但係首先有一個disclaimer先，呢個計劃係for有興趣而又有閒錢嘅巴打手足們加入，希望集資嘅數目係塊地+facilities嘅價錢around 5700萬，再加埋繼續發展呢個香港村嘅錢，around 7000-8000萬。
當然價錢可以斟酌，畢竟我唔係專業人士，呢個部分可能要麻煩有呢方面專業嘅巴打。
但如果照上面咁計，而又有1000-2000人加入，平均分嘅話每個人都只係幾萬。
錢方面當然會建立一個私人基金會去搞，如果係夠人搞呢個計劃嘅話，我地要考慮嘅方面其實都幾多下，包括房屋，工作，娛樂。房屋方面其實我覺得方案有兩個。
首先我去咗Christie’s嘅網睇咗一下成條村究竟係點樣。https://www.christiesrealestate.com/sales/detail/170-l-78143-2004150708096298/satra-brunn
條村public facilities都齊全，有gym room游泳池公園，分分鐘仲多過宜家政府提供比我地嘅。
Plan A：我地可以全部人集資買咗塊地同埋public facilities先，之後就會分指定區域比大家，自己比錢起樓。
Plan B：我地我可以集資起返棟類似hall又好，公屋私樓又好嘅building，然後分比大家，咁就唔使煩太多野。
集資嘅數目係間接等於我地嘅living quality，咁當然如果係初期投資更加多嘅巴打會有更好嘅condition。
當然搞掂咗住之後，我地要諗嘅係工作嘅問題。我地去到個度其實好難sustain到宜家份工作，除非你份工係可以長期home office啦。當然我地衣食住行都會創造到工作機會出黎，其實基本上都可以自給自足，大家有咩技能都可以運用到出黎。
最需要嘅當然係建築業嘅朋友，我地要起public facilities同埋實行Plan B嘅工作
如果有建築設計師，建築巴打等等嘅朋友應該會忙死，但你地係我地最需要嘅人才。
藝術方面會可以做到類似英國Brighton咁嘅地方，如果有去過嘅巴打應該明我咩意思，我相信無邊個唔鐘意藝術，咁藝術界嘅巴絲又有發揮空間。
如果有巴打有閒錢投資嘅都可以開餐廳，識煮飯嘅，咁可以係餐廳度做。
當然初期都可以比巴打們係度創業，其實發揮嘅空間都幾大。
我地都可以有類似公務員嘅野，處理管理呢個香港村嘅事務，咁都可以比手足們有工做。
工種我就唔一一列舉出黎，我相信呢個地方係有無限機會嘅。
娛樂方面就會運用到我地嘅發展基金，戲院當然係必須啦，咁如果想行街都可以行手足們開嘅鋪頭。我地都可以諗下起一個公眾劇場，比大家聚集，想發表意見或者有表演嘅時候用，或者都可以用個度有嘅教堂。當然娛樂都係後話啦，我相信連宜家呢個艱難嘅時候，香港人都好識點樣放鬆自己，去到就當然無問題啦。
呢個只係我腦中香港村嘅雛形，當然都希望巴絲們多發表意見。
另外如果反應唔錯嘅話我會開返個tg gp for討論。多謝睇到呢度嘅你。
