高尾山>渋谷>新宿
D3 上野>返香港



廣告：
宮古島遊記
https://lihkg.com/thread/1567658/page/1
東京遊記二
https://lihkg.com/thread/845932/page/1
東京遊記一
https://lihkg.com/thread/732827/page/1?post=1

《三月櫻花初開》

上年三月尾，因為同時兩位朋友都無野做，所以決定一齊去東京走一轉。
今次坐既係UO32傍晚飛羽田機場，今次坐得比較後。好驚出唔切唔去坐尾班火車。
今次order兩個餐，咩味已經無曬印象。賣相就麻麻啦。
呢個係麻辣雞飯，淨係食到咸同速。

不過不失，正正常常既飯盒味焗豬。

睇黎jetstream仲係好勁，早左land。落機慢慢行都仲有車。

夏天坐呢班真係趕過狗。

我地三個人住就住係秋葉源一間hostel，一間房六張床。我一book就book左一間。
然後一個人一張床，但係toilet要同人地share。我個人就覺得無所謂既。

相就無影啦，但係間野就叫《Akihabara Hotel 3000》。
有興趣可以上網搵下。

因為兩個朋友未黎過東京，所以一起身就去左淺草，然後決定行去Skytree。
距離就唔係好遠，大約10到15分鐘左右。


中間會經過asics cafe，下面有野食，上面好似係做運動既。


去到skytree，循例行下pokemon center就走了。


跟住就去左上野恩賜公園，睇下D櫻花開左未。
因為就其中一個朋友既假期，所以比預定開花日子早一個星期。

結果係......





無野睇既。
公園已經set好曬比人賞花，但係花路上既花，只有一、兩棵開左.....





跟住條路行左去不忍池，係係公園入面既一個池塘。上面有坐寺咁既野叫弁天堂。
今日唔知有咩搞，有好似祭典咁既野。
買左兩條肉串食，好油。一啖食口都係油。

真係唔知有咩做，結果比左好似500円去左後面，撐船仔。



以為個池好細，半個鐘咩都撐完。點知過左15分鐘都未撐到一半。
同場，仲有好多情侶。如果1 pair 黎玩應該幾浪漫。

臨走返老秋果時兜左去正門望下，門口呢兩棵就開得好靚。


呢兩棵聽聞二月已經開左

決定前聽一聽
https://youtu.be/y7yRDOLCy4Y

三次都去PKM，巴打似乎好鍾意PKM

每次去日本都會去
變左指定動作

有冇搭skyliner?

《強羅溫泉》

第二日起身，就慢慢碌入箱根啦。
箱根都係香港同東京人都好鍾意去既地方啦。對佢地黎講呢啲地方，就類似我地既元朗、長洲咁。 箱根最出名就係溫泉同埋可以見到富士山。
但係我係無reseach過就book既

同一個區域有 伊豆，同埋江之島。都係大家好喜愛去既「東京近郊」。

LM

《強羅溫泉》

第二日起身，就慢慢碌入箱根啦。
箱根都係香港同東京人都好鍾意去既地方啦。對佢地黎講呢啲地方，就類似我地既元朗、長洲咁。 箱根最出名就係溫泉同埋可以見到富士山。
但係我係無reseach過就book既

同一個區域有 伊豆，同埋江之島。都係大家好喜愛去既「東京近郊」。


今次我地坐既係小田急，買左張富士箱根周遊券，黎緊呢三日都可以係呢個area到任坐。同時包一程小田急入箱根，同埋河口湖出新宿既。

有性趣既又可以上去佢個網睇下：
https://www.odakyu.jp/tc/passes/fujihakone/

因為排完隊已經10點幾，快快手手就補幾百円坐特急啦。

唔識呢架咩車，應該就係新車掛。


一上車，個friend就係咁叫肚餓。好似有火車便當買。




最後佢叫左兒童餐。


我一啖都無食過，所以就唔知係咩味。
因為日本既火車便當都係凍既，佢就係咁問點解係凍。


過左個幾鐘，就到總站箱根湯本。好似呢到出閘就有一條溫泉街。


因為時間既關係，所以無去到。唔知係唔係假期關係，好多人。登山鐵路企爆曬人。


迫左九個字車，就到左強羅。我地溫泉旅館仲要再上，因為登山纜車好多人排，巴士又無。結果我地拖住個喼上山，行左半個鐘。所以經過今次我就醒左。

去近郊玩short trip記得
1. 唔好拖住喼，寄左係JR既locker或者服務處或者之前一晚既酒店
2. 溫泉旅館通常都有得book/call車由車站車你上去

去到酒店check-in完，放低件行李。我地就上山坐纜車了。去一個叫大涌谷既地方。
呢度都幾多旅行團上黎，基本唔係講國語（台灣人）就係香港人，都仲有一部份既日本人。

係纜車上面，就會見到呢個活火山係咁出煙。而且會聞到好大陣硫磺味。

上到山好大風，差啲吹到我頂帽跌左。


因為封左山，所以無咩地方可以行呢度。


行到最篤，有個小神社。


中間得間賣記念野同野食既鋪頭。500円有5粒溫泉蛋，好好食。而家暖笠笠。


因為太凍又無野睇既關係，我地就趕上尾班車，返去溫泉酒店。
今次住呢間野叫箱根強羅深山，人均無記錯HKD 9XX，包早晚餐。個人覺得幾抵。

房係好大間，好乾淨。


無敵山景


放低野就去左浸溫泉啦。呢間旅館有兩個溫泉，一個室外，一個室內。因為唔比影相既關係就無影相比大家。室外個個有feel多好多。

浸完無耐，仲未食得飯。就返左房入面睇電視。

日式旅館一定有既和菓子。


重點係是日晚餐，廢話唔多講。直接黎圖。





最幾鍾意中間呢個魚壽司，因為佢有醃過，所以有一陣較酸既味道，同時又突顯到魚本身既味道。而且佢魚既質地並不是霉的。



其實我無咩做過reseach，所以唔係太識介紹。希望識既巴打可以幫手補充一下。
飯後溫泉多次，就可以準備瞓了。

最後，旅行小貼士。
1. 唔好拖住喼，寄左係JR既locker或者服務處或者之前一晚既酒店
2. 溫泉旅館通常都有得book/call車由車站車你上去

留名，繼續追

留名

《河口湖與富士山(I)》

第二朝瞓醒，緊係又落去溫泉一下先。然後再去食早餐。早餐都仍然豐富的。唔講咁多，去圖。




條魚真係好好好好好食。到而家都記得好好食。

食飽就要check-out，往富士山方向出發啦。
由於我地又係帶住個喼，所以我地要拖去坐纜車。經過大涌谷，再落到桃源台港轉巴士去御殿場，再轉車入河口湖。我講下都覺得長條路，大約用左兩個半鐘鬆啲。

我再講多一次，大家有呢個近郊plan既。可以先寄放行李係之前或者之後既酒店，又或者放係JR站既locker或者附近既旅客中心。帶兩件衫就出發，成個旅程就會開心好多。

當日既天氣真係好好，坐緊纜車既時候已經見到大大個富士山。
呢個係加左纜車filter纜車既version。

同場加映，火山煙。



因為咁，我地決定停一停大涌谷影一影相。
以下呢個就係晴天version既富士山。


然後我地就黎到桃源台港，佢係火山湖芦ノ湖既一個碼頭。佢有兩隻海盜船可以坐既。係包埋係呢個pass入面，但係我地就無坐到了。



等巴士行giftshop見到呢隻野，好似pokemon入面隻小山豬。

但係屋企太多公仔。所以唔買了

送上箱根area map一張。

其實唔洗睇我張圖咁辛苦，下面有link比你。
https://www.hakonenavi.jp/e_catalog/chinese/book/html5.html#page=39

巴士入御殿場大約半個鐘到，係旅遊巴黎。拎喼就無咩問題。
御殿場有個outlet的，但係我地對佢無咩興趣，就直接等巴士入河口湖啦。出面真係好凍好凍。
坐巴士入河口湖就係普通單層巴士，好彩無乜人。我地就去坐到最後，放好個喼。如果好迫既就真係阻到人。

坐左個半鐘多少少，就到河口湖。

因為今晚都係係度住溫泉旅館，所以都係call車算啦。又拖入去，不了。
車站隔離就有個旅客中心，佢可以幫你打去酒店叫車黎。
今次住既係時悠々楽游，因為我on9無book晚餐，所以無得食。要食自己。

坐低就有杯welcome drink。好似利賓納咁。


間酒店都幾靚，幾新淨。

房就比琴日果間細，一眼就望曬。


房景就係對住河口湖，因為佢係係纜車果面，就唔係對住富士山。呢個係美中不足既地方。


河口湖附近既巴士得三架巴士，紅線，綠線同藍線。
巴士都比較疏同埋早收工，好似五點左右就最後一班，所以真係要plan下去邊。
紅線：河口湖區內。
綠線：就去到西湖。
藍線：就去到本栖湖。

我地去左lawson，買左兩個便當就去返河口湖車站到等巴士。今日會去風穴同冰穴呢個兄弟洞穴。

係呢個公路休息站後面就係風穴。要經過一段森林既路，呢度同時就係出名既自殺森林。

係呢個牌後面就係入口啦。


因為富士山係火山，所以佢附近既土地就會有好多地穴。因為佢係地下下面，所以夏天都會保持清涼。以前啲人就會放食物同冰入去保存新鮮。


行到落去既路都有啲斜。


一到門口就係啱啱講既冰。係真冰黎。

行到最入面就有架，去展示以前啲人點放野食。


風穴就係比較細既一個。咁我地就轉頭去一去冰穴啦，咁由風穴行過去都要大約十分鐘既。見到呢個牌，就可以轉入去。


已經係風穴買左起孖飛，咁黎呢面係唔洗買飛既。


行到過黎結果....



佢收左工。咁就入唔到去睇啦。唯有走出等巴士，今次就唔行啦，就係門口等藍色線。原本巴士話1745到，點知等到1830都仲未有車。天已經開始黑，google下要行兩個鐘。好彩有個鬼佬同我地一齊等。最後1835，就巴士就黎，返到河口湖已經1900。

巴士時刻表，懶人link：
http://bus-tw.fujikyu.co.jp/heritage-tour/detail/id/1/

晚餐，正常咖喱飯。肉好少，份量少。盛惠1000大円。真係好唔抵。係酒店加都係3500。

無啖好食就買枝奶，買啲生果返酒店浸完溫泉食啦。



今次既教訓係記得book定餐。去到近郊地方，未必有啖好食嫁。
早兩年黎，已經無野好食。去aeon買返酒店食。
今次個旅館個溫泉係望住個湖既，風景一流。浸完仲有凍檸水同凍柑水比大家享用。

無人

個人認為風穴同冰穴有d伏 冇咩特別

睇完，富士山未吸引到想去

富士山真係要自駕遊

有睇

《河口湖與富士山 (II)》

入黎河口湖記得一定要玩兩日。理由好簡單，因為通常係會有一日係好天會睇到富士山。

琴日我就好好彩好天，成個山睇到曬。今日就麻麻啦，睇唔到全相。而且一過左朝早九點，就開始烏雲密佈。

起身去左浸溫泉，其實朝早天氣好，風景一流。但係無得影相，所以就無得睇啦。
首先係酒店食個靚早餐先，呢個早餐係酒店包既。

你一入到去，講你叫咩名。佢就會帶你入去坐一個包箱咁，然後好快就會上菜。啲野都仲係暖的。

連續兩餐條魚都係好好食。又無乜骨，好鮮甜，皮又扑扑脆。
然後最特別既就係呢個蛋漿，入面浸住幾舊魚生。應該就係吞拿魚黎諗都唔諗，成碗倒落白飯到食。

好好食呀~~~~

係我地酒店隔離就係天上山纜車。記住呢個pass係唔包坐呢個纜車既，但係一個人都係900円。我覺得好天上既話係抵既。 下面條懶人link包埋其他玩河口湖富士山area既pass option。


～河口湖～ 富士山パノラマロープウェイ
https://www.mtfujiropeway.jp/guide/

都幾多人坐呢架車，同埋睇黎係旅行團（本地既老人團都係）必到景點之一。

上到山上面，有得直望富士山。好天既話應該幾靚。

有個牌，簡單介紹下點上富士山。本身今年話想上，點知。


上到山當然有商業野，賣下手信。幫你影下相，食下野咁呢啲唔少得嫁啦。
呢就唔貴既，可以一試。 同埋有呢隻野，好似係個畫呢隻野既作者係到出世，所以有佢地。而我不知佢地是誰。



行去後面，其實仲可以行上去既。我地行左一段仔，但係路就有啲難行，日久失修咁。所以上左一層山丘就走左了。


行六個鐘，仲要叫你睇路。錯過尾班車就自己行落山啦，多謝。
上左一層山丘咁既野，個富士山又清楚左。係啲咁浪漫既地方，我聽到大家都好熟悉既廣東話。
「，」（內容係屌下屬，話自己去緊旅遊）
原來係佛山人好彩呢度人少少，唔係都幾影響到人。


補返張無中国人既富士山。


係纜車站隔離，有一間cheese cake。前年有幸食過一次，係細佬既生日蛋糕。
味道都係唔差既，但係要做手信有啲難。因為無記錯要係三日內食曬佢。算係河口湖少數好食既野。


之後，我地就行左出去坐綠色線，去一個叫西湖いやしの里根場既地方。
睇紙仔介紹，都係啲文化村咁既野。有啲舊既日本草屋咁。


見到個牌，仲要沿住一條小溪行一段路。黎到之後突然好好天，又望到好靚既富士山。



呢個文化村，除左某啲體驗之外，比左入場費就可以睇曬以下既野。有幾間屋入面，可以睇到唔同類別既手工藝品，都算係幾特別。

利申：唔識欣賞


呢度係入口。

有個食堂，當時我地未肚餓，就無入去試。

村庄係依山而起，中間有條溪。推介黎呢度既巴絲，記得影返多啲靚相先走。

轉下個頭就望到富士山。

車站門口有個小型既攤檔，賣下燒野食咁。正常價錢，無話遊客區特別貴。

巴士到，去下站出發。


如果風穴同冰穴係伏既黎緊呢個景點仲伏。
就係竜宮洞穴 係青木ヶ原樹海中間落車，然後行一段森林路，跟住就會到呢個地方。呢圖就唔post了，佢果度係拎小冊子就有介紹。

落車位就係行山徑既中間位，有個小小既地圖。我地本身有小小想行，但係呢我地連入口係邊都唔知。


行入去龍宮既位置就有條大車路既。都唔算難搵。

去到呢個牌既位有架車拍左係度，心諗咁偏僻既地方都有人黎。

結果有一男一女走左出黎。嚇左嚇。



乜都無，得個窿，仲要唔比入。都唔知黎黎做乜。

結果好快就行返出去等左半個鐘巴士走人。
午餐就食左，自稱名物既ほうとう不動 河口湖駅前店。

我自問就唔太鍾意食烏冬，所以我又唔覺佢有咩特別同好食。所以我係唔推薦呢間野。同行個兩個fd，直頭叫左兩個叉飯食就算。

今次既河口湖之旅

完

個頭啲景點係咁上下。
風冰洞算係有少少特色，但係我又唔覺得值咁貴去睇。

自駕開心好多起碼唔洗等巴士，又可以去遠啲。

睇完都想去

狸貓同兔仔係日本經典童話故事，詳情可google一下「咔嚓咔嚓山」

並唔係因為作者喺河口湖出生，而係文學家太宰治將佢改編為短篇小說時住喺河口湖，同埋將河口湖設定成故事背景

原來係咁

龍宮洞穴之前睇Viu Tv套「富士山朝聖之旅」第二集有介紹過，佢地有行入個洞穴，裏面好凍同埋由入面望出去好好似身處龍口裏面，啲鐘乳石就好似龍牙