回顧過去三年，輸左一萬美金，唉

你想考驗睇唔睇得準 又唔想面對total loss
點解唔炒振幅大嘅股票 細價股呢啲人為操控唔計

多數輸錢係源於忽然加大槓桿，我知自己係極度貪婪，環境造就我咁，性格變唔到，惟有技術黎補，目前我已經練到可以輕鬆carry 10倍槓桿以下，但太慢太慢，等唔切啦，都唔使諗發達，都唔知幾時可以買樓，既然如此，惟有逐步加大槓桿，反正爛命一條，但槓桿每加多10倍，又要重新練一次心態，又要再追一次精準再精準，trade trade trade,過去三年差唔多trade了3000場

至於咩投機，投資，賭錢，其實唯一的分別：竟然你知唔知點解會贏？點解會輸？知就可以繼續玩，唔知就停下來去搵

「從技術指標到技術分析theory，K線，MV，Jesse Livermore，道氏，纏論」－－－－既然實踐咗，有冇研究出邊個方法最準?乜嘢市況準? 會唔會濫用?

「有分析市場，有制定策略，有執行，有風險管理，但入場的精準度依然要練完再練，執行時依然有恐懼有貪婪，依然不斷練練練！」
－－－－你睇返係唔係真係有效策略，風控先，用唔同市況變化係唔係都應付到?

操作嘅心態就一定要實戰，唔落水學唔到游水。

你講咗幾次瞓過龍，不如你試下唔瞓係咪真係就搞得掂?

睇位高沽低買day trade, 可持續性你要搞清楚，我唔排除有人得，幾年夠你發現好多嘢喇。

呢排單日波動好大，真係難玩，有少少係非戰之罪。

呢種心態唔睇好，仲話買樓發達。你再諗真啲先啦

首先要識睇市，無論技術指標或技術分析theory，都係嘗試將走勢定論描述，例如趨勢+震盪，當中纏論描述得最完整：走勢無非底，頂，中間的連接過程

雖然纏論完整，但就好難入門，我用左2年時間，大量實戰+思考，先勉強入門

至於其他係次要，市都唔識睇，點風險管理，都係遲d死或早d死咁解

我由朝睇到晚，冇晒精力心力，佢老味凌晨先黎旺市，次次都係咁，如果有得去美國玩，我一早賺到傻

個人選擇，一旦地獄級別的槓桿都玩得贏嘅話，所有30~50倍槓桿以下，對於我而言，將會如飲水食飯一樣輕輕鬆鬆，第二原因就係我後生+錢少，因為市場係輸比例，唔係金額大細，例如同樣輸90%錢，一個係$1000美金，另一個會係$100,000，但果個痛苦經歷相差不大，同樣會刻骨銘心，同樣時時刻刻謹記

買張機票飛美國啦，咁好賺，反正爛命一條

人地話輸錢皆因贏錢起，你係咪贏過好多

用返工對沖對沖工具

ig係黑期？

yes, CFD
1500 按金有得玩

纏論用在美股得?A股港股唔得?如果真係掂，要攞諾貝爾獎。

未正數過，輸就輸，無論咩原因，no excuse，我依然都係好廢，依然垂死掙扎中，純粹想發洩一下情緒，ready新一輪戰鬥

輸一千同輸十萬感覺差唔多，咁你有冇試過㩒掣緊張到手震?幾千hkd我唔會囉

玩咁耐最勁個次贏幾多

下冇贏過都賭我真係唔明

堅定流一試就知，之前2年前又輸錢，失意+迷茫下，上網左搵右搵，想知技術分析係頂已盡，定係仲有前路行，於是我先接觸道氏，後接纏論，先明白原來條路係咁行

btw，work就一定work，但咁易學嘅話，個個都賺大錢

都係果句，堅定流一試就知，相信你都係實戰派

梗係啦，對你而言，對我而言，係成副身家，初頭咩都唔識，接觸高槓桿果下，係嚇到賴屎，腦袋係一片空白

哩下先最心up，你話我唔想點解輸錢點解贏錢，我可能會一句運氣姐，然後一早放棄，偏偏我知，初頭係隱約知道，後期隨著大量實戰+深入鑽研纏論，先慢慢清晰知道，但好多時輸之前唔知，但一輸就即刻知道正確答案，然後反推，然後 mark低

另外有時知係一回事，action跟得上又係另一回事

2月份道指大跌果陣，初頭好似29300入小小沽，以為冇咁快大跌，炒緊石油，之後佢急我好似27000/28000左右重倉入沽，一下番一倍，不斷平倉追沽，仲加高槓桿，點知佢一下急升好似近1000點，爆倉嘔到出黎，仲要蝕，果下先知原來我仲未學夠班，仲自以為是，果段時間輸得最甘，$4000美金！！同樣係我醒悟嘅時候

你十足十我開始炒股嗰兩個月 之後冇再掂過槓桿 轉玩中短線正股 財富穩步上升 參考下

睇到都笑出聲
返工叫做對沖

我最近都再認真睇返技術分析嘅書，不過一句講晒，明日世界發生咩事冇人知，所以主要唔係在測市，一定在技巧。

有經驗就唔會太博，因為急跌嘅時間，同時係好易急彈，你個case好普遍。