LIHKG機械鍵盤集中討論區(29) 新手睇頭post | Year of 65

唔洗勞氣嘅健哥，你入黎放低句活係自己世界係客氣嘅話，咁我話上鐵牌又何嘗唔係只係開個玩笑

不過都要多謝你認同自組理念，畢竟大家都係有唔同嘅需求，先誕生到今時今日百花齊放嘅鍵圈。

香港鍵圈依家只可以話仲係啱啱起步嘅階段，不過希望你唔好用我黎做標準打一船人，因為呢度都有唔少有料嘅巴打，就算喺reddit都會見到佢地嘅蹤影
如果你有追過post，就知道我地屌嘅電莖係氾指以電競為賣點宣傳，實質上對表現並無任何benefit嘅品牌鍵盤，至於你貼出黎果d睇你點定義啦，我就覺得定位會偏向返custom keyboard果邊，畢竟keyboard本來就唔一定要係qwerty先叫keyboard。

如果你想追求極致0 delay，不如真係試下我講嘅handwire

上面太長廢事quote 金剛棒咁

quote返momochi巴打(定係叫返你做健哥好啲?)

但咩軸咩軸岩打機
我個人覺得確實係有呢回事
唔講手感， 淨係行程既長短都有影響

Cherry/Kailh speed軸嘅鍵程的確係比較短(1.1-1.2mm)
對比起其他mx style switch嘅1.5-2mm嚟講 如果你彈弓嘅重量係一樣,理論上你觸發係會比人快. 但係都會有drawback-就係你誤觸嘅機率大咗, 鍵程短+彈弓輕嘅drawback就係你唔小心手指掃一掃都會actuate咗
我同意鍵程會對遊戲體驗有影響,但係並唔係鍵程越短就代表越好


當然你玩緊嘅SF同TK好重視任何delay,幾個單位數內嘅delay加埋就可以令你miss咗一個frame. 亦都係我覺得點解你會覺得秋月巴係井底之蛙嘅原因. 重點係:當我地唔係喺local server(/or ping 5< ms)玩緊嘅時候, 幾ms嘅分別係唔係真係咁明顯呢? 玩嘅遊戲類型係唔係真係要去到每一個delay都要整到最低呢?

邊隻軸最適合打機根本就係一個偽命題, 只有最適合"你自己"嘅配置, 各取所需, 機械鍵盤嘅好處就係你基本上全部嘢都可以自己換,嫌粒軸鍵程長短你可以自己換Base/stem,嫌太重/輕可以換彈弓,嫌太沙可以lube,嫌PCB垃圾可以自己畫,個聲唔好聽可以自己調整,keycap唔就手可以自己換第二隻profile.

每個人有唔同嘅需求同喜好,你想追求最極致嘅低延遲可以,聲好聽又可以,手感舒服又可以, 呢個先係我覺得custom最有魅力嘅地方. 當然市面上嘅所謂"電競鍵盤"好多嘅build quality都唔算得上係好,甚至係可以稱為差,但係佢地都有佢地嘅存在意義,有好多人唔想煩就直接買一隻大廠嘅返去用,簡單又舒服.想自己體驗下DIY嘅 就可以用少少時間去整一隻同市面上一樣/更適合自己嘅鍵盤出嚟.

大家入得嚟呢個post嘅當然就係想互相交流,我都相信呢度唔係想gatekeep新手玩家.如果你覺得其他人冇見識過嘅 點解你唔同大家分享下你嘅見解,而係要屌完人就走呢?

btw你上面po個隻K28其實同普通ortholinear 40%冇分別 只係中間多咗個LED matrix 我之前preorder過 拎到手覺得冇咩特別就放咗

首先想講：己所不欲，勿施於人。小弟平心靜氣同師兄你交流，你就惡言相向，請問道理何在呢？

成編得字多

師兄呢句說話真係令人費解，理性討論就係以理服人，但你就嫌字多，莫非你想既係潑婦罵街？如果係咁sorry我做唔到。

多字係因為小弟見師兄願意交流，小弟唔想忽視任何一句師兄講既說話，逐希望可以每個論點都清晰地回應。當然，正如正或所講，如果師兄只係鍾愛潑婦罵街式既對話，小弟就唔奉陪了。

一編野屌晒全部追求Gaming 有問題
喂, 我依家有話叫人買razer 買logitech 咩?
我有叫人買光軸咩?

小弟由上個回覆，到今個回覆都係同一個立場：我側重既係電莖品牌既生態如何搵人笨。請問，呢個主題如何打壓電競活動、如何打壓追求gaming既人呢？

另外，小弟提及到：「好，我當你講我「誤解」係因為我抨擊緊Razer optical switch，咁我地講下呢個～」
此句一處「當」泛指「假設」，師兄無必要因為咁樣而起曬鋼。

自組keybaord 得60% 87key 呢D咩?
咪搞笑啦, 仲話識野, 仲話自己岩

師兄，借問聲，小弟幾時話過自己識野，幾時話過自己岩呢？
希望師兄可以指教，小弟自會反省檢討！

你話行程短, 普通人feel 唔到呀嘛?
咁144hz 240hz普通人又係咪feel 到呀
垃鳩圾, 打飛機就叻

師兄，呢種類比，sorry呢句可能有d重，不過我都要講句：略嫌垃圾。
人地體驗唔體驗到144hz 同 240hz，同正常人體唔體驗到0.05ms既鍵程分別係無關係。
或者講兩者都係一個唔會明確體驗到既差別，但都有人盲目追求。但咁樣唔代表可以solidfy你個stand point，只可以話市面上好多無知既人 / 好多有錢人。

但另邊廂，240hz有儀器確實可以account到佢真偽；當然呢度我就唔詳談，始終離開左我既知識層面，無謂獻醜。講返機械鍵盤，0.05ms實際上係唔係又真係帶到life changing experience俾人呢？根本就不言而喻。

一個Keyboard 要開發之外, 搞生產線, 宣傳, 搵D 垃圾Youtuber 開箱, 代理食水, 鋪頭要租, 戰隊要贊助
認為唔值, 造工差係好合理
但講得唔清唔楚就係一種誤導

師兄，你講緊既全部都唔關鍵盤事，而係marketing fee。
文章都講過，好多錢其實唔係用左落去develop一個好既鍵盤，而係去左落marketing度，marketing個佔比大又重，就代表好？
咁係唔係Beats耳機就係神檯級數既耳機？相信玩開音響既人都答到我呢條問題。
無錯，我地對打字有追求，正因為咁，我地先會執著一件貨既好與壞。如果佢壞，咪照直講，有咩問題？何來歧視之有？

如果呢個世界個個都唔俾抨擊、批評產品，咁仲叫唔叫自由社會？不如索性一言堂，好似中共咁好唔好呢？

明明幾百蚊可以解決佢個問題, 因為你歧視一件產品
所以佢要洗多千幾2千蚊買D 你認為咁樣先合理既野?

無錯，幾百蚊可以解決到好多野
但我地有無項住枝槍壓住佢個頭度叫佢一定唔好買呢d？
佢都有佢個選擇權，佢聽完都可以去買自己想買既野，咁又哪來的打壓？
再講，幾舊水既貨，我地都有推介，由平至貴，全部都有提及到，唔知師兄又係唔係選擇性失明？

但麻煩搞清楚, 你有你地追求打字手感
其他人亦可以追求打機體驗
每個範疇有佢地自己既專業

咁關個生產商整垃圾keyboard咩事？
確實佢地有佢既好，推廣電競云云，但扼殺唔到佢地就係生產電子垃圾既事實。


師兄，難聽d講句，一直以黎你都只係講緊呢d品牌響電競生態有幾大貢獻，但我地一直講緊個重點係個鍵盤質素。
一個人可以鍾意食屎，但如果佢問有咩好野食推介，我會介紹佢食和牛。

其實你嬲唔緊要，但志在可以理性討論。
每一句說話都針鋒相對，真正唔客氣既人又係邊個呢？

你話我地成班圍爐打飛機，但道理響邊個度，我相信好多入post既人自有定奪。

每次有得交流我都會珍而重之，因為咁樣大家先可以進步。正如我一貫做法，我會羅列你既每一個論點去回應；同樣，我都希望你可以正面回應下我每個論點，促進彼此間既交流同水平。

如果唔係，雖然呢句難聽d，但以你目前作風，有d走住黎屌既風格；真係響一個辯論又好，一個交流入邊都好，顯得弱不禁風，我見猶憐。

你用緊你打字既準則, 去評價一件Gaming 野, 你明未

請問有咩問題？
佢本質就係mechanical keyboard，我從mechanical keyboard hobbyist個角度屌佢垃圾何錯之有？
按照你呢個邏輯，你會唔會入耳機post屌柒所有屌Beats既人捉錯用神？

但你反過來Gaming 野, 你全盤否定人地追求既野
你係咪搞笑?

Sorry我想問下師兄，你幾時做過survey睇人地追求緊既野正正就係呢d marketing terms？個sample size大到可以縮減個standard deviation去到一個acceptable既range既話，我估如果用香港計要至少上百萬？

如果唔係，點解師兄擅自代表所有人呢？

你解釋我聽, 打機唔係追求呢D, 要追求D咩?

同理，你自己追求既野，做咩要套放落其他人身上？
就算我自己既文章，我都講到明作為mechnical keyboard hobbyist既角度去抨擊呢d電子垃圾，你呢？

師兄，我全部都有答，反而係你不斷dodge緊啵
我黎數下你dodge左我幾多問題：

試問，咁小弟到底有幾「活在自己世界」呢？莫非呢班職業選手都係井底之蛙？

小弟由上個回覆，到今個回覆都係同一個立場：我側重既係電莖品牌既生態如何搵人笨。請問，呢個主題如何打壓電競活動、如何打壓追求gaming既人呢？

師兄，借問聲，小弟幾時話過自己識野，幾時話過自己岩呢？
希望師兄可以指教，小弟自會反省檢討！

咁係唔係Beats耳機就係神檯級數既耳機？相信玩開音響既人都答到我呢條問題。
無錯，我地對打字有追求，正因為咁，我地先會執著一件貨既好與壞。如果佢壞，咪照直講，有咩問題？何來歧視之有？

無錯，幾百蚊可以解決到好多野
但我地有無項住枝槍壓住佢個頭度叫佢一定唔好買呢d？
佢都有佢個選擇權，佢聽完都可以去買自己想買既野，咁又哪來的打壓？
再講，幾舊水既貨，我地都有推介，由平至貴，全部都有提及到，唔知師兄又係唔係選擇性失明？

咁關個生產商整垃圾keyboard咩事？
確實佢地有佢既好，推廣電競云云，但扼殺唔到佢地就係生產電子垃圾既事實。

Sorry我想問下師兄，你幾時做過survey睇人地追求緊既野正正就係呢d marketing terms？個sample size大到可以縮減個standard deviation去到一個acceptable既range既話，我估如果用香港計要至少上百萬？

如果唔係，點解師兄擅自代表所有人呢？

同理，你自己追求既野，做咩要套放落其他人身上？

呢度睇，你都迴避好多問題添，咁莫非你都係你口中所恨之入骨既我？

你個口吻好Razer fanboy

人地要搵你笨，十萬個理由，你要衝個頭埋去，我又點會阻你。

我就係reddit r/mechnicalkeyboards 過黎既
點講好呢 ....舉例都舉個好啲既啦
個款K28已經比OSU 玩家屌死左

更加唔好講有啲OSU玩家鍾意用BLUE switch 而唔係相對最電競既Red https://osu.ppy.sh/community/forums/topics/866828

如果係因為我一開始態度唔好令你對呢個圈其他人有偏見，我向你道歉，對唔住我衝動左，無去了解你講緊嘅議題就亂咁up，呢樣係我問題對唔住

不過唔好亂打稻草人，我地依家唔係屌哂所有廠board，而係華而不實嘅電莖鍵盤
何況我地都有推薦唔同budget嘅鍵盤，同樣價位你會揀filco leopold定係corsair/razer?

賺錢還賺錢，整舊垃圾出黎還整舊垃圾出黎，兩回事。請問我作為消費者，點解我買樣野要考慮埋開鋪經營營銷開支呢?

同樣道理，你主打gaming無問題，整到個PCB好用無問題，有多媒體鍵更加好。
但唔代表佢係一隻好嘅機械鍵盤。
垃圾軸，垃圾keycaps，垃圾stabilizer，垃圾build quality，屎一般嘅aftermarket layout support，更加唔好講成日壞軸壞燈嘅垃圾qc，呢D都係電莖鍵盤存在嘅問題

點解有電競feature就一定要焗住用隻手感垃圾嘅鍵盤?

而你中意返嘅reddit，不嬲都係屌電莖鍵盤屌得最犀利嘅地方
但razer自己都知自己鍵盤不足，之前都有去r/mechanicalkeyboard度問人有咩改進空間，都承諾會以機械鍵盤角度去改善自己嘅品質同埋設計

P.S.軸體係preference，無話快一定等於好。其他人對gaming嘅追求都係追求黎。