回顧過去三年，輸左一萬美金，唉

睇咗你所有回覆，覺得你而家心態暫時唔適合炒期貨，建議你修心養性再出發，加油

因為哩d平台話就話免佣，實情係將commission擺落去個spread度，加上trade得密，一般我係用1%以下的止蝕去博一個5%/10%，甚至更多的止賺，兼追求一入場就要迅速收回成本，即0%止蝕

我用過etoro 發現當你用杠杆 差價會變大
普通玩正股冇事 杠杆既話etoro食水深
而且如果有人賺太多，會被etoro審查

有人9萬本賺到100萬，etoro審查後趕佢出去，然後果個人將賺到既錢擺到IB

另外某D人就冇咁好彩啦，有人4萬賺到34萬，etoro一個技術錯誤就扣哂佢D錢，突然破產。


不過就算etoro唔出老千都唔代表杠杆唔會破產，我至少見證過3人曾經賺超過10倍，一年後輸90%以上

如果etoro有朝一日去美國上市，我唔會承認係金融股，而係賭場股

食水深正常，因為以免傭金吸引人，但真係免嘅話，就真係可以汁得，所以將手續費轉去價差果度

CFD不嬲係對賭工具，冇辦法，我想玩道指期貨，錢又太少，得哩類CFD平台可以接納我

我記得account係有監管，好似初頭d錢係 存入澳洲銀行，本錢大果陣可以申請將錢存入歐洲/英國銀行，但同時會取消CFD功能，應該話槓桿降低好多

至於其他，只能講避得就避，我不嬲用account的 20%去玩，其餘80%係stand by，純粹擺係度

btw，我係黎練技術，功成之時，天下間邊度都可以去

覺唔覺你炒親個PnL 都好似上面張圖咁？
覺唔覺你一加大注碼就輸？
因為你一輸就想贏返報仇，用注碼冒大風險追到又當自己贏

https://zh.wikipedia.org/zh-hk/鞅_(概率论)

我輸你的三倍以上 買美股etf 一樣liquidize

其實我冇咩點過贏大錢，係一加大注碼就垂直式下跌，小注就唔上唔落，小注+冒風險就大機會又再垂直下跌，咁嘅情況一loop就三年，

可能你唔明白高槓桿下的難度，類似一個人渣車時速開到100/h以上，仲要係香港，咁少直線公路，一味對住一個方向死沖沖沖，好快就炒車身亡，或者損手爛腳

初頭會經常衝動，唔到輸晒都唔停，之後玩嘅次數慢慢增加時，從1次，100次，1000次，3000次，係交易次數大之下變得謹慎+更加謹慎，應該話唔變嘅話，會係第100次時就冇錢了，沒有練習成本了，但依然會忽然恐懼/貪婪，從而衝動，冇辦法，我又唔係機械人，最盡只能減低情緒的影響，盡量持如履薄冰心，行勇猛精进事

另外最重要的係先搵可以連贏的方法，就算無我都要搵出黎，炒股票唔係近排先興，早在200年前就有，唔信咁多年來冇人面對過我哩嘅困境，唔信冇人走去鑽研過，我只需要先爬上前人的肩膀，再奮身向上

只能講各有各難處

你backtest下個策略先啦 有冇7成勝率 2:1 PT/SL
你咁同送錢俾佢有咩分別

仲有你諗下賺到錢嘅野點會教你 個d咩咩理論唔可信

最近CME出左三大指數micro contract
玩返正規交易所好d

唔關策略事，係入市的精準位，兼且睇你要追邊個趨勢，大，中，小

小注x10倍 95%勝率，x20 85%，x30 75%，x50 65%，x100 30%

大注x50 50%，x100 20%

即係贏粒糖，輸間廠

唔係點會教你，係教左你都唔知佢up乜，高手教人發達可能得鬼閒，但間唔中係網上share心得就冇所謂，我睇過YouTube,blog,各種討論區&留言,文章,書籍,pdf

根本唔應該搵所謂最精準的入市位
從來無呢樣野
最精準往往事後先知
你策略正常係 以小止蝕搏大盈利 咁就夠

但睇你都唔會做到
你太多藉口 成日本身點點點 最後又點點點
你可以駁我鬧我 但咁樣都唔會幫到你賺錢

我唔知你點肯定可以搵到一個精準入市位嘅方法。

其實你點100倍槓桿法？揸一蚊借99蚊？定買極遠價外期權，末日期權？



覺唔覺你炒親個PnL 都好似上面張圖咁？
覺唔覺你一加大注碼就輸？
因為你一輸就想贏返報仇，用注碼冒大風險追到又當自己贏

https://zh.wikipedia.org/zh-hk/鞅_(概率论)

其實我冇咩點過贏大錢，係一加大注碼就垂直式下跌，小注就唔上唔落，小注+冒風險就大機會又再垂直下跌，咁嘅情況一loop就三年
好似麵哥一樣，你有超能力？呢個似睇市問題，似係類似去到超買至追入，超賣至追沽
可能你唔明白高槓桿下的難度，類似一個人渣車時速開到100/h以上，仲要係香港，咁少直線公路，一味對住一個方向死沖沖沖，好快就炒車身亡，或者損手爛腳
鬼唔知咩？但你肯定你可以handle到100時速？
初頭會經常衝動，唔到輸晒都唔停，之後玩嘅次數慢慢增加時，從1次，100次，1000次，3000次，係交易次數大之下變得謹慎+更加謹慎，應該話唔變嘅話，會係第100次時就冇錢了，沒有練習成本了，但依然會忽然恐懼/貪婪，從而衝動，冇辦法，我又唔係機械人，最盡只能減低情緒的影響，盡量持如履薄冰心，行勇猛精进事
已經三千次，仲loop緊，其實最清楚答案嘅係你自己
另外最重要的係先搵可以連贏的方法，就算無我都要搵出黎，炒股票唔係近排先興，早在200年前就有，唔信咁多年來冇人面對過我哩嘅困境，唔信冇人走去鑽研過，我只需要先爬上前人的肩膀，再奮身向上
的確好多人想一朝發達但仆咗街，你點知你真係會搵到個方法而唔係製造永動機？

ching呢啲cfd平台算唔算散戶同平台對賭？係唔係散戶輸平台就賺？

再問一次，你點知大壓力就一定搵得出個方法？點知真係有咁嘅方法短炒致富？你話唔係搵食係小本可發達

統一回覆

道指CFD，應該20倍以上，就係同平台對賭，20倍以下平台應該會對沖，總之佢有2，5，10，20，30，50，100倍 任你揀

所謂精準入場，一般我常規係追50點內浮動，如果時間+時機啱啱好可以做到20~30點內，接近V形反彈，講係咁講，但真正實戰果時會有好多問題，應該話高槓桿下的容錯率係好低好低，即渣車時速100/h以上的容錯率

至於3000次，你估我一開始就咁勁咩，好聽d依家就叫每天都在成長中，難聽講就係技術不成熟，不穩定，依家嘅我比2個月前時更精準，比4個月前的更成熟，碾壓一年前的我

高壓力係迫使你去搵方法姐，去不斷改變，不斷adjust，不斷實驗，從延長生存時間，到延長更多，即係不斷垂死掙扎，到最後的戰勝

最後，你唔係實戰派？work定唔work去試，冇錢試可以觀察，冇方法可以去搵，你冇用過技術指標？至少知一時work一時唔work掛，或者d指標係馬後炮，咁去搵點解會咁，搵唔到就擺係度，借鑒另一方面，技術分析theory，YouTube,blog,討論區&留言，文章，書籍

最基本趨勢交易應該聽過掛？通街都係，進階d就係震盪交易，再進階d原來趨勢+震驚係一體，即纏論

一方面你要完善個理論基礎，因為係以後嘅判斷依據，判斷幾時入場

另一方面你要不斷實戰，係個理論基礎上，豐富各種細節，領悟各種小技巧小知識

你呢次又講得幾啱，

好吖，如果覺得成長咗，可以唔怕繼續。

但係同劵商對賭，會唔會就係輸嘅原因？同賭場一樣。

仲有高槓桿容錯率低，係咪又係輸嘅原因？一波動就蝕晒一注，數學上除非本金極大否則輸光機會大過發達。

本身已經贏輸一半半，再俾劵商小動作搬動你舊芝士，咪輸囉

即使前面冇路，咁條路就由我行出黎，出得黎行，就預左要還，就算我最後去到破產，去到訓天橋底，一有錢就去圖書館借WiFi用，再戰！！

當然又唔使咁極端，而且前面係有路，但前人的知識最多指個方向比你，行唔行到終點就係你嘅事

好似你去問路，有人純粹指個方向比你，有人可能老點你，有人講得再詳細d，但唔完整，有人講得完整，但唔詳細，無論如何，最後必然要係左兜右兜先到達目的地，當中睇你繼續堅持

總之記得最終係要接觸纏論，因為最完整，總之多思考多實戰

以你資產規模，驚可以去正規d，技術唔夠嘅話，道指ETF都可以，當然最好就係去玩外匯，全天候24小時，無固定思維死守call/put，門檻又低，成本都低，都好少咩爆升爆跌，極大部份都震震震

冇正數咁好心你檢討下自己衰乜 方法錯 點研究都錯 正正經經搵正股好過啲乜嘢30倍槓桿

冇必要跟我，我咁玩係因為我身處的環境+自身的經歷造成，哩d 平台都係求錢，無必要咁做拆自己招牌，更何況仲有競爭對手和監管，可以賠8萬英鎊，最多係槓桿可set到好高，引班傻散落搭，例如我，睇死佢地玩唔到，死亡淘汰率應該99%，仲有1%係垂死掙扎中

仲有一類比CFD更扑街，叫binary option，要係30秒內或者5min內估升或估跌，贏先贏80%，輸就輸100%，好似賭波果d賠率，仲要係得外匯，經常性震盪，即係不斷chok上chok下，類似心電圖